Ezekiel 19:1-14
-
Israel lumɛi lɛ ahe yaafo lala (1-14)
19 “Lá Israel lumɛi lɛ ahe yaafo lala*
2 ni okɛɛ akɛ,‘Te onyɛ tamɔ tɛŋŋ? Etamɔ jata yoo yɛ jatai ateŋ.
Ebuɔ shi yɛ jatai* ni he wala ateŋ ni elɛɔ ebii lɛ.
3 Elɛ ebii lɛ ateŋ ekome ni ebatsɔ jata* ni he wa.+
Ekase bɔ ni atserɛɔ kooloo mli,Eye gbɔmɛi po.
4 Jeŋmaji lɛ nu ehe ni amɛdu lɛ yɛ amɛbu lɛ mli,Ni amɛkɛ kpoŋ mɔ lɛ kɛba Ejipt shikpɔŋ lɛ nɔ.+
5 Emɛ aahu ni sɛɛ mli lɛ ena akɛ ebi lɛ ekuŋ esɛɛ ebaŋ dɔŋŋ.
No hewɔ lɛ, emɔ ebii lɛ ateŋ mɔ kroko ni efee lɛ jata* ni he wa.
6 Lɛ hu enyiɛ jatai lɛ ateŋ ni etsɔ jata* ni he wa.
Ekase bɔ ni atserɛɔ kooloo mli, ni eye gbɔmɛi po.+
7 Egbɔbi yɛ amɛmɔji ni atswa gbogboi awo amɛhe lɛ ateŋ ni ekpãtã amɛmaji lɛ ahiɛ,No hewɔ lɛ, ehũumɔ lɛ yi shikpɔŋ ni etsɔ amaŋfɔ lɛ nɔ obɔ.+
8 Jeŋmaji ni jɛ kpokpai ni ebɔle ehe lɛ batutua lɛ koni amɛkɛ amɛyaa lɛ aha enɔ,Ni amɛdu lɛ yɛ amɛbu lɛ mli.
9 Amɛkɛ kpoŋ mɔ lɛ amɛwo adeka mli ni amɛkɛ lɛ yahã Babilon maŋtsɛ lɛ.
Amɛtsĩ enaa yɛ jɛmɛ koni akanu egbee yɛ Israel gɔji lɛ anɔ dɔŋŋ.
10 Onyɛ tamɔ wain tso+ yɛ olá lɛ mli* ni adu yɛ nui ahe.
Ewo yibii ni egbala niji babaoo yɛ nu babaoo lɛ hewɔ.
11 Ená tsei niji* ni wa ni abaanyɛ akɛfee nɔyelɔi adɛhiɛmɔtsei.
Ewó dalɛ nɔ ni ekwɔ fe tsei krokomɛi lɛ,Ni ekwɔlɛ kɛ bɔ ni ebu kusuu lɛ hewɔ lɛ, mɔ fɛɛ mɔ naa lɛ.
12 Afã lɛ kɛ eshishifã yɛ mlifu mli+ ni ashɛ lɛ afɔ̃ shikpɔŋ,Ni bokã kɔɔyɔɔ hã eyibii lɛ gbi.
Akumɔ etsei niji ni wa lɛ ni amɛgbi,+ ni la shã amɛ.+
13 Agbɛnɛ, adu lɛ yɛ ŋa lɛ nɔ,Yɛ shikpɔŋ gbiŋ ni nu bɛ nɔ lɛ nɔ.+
14 La lɛ jɛ etsei niji* lɛ amli ni eshã etsei ni etsɛ̃rɛ̃ lɛ kɛ eyibii lɛ,Ni tsei niji ni wa lɛ eko kwraa eshwɛɛɛ, eko eshwɛɛɛ ni akɛbaafee nɔyelɔ dɛhiɛmɔtso.+
“‘Yaafo lala nɛ, ni akɛbaatsu nii akɛ yaafo lala.’”
Shishigbɛ Niŋmaa
^ Loo “awerɛhoyeli lala.”
^ Loo “jata oblahii kɛ amɛkuɛ he tsɔi.”
^ Loo “jata oblanyo.”
^ Loo “jata oblanyo.”
^ Loo “jata oblanyo.”
^ Shishitsɔɔmɔi komɛi kɛɔ akɛ, “tamɔ wain tso yɛ owain ŋmɔ lɛ mli.”
^ Loo “Ená tsei.”
^ Loo “La lɛ jɛ etsei.”
