1 Kronika 18:1-17
18 Sɛɛ mli lɛ, David yaye Filistibii lɛ anɔ kunim ni amɛbaje eshishi, ni eshɔ̃ Gat+ kɛ emaji ni baa lɛ abo* lɛ kɛje Filistibii lɛ adɛŋ.+
2 Kɛkɛ ni eye Moab+ nɔ kunim ni Moabbii lɛ batsɔmɔ David tsuji ni amɛkɛ nikeenii* bahãa lɛ.+
3 David ye Zoba+ maŋtsɛ, Hadadezer,+ nɔ kunim yɛ Hamat+ masɛi be ni eyaa koni eyaŋɔ Yufrate Faa lɛ he shikpɔŋ lɛ.+
4 David shɔ̃ Hadadezer shwiilii 1,000 ni emɔmɔ ekpɔŋɔnɔtaralɔi 7,000 kɛ esraafoi 20,000 ni nyiɛɔ amɛnane nɔ.+ Kɛkɛ ni David folɔ okpɔŋɔi ni gbalaa shwiilii lɛ fɛɛ anaji asɛɛ fãji lɛ, shi eshi okpɔŋɔi ni gbalaa shwiilii lɛ ateŋ 100 ni efolɔɔɔ amɛnaji asɛɛ fãji.+
5 Be ni Siriabii ni yɔɔ Damasko lɛ ba koni amɛbaye amɛbua Zoba maŋtsɛ Hadadezer lɛ, David gbe Siriabii 22,000.+
6 Kɛkɛ ni David to asraafoi akui yɛ Damasko, ni ji Siria maŋtiase lɛ, ni Siriabii lɛ batsɔmɔ David tsuji ni amɛkɛ nikeenii* bahãa lɛ. He fɛɛ he ni David yaa lɛ, Yehowa hãa eyeɔ kunim.*+
7 Agbɛnɛ hu, David shɔ̃ tsɛŋ koklobii ni akɛ shika tsuru fee lɛ kɛje Hadadezer tsuji lɛ adɛŋ ni ekɛba Yerusalem.
8 David loo akɔɔble babaoo kɛjɛ Tibehat kɛ Kun, ni ji Hadadezer maji lɛ amli. Akɔɔble nɛɛ ji nɔ ni Solomon kɛfee akɔɔble taŋki agbo ni atsɛɔ lɛ Ŋshɔ lɛ,+ kɛ akulashiŋi lɛ, kɛ akɔɔble nibii lɛ.+
9 Be ni Hamat maŋtsɛ ni atsɛɔ lɛ Tou lɛ nu akɛ David eye Zoba+ maŋtsɛ Hadadezer+ asraafoi lɛ fɛɛ anɔ kunim lɛ,
10 amrɔ nɔŋŋ ni etsu ebinuu Hadoram kɛtee Maŋtsɛ David ŋɔɔ koni eyaŋa lɛ ni ehã lɛ aekoo akɛni ekɛ Hadadezer ewu ni eye enɔ kunim lɛ hewɔ (ejaakɛ Hadadezer kɛ Tou fɔɔ tawuu), ni ekɛ shika tsuru nibii, kɛ jwiɛtɛi nibii, kɛ akɔɔble nibii srɔtoi fɛɛ bahã lɛ.
11 Maŋtsɛ David jɔɔ nibii nɛɛ anɔ ehã Yehowa+ kɛfata jwiɛtɛi kɛ shika tsuru ni eloo kɛjɛ jeŋmaji lɛ fɛɛ adɛŋ lɛ he, eloo nibii nɛɛ kɛjɛ: Edom kɛ Moab dɛŋ, kɛjɛ Amonbii+ lɛ, kɛ Filistibii+ lɛ, kɛ Amalekbii+ lɛ adɛŋ.
12 Abishai,+ Zeruia binuu+ lɛ, gbe Edombii 18,000 yɛ Ŋoo Jɔɔ lɛ mli.+
13 Eto asraafoi akui yɛ Edom, ni Edombii lɛ fɛɛ batsɔmɔ David tsuji.+ He fɛɛ he ni David yaa lɛ, Yehowa hãa eyeɔ kunim.*+
14 David tee nɔ eye Israel fɛɛ nɔ,+ ni ekojoɔ ni eyeɔ jalɛ sane ehãa emaŋbii lɛ fɛɛ.+
15 Yoab, Zeruia binuu lɛ, ji mɔ ni kwɛɔ asraafoi lɛ anɔ,+ ni Yehoshafat,+ Ahilud binuu lɛ, ji saji aŋmalalɔ,
16 Zadok, Ahitub binuu lɛ kɛ Ahimelek, Abiatar binuu lɛ ji osɔfoi, ni Shavsha ji woloŋmalɔ.
17 Benaia, Yehoiada binuu lɛ, ji mɔ ni kwɛɔ Keretifoi+ lɛ kɛ Peletifoi+ lɛ anɔ. Ni David bihii lɛ ji maŋtsɛ lɛ sɔɔlɔi-nukpai.*
Shishigbɛ Niŋmaa
^ Loo “kɛ ehewɔ maji.”
^ Eeenyɛ efee akɛ, “nikeenii” nɛɛ ji maŋ too ko ni David bi yɛ amɛdɛŋ.
^ Eeenyɛ efee akɛ, “nikeenii” nɛɛ ji maŋ too ko ni David bi yɛ amɛdɛŋ.
^ Loo “Yehowa hereɔ eyiwala.”
^ Loo “Yehowa hereɔ eyiwala.”
^ Loo “ji mɛi ni kwɛɔ maŋtsɛ lɛ sɛɛ.”
