Habakuk 3:1-19
3 Sɔlemɔ ni gbalɔ Habakuk kɛ yaafo lalai* sɔle nɛ:
2 Ao, Yehowa, minu ohe sane.
Ao, Yehowa, onitsumɔ lɛ ehã gbeyei emɔ mi.
Tsĩɛmɔ onitsumɔ lɛ hiɛ yɛ afii lɛ amli!*
Hã ale enɛ yɛ afii lɛ amli.*
Kaimɔ ni ona mɔbɔ yɛ basabasafeemɔ lɛ mli.+
3 Nyɔŋmɔ jɛ Teman eba,Mɔ Krɔŋkrɔŋ lɛ jɛ Paran Gɔŋ lɛ nɔ eba.+ (Sela)*
Egbojee lɛ ha ŋwɛi;+Eyijiemɔ lɛ yi shikpɔŋ lɛ nɔ obɔ.
4 Ekpɛmɔ lɛ tamɔ la.+
Lakpɛmɔi enyɔ jɛ edɛŋ,He ni ji ehewalɛ lɛ teemɔhe lɛ.
5 Tsɛŋemɔ hela ni gbeɔ mɔ nyiɛ ehiɛ,+Ni atridii ni naa wa nyiɛ enaji asɛɛ.
6 Ewa edamɔ shi, ni ehoso shikpɔŋ lɛ.+
Ekwɛ, ni ehã jeŋmaji tumɔ.+
Naanɔ gɔji lɛ jwara,Ni blema gɔŋkpɔi lɛ hu mamɔ amɛhiɛiaŋ shi.+
Blema gbɛi lɛ, lɛ enɔ ni.
7 Mina haomɔ yɛ Kushan mama tsũi lɛ amli.
Midian shikpɔŋ lɛ mama tsũ mamai lɛ kpokpo.+
8 Ao, Yehowa, ani fai lɛ omli ewo la ewo lɛ,Ani fai lɛ ni?
Aloo ŋshɔ lɛ omli ewo la ewo lɛ?+
Ejaakɛ otara o-kpɔŋɔi lɛ anɔ;+Oshwiilii lɛ ye kunim.*+
9 Ogãi lɛ he kã, ni efee klalo.
Atsɔ kitakamɔ nɔ ahã tsei* lɛ nitsumɔ.* (Sela)
Okɛ fai egbála shikpɔŋ lɛ mli.
10 Be ni gɔji lɛ na bo lɛ, amɛbabala shi kɛ piŋmɔ.+
Nugbɔnɛmɔ babaoo baho.
Nu ni mli kwɔ lɛ shi egbee.+
Ehole eniji anɔ kɛtee ŋwɛi shɔŋŋ.
11 Hulu kɛ nyɔɔŋtsere wa damɔ shi yɛ amɛshihilɛhe ni yɔɔ ŋwɛi lɛ.+
Ogãimlibii lɛ famɔ kpo tamɔ la.+
Okpɔlɔ lɛ kpɛlɛɔ kaŋkaŋ.
12 Okɛ mlila tsɔ shikpɔŋ lɛ nɔ kɛho.
Okɛ mlifu naanaa jeŋmaji lɛ anɔ.*
13 Oje kpo koni oyahere omaŋ lɛ yiwala, koni oyahere mɔ ni ofɔ lɛ mu lɛ yiwala.
Okumɔ mɛi fɔji ashĩa lɛ hiɛnyiɛlɔ* lɛ.
Ahã ehe kã efolo kɛjɛ faneshi lɛ kɛyashi eyiteŋ.* (Sela)
14 Be ni amɛfã kɛba koni amɛbagbɛ mi amɛshwã lɛ,Ogbulɔ etawulɔi lɛ ayitso lɛ kɛ lɛ diɛŋtsɛ etawuu nii.*
Amɛmli fili amɛ akɛ amɛbaakpãtã nɔnalɔ hiɛ yɛ teemɔŋ.
15 Okɛ o-kpɔŋɔi lɛ tsɔ ŋshɔ lɛ mli,Kɛtsɔ nui babaoo ni efee hamahama lɛ mli.
16 Minu, ni mikpokpo yɛ mimli;*Be ni minu gbɛɛmɔ lɛ, minaabu kpokpo bliblibli.
Miwuiaŋ kpɔtɔ;+Minaji kpokpo yɛ mishishi.
Shi mifee diŋŋ kɛmiimɛ haomɔ gbi lɛ,+Ejaakɛ eeba mɛi ni tutuaa wɔ lɛ anɔ.
17 Eyɛ mli akɛ agbami tso gbáŋ afoforo,Ni wain tsei hu woŋ yibii;Eyɛ mli akɛ oliv tso woŋ yibii;Ni shikpɔji* hu baŋ niyenii;Eyɛ mli akɛ toi baatã yɛ toi atsũ mli,Ni tsinai hu ehiŋ tsina tsũi amli moŋ;
18 Shi mi lɛ, manya yɛ Yehowa hewɔ;Mimii baashɛ mihe waa yɛ miyiwalaheremɔ Nyɔŋmɔ lɛ mli.+
19 Nuŋtsɔ Ofe Yehowa ji mihewalɛ;+Ebaahã minaji atsɔ tamɔ baayelɔ nɔNi ebaahã manyiɛ hei grɔŋŋi.+
Shishigbɛ Niŋmaa
^ Loo “awerɛhoyeli lalai.”
^ Loo “yɛ wɔbeiaŋ.”
^ Loo “yɛ wɔbeiaŋ.”
^ Kwɛmɔ Wiemɔi Titrii Amligbalamɔ lɛ.
^ Loo “Oshwiilii lɛ ji yiwalaheremɔ.”
^ Shishitsɔɔmɔi komɛi kɛɔ akɛ, “gãimlibii.”
^ Shishitsɔɔmɔi komɛi kɛɔ akɛ, “Ama wekui lɛ akitakamɔi lɛ anɔ mi.”
^ Hebri sht. ŋm., “Okɛ mlifu gbee jeŋmaji lɛ.”
^ Hebri sht. ŋm., “yitso.”
^ Hebri sht. ŋm., “ekuɛ.”
^ Hebri sht. ŋm., “etsei.”
^ Hebri sht. ŋm., “ni mimusu kpokpo.”
^ Loo “ŋmɔji.”
