Mɛɖéesɔ́hwe

Linlin tɛ́ Jexóva ka nɔ ɖó dó mɛɖéesɔ́hwetɔ́ lɛ́ kpó goyítɔ́ lɛ́ kpó wú?

Ðɛ 138:6; Nǔx 15:25; 16:18, 19; 22:4; 1Pi 5:5

Lɛ̌ kpɔ́n Nǔx 29:23; Eza 2:11, 12

Kpɔ́ndéwú Biblu tɔn e sixú d’alɔ we lɛ́ é:
- 2Ta 26:3-5, 16-21: Axɔ́sú Oziyási húzú goyítɔ́; é gba sɛ́n Mawu tɔn, bɔ hwenu e è ɖe wě xá ɛ é ɔ, xomɛ sin i tawun, énɛ́ wú ɔ, Mawu sɔ́ gudu dó dɔn tó n’i
- Lk 18:9-14: Jezu ná nǔjlɛ́dónǔwú ɖé dó tínmɛ lěe nǔ nɔ cí nú Jexóva dó goyítɔ́ sín ɖɛ lɛ́ kpó mɛɖéesɔ́hwetɔ́ sín ɖɛ lɛ́ kpó wú é

2Ta 7:13, 14; Ðɛ 51:4-6, 19

Kpɔ́ndéwú Biblu tɔn e sixú d’alɔ we lɛ́ é:
- 2Ta 12:5-7: Axɔ́sú Hlobowámu kpó Judáa sín gǎn lɛ́ kpó sɔ́ yěɖée hwe ɖo Jexóva nukɔn, bo xo gló awěxomɛ
- 2Ta 32:24-26: Axɔ́sú ɖagbe Ezekiyási húzú goyítɔ́, amɔ̌, Jexóva sɔ́ hwɛ kɛ ɛ hwenu e é sɔ́ éɖée hwe é

Efɛ́ 4:1, 2; Flp 2:3; Ko 3:12, 13

Kpɔ́ndéwú Biblu tɔn e sixú d’alɔ we lɛ́ é:
- Bǐ 33:3, 4: Jakɔ́bu sɔ́ éɖée hwe ɖo ali jí wǔ ɖé nu, hwenu e é ɖo gbe dó nɔví tɔn Esáwu e ma nɔ mɔ ɛ gbɔ ɖ’ayǐ ǎ é wɛ é, bɔ énɛ́ zɔ́n bɔ fífá wá yě mɛ we lɛ́ tɛ́ntin
- Hwɛ 8:1-3: Hwɛɖɔtɔ́ Jedenyɔ́ɔ ɖɔ nú Eflayímunu lɛ́ kpó mɛɖéesɔ́hwe kpó ɖɔ yě hú gǎn émí, bɔ énɛ́ fá yě, lobɔ tagba sɔ́ fɔ́n ɖo tɛ́ntin yětɔn ǎ

Mt 18:1-5; 23:11, 12; Mk 10:41-45

Kpɔ́ndéwú Biblu tɔn e sixú d’alɔ we lɛ́ é:
- Eza 53:7; Flp 2:7, 8: Lěe è ɖɔ ɖ’ayǐ gbɔn é ɔ, Jezu yí gbe nú azɔ̌ e è sɔ́ d’así n’i b’ɛ ná wa ɖo ayǐkúngban jí é kpó mɛɖéesɔ́hwe kpó, bo kú wǔvɛ́ kpó winnyá kpó kú
- Lk 14:7-11: Jezu zán tɛnmɛ sísɔ́ ɖo agɔ̌ ɖé domɛ dó ná nǔjlɛ́dónǔwú dó lě do mɛɖéesɔ́hwe xɔ akwɛ́ sɔ é wú
- Jn 13:3-17: Jezu w’azɔ̌ e ɖe mɛ kpo é ɖé kpó mɛɖéesɔ́hwe kpó, énɛ́ wɛ nyí ɖɔ é klɔ́ afɔ nú mɛsɛ́dó tɔn lɛ́ dó sɔ́ kpɔ́ndéwú ɔ ɖ’ayǐ nú ahwanvú tɔn lɛ́