2 Samuel 8:1-18
8 Sɛɛ mli lɛ, David yaye Filistibii+ lɛ anɔ kunim ni amɛbaje eshishi,+ ni David shɔ̃ Meteg-ama kɛje Filistibii lɛ adɛŋ.
2 Eye Moabbii lɛ anɔ kunim+ ni ehã amɛkamɔ shi yɛ shikpɔŋ ni ekɛ susumɔ kpãa susu amɛ. Esusu susumɔ kpãi enyɔ, ni ehã agbe amɛ, ni esusu susumɔ kpãa kome, ni ehã amɛhi shi.+ Ni Moabbii lɛ batsɔmɔ David tsuji ni amɛkɛ nikeenii* bahãa lɛ.+
3 David ye Zoba+ maŋtsɛ, Hadadezer, Rehob binuu lɛ nɔ kunim be ni eyaa koni eyaŋɔ hewalɛ ekoŋŋ yɛ Yufrate Faa+ lɛ he lɛ.
4 David mɔmɔ Hadadezer okpɔŋɔnɔtaralɔi 1,700 kɛ asraafoi 20,000 ni nyiɛɔ amɛnane nɔ. Kɛkɛ ni David folɔ okpɔŋɔi ni gbalaa shwiilii lɛ fɛɛ anaji asɛɛ fãji lɛ, shi eshi okpɔŋɔi ni gbalaa shwiilii lɛ ateŋ 100 ni efolɔɔɔ amɛnaji asɛɛ fãji.+
5 Be ni Siriabii ni yɔɔ Damasko+ lɛ ba koni amɛbaye amɛbua Zoba maŋtsɛ Hadadezer lɛ, David gbe Siriabii 22,000.+
6 Kɛkɛ ni David to asraafoi akui yɛ Damasko, ni ji Siria maŋtiase lɛ, ni Siriabii lɛ batsɔmɔ David tsuji ni amɛkɛ nikeenii* bahãa lɛ. He fɛɛ he ni David yaa lɛ, Yehowa hãa eyeɔ kunim.*+
7 Agbɛnɛ hu, David shɔ̃ tsɛŋ koklobii ni akɛ shika tsuru fee lɛ kɛje Hadadezer tsuji lɛ adɛŋ ni ekɛba Yerusalem.+
8 Maŋtsɛ David loo akɔɔble babaoo kɛjɛ Beta kɛ Berotai, ni ji Hadadezer maji lɛ amli.
9 Agbɛnɛ, Hamat+ maŋtsɛ ni atsɛɔ lɛ Toi lɛ nu akɛ David eye Hadadezer asraafoi lɛ fɛɛ anɔ kunim.+
10 No hewɔ lɛ, Toi tsu ebinuu Yoram kɛtee Maŋtsɛ David ŋɔɔ koni eyaŋa lɛ ni ehã lɛ aekoo akɛni ekɛ Hadadezer ewu ni eye enɔ kunim lɛ hewɔ (ejaakɛ Hadadezer kɛ Toi fɔɔ tawuu), ni ekɛ jwiɛtɛi nibii, kɛ shika tsuru nibii, kɛ akɔɔble nibii bahã lɛ.
11 Maŋtsɛ David jɔɔ nibii nɛɛ anɔ ehã Yehowa kɛfata jwiɛtɛi kɛ shika tsuru ni ená kɛjɛ jeŋmaji fɛɛ ni baje eshishi lɛ adɛŋ ní ejɔɔ nɔ momo lɛ ahe,+
12 ená nibii nɛɛ kɛjɛ: Siria kɛ Moab+ dɛŋ, kɛjɛ Amonbii lɛ, kɛ Filistibii+ lɛ, kɛ Amalekbii+ lɛ adɛŋ, kɛ agbɛnɛ hu, kɛjɛ nibii ni eha yɛ Zoba maŋtsɛ Hadadezer,+ Rehob binuu lɛ dɛŋ lɛ mli.
13 David fee gbɛ́i ehã ehe be ni eyagbe Edombii 18,000 yɛ Ŋoo Jɔɔ+ lɛ mli ni eku esɛɛ eba lɛ.
14 Eto asraafoi akui yɛ Edom. Eto asraafoi akui yɛ Edom fɛɛ, ni Edombii lɛ fɛɛ batsɔmɔ David tsuji.+ He fɛɛ he ni David yaa lɛ, Yehowa hãa eyeɔ kunim.*+
15 David tee nɔ eye Israel fɛɛ nɔ,+ ni David kojoɔ ni eyeɔ jalɛ sane+ ehãa emaŋbii lɛ fɛɛ.+
16 Yoab,+ Zeruia binuu lɛ, ji mɔ ni kwɛɔ asraafoi lɛ anɔ, ni Yehoshafat,+ Ahilud binuu lɛ, ji saji aŋmalalɔ.
17 Zadok,+ Ahitub binuu lɛ kɛ Ahimelek, Abiatar binuu lɛ ji osɔfoi, ni Seraia ji woloŋmalɔ.
18 Benaia,+ Yehoiada binuu lɛ, ji mɔ ni kwɛɔ Keretifoi lɛ kɛ Peletifoi+ lɛ anɔ. Ni David bihii lɛ batsɔmɔ sɔɔlɔi-nukpai.*
Shishigbɛ Niŋmaa
^ Eeenyɛ efee akɛ, “nikeenii” nɛɛ ji maŋ too ko ni David bi yɛ amɛdɛŋ.
^ Eeenyɛ efee akɛ, “nikeenii” nɛɛ ji maŋ too ko ni David bi yɛ amɛdɛŋ.
^ Loo “Yehowa hereɔ eyiwala.”
^ Loo “Yehowa hereɔ eyiwala.”
^ Hebri sht. ŋm., “batsɔmɔ osɔfoi.”
