Tagba lɛ́ ɖiɖe ɖɛ
Ényí mɛɖé wa nǔ nyi do dó mǐ ɔ, étɛ́wú mǐ ka ɖó ná nyi alɔ nú xomɛsin alǒ hlɔn biba?
Nǔx 20:22; 24:29; Hlɔ̌ 12:17, 18; Ja 1:19, 20; 1Pi 3:8, 9
-
Kpɔ́ndéwú Biblu tɔn e sixú d’alɔ we lɛ́ é:
-
1Sa 25:9-13, 23-35: Hwenu e Nabálu zun Davídi kpó mɛ tɔn lɛ́ kpó bo gbɛ́ ɖɔ émí kún ná d’alɔ yě ó é ɔ, Davídi zɔn dó lěe nǔ cí n’i é wú bo wá gbeta ɔ kɔn bo ná hu Nabálu kpó súnnu e ɖo xwédo tɔn mɛ lɛ́ é bǐ kpó, amɔ̌, wě e nǔnywɛ́ kpé bɔ Abigayílu ɖe xá Davídi é d’alɔ ɛ bɔ é nyi alɔ nú hunxɔ́ ɖuɖu
-
Nǔx 24:17-20: Gbigbɔ mímɛ́ sɔ́ dó ayi mɛ nú axɔ́sú Salomɔ́ɔ bɔ é gb’akpá nú togun Mawu tɔn ɖɔ ényí kɛntɔ́ mɛtɔn j’ayǐ bónú è j’awǎ ɔ, é kún nɔ nyɔ́ Jexóva nukúnmɛ ó; mǐ nɔ jó hwɛ lɛ́ ɖiɖɔ dó nyi alɔ mɛ nú Jexóva
-
Ényí klisánwun ɖé jɛ tagba xá mɛɖé ɔ, é ɖó ná nyi alɔ nú xó ɖiɖɔ xá mɛ ɔ, alǒ hɛn ɛ dó xomɛ wɛ a?
Le 19:17, 18; 1Kɔ 13:4, 5; Efɛ́ 4:26
-
Kpɔ́ndéwú Biblu tɔn e sixú d’alɔ we lɛ́ é:
-
Mt 5:23, 24: Jezu tínmɛ ɖɔ ényí nɔví mǐtɔn ɖé ɖo xomɛ sin dó mǐ wɛ ɔ, mǐ ɖó ná wa nǔ e wú mǐ kpé é bǐ bo dó hwɛ gbɔ xá ɛ
-
Ényí è wa nǔ nyi do dó mǐ ɔ, étɛ́ mǐ ka ná wa b’ɛ ná ɖe wǎnyíyí xlɛ́ hú gǎn?
Nǔx 10:12; 19:11; Efɛ́ 4:32; Ko 3:13
Étɛ́wú mǐ ka ɖó ná nɔ sɔ́ hwɛ kɛ mɛ ɖěɖěe tlɛ hu hwɛ dó mǐ azɔn mɔ̌kpán bɔ hwɛ yětɔn lɛ́ ka vɛ́ nú yě nǔgbó nǔgbó lɛ́ é?
Ényí nǔ e è wa nyi do dó mǐ é syɛ́n sɔmɔ̌ bɔ mǐ ma sixú wɔn ya ná ǎ, ɖi kpɔ́ndéwú ɔ, ényí è dó ji mǐ alǒ hízí mǐ ɔ, mɛ̌ ka ɖó ná ɖɔ xó nú nǔwanyidotɔ́ ɔ? Linlin tɛ́ mɛ é ka ɖó ná wa mɔ̌ ɖe?
Ényí mɛɖé dó ji mǐ alǒ hízí mǐ, bɔ nǔ e é wa é ma vɛ́ n’i hwenu e mǐ ɖɔ xó nú éɖokpónɔ gúdo é ǎ ɔ, étɛ́ mǐ ka ɖó ná wa?
Xóta élɔ́ lɛ́ lɔ sixú jɛjí nú we
NǓKANBYƆ́ BIBLU TƆN LƐ́ SÍN XÓSIN
Etɛ Biblu ka Ðɔ Dó Hlɔnbiba Wu?
Wěɖexámɛ e ɖo Biblu mɛ lɛ é ko d’alɔ mɛ gegě bɔ ye ɖu ɖo jlǒ e ye nɔ ɖó bo na ba hlɔn é jí.
JEZU: ALIƆ, NUGBǑ Ɔ, GBƐ̀ Ɔ
È Ðó Na Sɔ́ Hwɛ Kɛ Mɛ
Jezu zán nùjlɛdonǔwu mɛsɛntɔ́ e ma kú nǔblawu nú mɛ ǎ é tɔn bo dó ɖè lee jlǒ é mǐ nɔ sɔ́ dó sɔ́ hwɛ kɛ mɛ ɖevo lɛ é nyí nǔ taji nú Mawu sɔ́ é xlɛ́.
NǓ E KAN MǏ LƐ́ É
Byɔ̌ ɖɔ è ní wá ba we kpɔ́n
Gbějé nǔkanbyɔ́ Biblu tɔn ɖé kpɔ́n, alǒ kplɔ́n nǔ ɖěvo lɛ́ dó Kúnnuɖetɔ́ Jehovah tɔn lɛ́ wú.
