Hosea 9:1-17
9 “Israel, kaanya,+Kaanya tamɔ majimaji lɛ.
Ejaakɛ ashawofeemɔ* ehã oje o-Nyɔŋmɔ lɛ sɛɛ.+
Osumɔɔ nyɔmɔ ni awoɔ ashawo yɛ ŋmaagbeemɔhe fɛɛ ŋmaagbeemɔhe.+
2 Shi ŋmaagbeemɔhe lɛ kɛ wainŋaa bu lɛ elɛŋ amɛ,Ni wain hee hu baabɔ amɛ.+
3 Amɛyaŋ nɔ amɛhiŋ Yehowa shikpɔŋ lɛ nɔ;+Moŋ lɛ, Efraim baaku esɛɛ kɛya Ejipt,Ni amɛbaaye nii ni he tseee yɛ Asiria.+
4 Amɛfɔseŋ wain afɔlei amɛhãŋ Yehowa dɔŋŋ;+Amɛfɔlei lɛ esaŋ ehiɛ.+
Amɛtamɔ yarafeemɔ niyenii;*Mɛi fɛɛ ni yeɔ lɛ baabule amɛhe.
Ejaakɛ amɛniyenii* lɛ, amɛ pɛ amɛnɔ ni;*Ebaŋ Yehowa shĩa lɛ.
5 Mɛni nyɛbaafee yɛ kpee gbi lɛ nɔ,*Yɛ Yehowa gbijurɔyeli gbi lɛ nɔ?
6 Ejaakɛ naa! amɛbaajo foi yɛ hiɛkpatamɔ hewɔ.+
Ejipt baabua amɛnaa,+ ni Mɛmfis baafu amɛ.+
Jwɛi ni ŋmei yɔɔ he baaŋɔ amɛjwiɛtɛi nibii ni jara wala lɛ,Ni ŋmei tsei baahi amɛmama tsũi lɛ amli.
7 Kojomɔ gbii lɛ baashɛ,+Najiaŋtoo gbii lɛ baashɛ,Ni Israel baaná ele.
Amɛgbalɔ lɛ baatsɔ buulu, ni nuu ni akɛ mumɔ tsirɛɔ lɛ lɛ baaye sɛkɛ;Akɛni otɔmɔ lɛ fa babaoo hewɔ lɛ, nyɛ ni anyɛɔ bo lɛ hu fa babaoo.”
8 Kulɛ, Efraim bulɔ+ lɛ yɛ mi-Nyɔŋmɔ lɛ masɛi.+
Shi amrɔ nɛɛ, egbalɔi+ lɛ agbɛi lɛ fɛɛ efee tamɔ loofɔlɔdulɔ tsɔnei;Nyɛɛ yɛ e-Nyɔŋmɔ lɛ shĩa lɛ.
9 Amɛbote fitemɔ mli vii, tamɔ afee yɛ Gibea+ gbii lɛ amli lɛ.
Ebaakai amɛtɔmɔ lɛ, ni ebaagbala amɛtoi yɛ amɛhe eshai lɛ ahewɔ.+
10 “Mina Israel tamɔ wain yibii yɛ ŋa nɔ.+
Mina nyɛtsɛmɛi lɛ tamɔ mra mli agbamii lɛ amli klɛŋklɛŋ yibii yɛ agbami tso nɔ.
Shi amɛtee Baal ni yɔɔ Peor+ lɛ ŋɔɔ;Amɛjɔɔ amɛhe nɔ amɛhã nii ni yɔɔ taŋ lɛ,*+Ni amɛtsɔmɔ nyaŋemɔ nii tamɔ nii ni amɛsumɔɔ lɛ nɔŋŋ.
11 Efraim anunyam lɛ filikiɔ kɛyaa tamɔ loofɔlɔ;Afɔɔɔ, ahiɛɛɛ musu, ni anáaa musu hu.+
12 Kɛji amɛná bii amɛlɛ po lɛ,Mashɔ̃ amɛ kɛje amɛhe kɛyashi eshwɛŋ mɔ ko;+Hɛɛ, kɛji mishi amɛ lɛ, kpoo hã amɛ!+
13 Kulɛ Efraim ní adu* lɛ yɛ shikpɔŋ ni kooloi yeɔ nii yɛ nɔ lɛ nɔ lɛ, tamɔ Tiro hã mi;+Amrɔ nɛɛ Efraim kɛ ebii lɛ baaje kpo kɛya koni agbe amɛ.”
14 Yehowa, hã amɛ nɔ ni sa akɛ ohã amɛ lɛ;Musu ni sharakeɔ kɛ fufɔi ni mli egbi.*
15 “Gilgal+ amɛfee amɛnifɔjianii lɛ fɛɛ yɛ, ejaakɛ jɛmɛ minyɛ amɛ yɛ.
Amɛnɔfɔŋfeemɔ lɛ hewɔ lɛ, mashwie amɛ kɛje mishĩa lɛ.+
Misumɔŋ amɛ dɔŋŋ;+Amɛlumɛi lɛ fɛɛ lɛ, kuɛŋtilɔi ji amɛ.
16 Abaatswa Efraim nɔ.+
Amɛshishifã lɛ baagbi, ni amɛwoŋ yibii.
Kɛji amɛfɔ po lɛ, magbe amɛbii ni amɛsumɔɔ waa lɛ.”
17 Mi-Nyɔŋmɔ lɛ baakpoo amɛ,Ejaakɛ amɛbooo lɛ toi,+Ni amɛbaatsɔmɔ kobɔlɔi yɛ jeŋmaji lɛ ateŋ.+
Shishigbɛ Niŋmaa
^ Loo “jeŋba sha; jeŋba ni ekpɔtɔ.”
^ Loo “amɛblodo.”
^ Loo “amɛ diɛŋtsɛ amɛsusuma nɔ ni.”
^ Hebri sht. ŋm., “blodo.”
^ Loo “yɛ nyɛgbi jurɔ ni ato lɛ nɔ.”
^ Loo “nyɔŋmɔ ni he yɔɔ taŋ lɛ.”
^ Loo “atɛo.”
^ Loo “fufɔi ni ebɛbɛi.”
