Más é Dia an grá, cén fáth a bhfuil an oiread drochrudaí déanta ag reiligiúin ina ainm? Mar is reiligiúin bhréagacha iad seo agus tá Briathar Dé curtha as a riocht acu. Cén chaoi a mothaíonn Dia faoi sin, agus céard a dhéanfaidh sé faoi?

1. Cén chaoi a gcuireann teagasc reiligiún bréagach an fhírinne faoi Dhia as a riocht?

“Mhalartaigh siad [reiligiún bréagach] fírinne Dé ar an mbréag.” (Rómhánaigh 1:25) Mar shampla, níor mhúin formhór na reiligiúin ainm Dé dá lucht leanúna. Deir an Bíobla nach mór ainm Dé a úsáid. (Rómhánaigh 10:13, 14) Deir roinnt de na ceannairí reiligiúnacha gurb é toil Dé é nuair a tharlaíonn drochrudaí. Ach is bréag é sin. Ní hé Dia foinse an oilc. (Léigh Séamas 1:13.) Faraor, tá bréaga tar éis daoine a scaradh ó Dhia.

2. Cén chaoi a gcuireann gníomhartha reiligiún bréagach an fhírinne faoi Dhia as a riocht?

Ní chaitheann reiligiún bréagach le daoine mar a chaitheann Iehova leo. Deir an Bíobla faoi reiligiún bréagach gur “shroich a cionta na flaithis.” (Apacailipsis 18:5) Leis na céadta bliain bhí baint ag reiligiúin le polaitíocht agus cogaí. B’iad ba chúis le agus a cheadaigh bás líon mór daoine. Bíonn saol an mhadra bháin ag cuid de na ceannairí reiligiúnacha ach is iad a lucht leanúna a bhíonn ag íoc as. Léiríonn siad nach bhfuil aithne acu ar Dhia, gan trácht ar iad a bheith ag déanamh ionadaíochta ar a shon.—Léigh 1 Eoin 4:8.

3. Cén chaoi a mothaíonn Dia faoi reiligiún bréagach?

Má chuireann na rudaí a dhéanann reiligiún bréagach fearg ortsa, cén chaoi a mothaíonn Iehova faoi? Is breá leis daoine, ach tá fearg air le ceannairí reiligiúnacha a chuireann an fhírinne faoi Dhia as a riocht agus a chaitheann go dona le daoine. Geallann sé go scriosfar reiligiún bréagach agus nach mbeidh “fáil uirthi feasta.” (Apacailipsis 18:21) Cuirfidh Dia deireadh le reiligiún bréagach go luath.—Apacailipsis 18:8.

 DÉAN TAIGHDE

4. Níl Dia sásta le gach reiligiún

Creideann go leor daoine go bhfuil reiligiúin cosúil le bóithre éagsúla a threoraíonn chun Dé muid. Ach an bhfuil sé sin fíor? Léigh Matha 7:13, 14, agus pléigh an cheist seo:

• Cén cur síos a dhéanann an Bíobla ar an mbóthar a sheolann chun na beatha?

Seinn an FÍSEÁN, ansin pléigh an cheist a leanann.

• An ndeir an Bíobla go bhfuil Dia sásta le gach reiligiún?

 6. Tá Dia ag iarraidh daoine a shaoradh ó reiligiún bréagach

Léigh Apacailipsis 18:4, a ansin pléigh an cheist seo:

• Cén chaoi a mothaíonn tú tar éis duit a fháil amach go bhfuil Dia ag iarraidh na daoine a bhí curtha amú ag reiligiún bréagach a shábháil?

7. Lean ort ag foghlaim faoin bhFíor-Dhia

Ar chóir go mbeadh tionchar ag reiligiún bréagach ar do dhearcadhsa ar Dhia? Tóg, mar shampla, fear óg a dhiúltaíonn do chomhairle a athar. Fágann sé an baile agus tarraingíonn sé trioblóid ar féin. Ní aontaíonn an t-athair leis na drochrudaí atá á dhéanamh ag a mhac. An mbeadh sé féaráilte an milleán a chuir ar an athair faoin méid atá á dhéanamh ag a mhac?

• An mbeadh sé féaráilte an milleán a chuir ar Iehova agus stopadh ag foghlaim faoi mar gheall ar reiligiún bréagach?

 ACHOIMRE

Tá reiligiún bréagach ag cur briathar Dé as a riocht lena chuid teagaisc bhréagacha agus a chleachtais uafásacha. Scriosfaidh Dia reiligiún bréagach.

Súil Siar

• Cén chaoi a mothaíonn tusa faoi na rudaí a mhúin agus a rinne reiligiún bréagach?

• Cén chaoi a mothaíonn Iehova faoi reiligiún bréagach?

• Céard a dhéanfaidh Dia le reiligiún bréagach?