Lalai 30:1-12
-
Awerɛho tsɔ miishɛɛ
-
Nyɔŋmɔ hiɛ dromɔ lɛ hiɔ mɔ nɔ ewala gbii fɛɛ (5)
-
Lala ni afo. Lala ni akɛgbele shĩa lɛ naa. David nɔ.
30 Ao Yehowa, majie oyi, ejaakɛ owó minɔ;*Ohãaa mihenyɛlɔi lɛ aŋmɔ mi.+
2 Ao Yehowa, mi-Nyɔŋmɔ, mibo mitsɛ bo koni oye obua mi, ni otsa mi.+
3 Ao Yehowa, owó minɔ* kɛje Gbonyobu* lɛ mli.+
Obaa miwala yi; ohãaa mashiu kɛya bu* lɛ mli.+
4 Nyɛláa* nyɛjiea Yehowa yi, nyɛ enɔkwafoi,+Nyɛdaa egbɛ́i* krɔŋkrɔŋ lɛ shi;+
5 Ejaakɛ emlifu lɛ hiɔ mɔ nɔ be kukuoo pɛ,+Shi ehiɛ dromɔ lɛ hiɔ mɔ nɔ ewala gbii fɛɛ.+
Abaafó gbɛkɛ moŋ, shi leebi lɛ, abaanya waa.+
6 Be ni mibɛ naagba lɛ, mikɛɛ akɛ:
“Mikpokpoŋ* kɔkɔɔkɔ.”
7 Ao Yehowa, be ni miná ohiɛ dromɔ lɛ, ohã mihe wa tamɔ gɔŋ.+
Shi be ni okɛ ohiɛ tee mi lɛ, mishe gbeyei waa.+
8 Ao Yehowa, bo mitee nɔ mibolɔ mitsɛ;+Ni bo Yehowa, mitee nɔ mikpa bo fai koni ona mi mɔbɔ.
9 Mɛɛ sɛɛnamɔ yɔɔ he kɛ́ migbo,* ni mikpeleke shi kɛtee bu* lɛ mli?+
Ani mulu lɛ baajie oyi?+ Ani ebaawie onɔkwayeli lɛ he?+
10 Ao Yehowa, bo mi toi ni ona mi mɔbɔ.+
Ao Yehowa, ye obua mi.+
11 Ohã miwerɛhoyeli lɛ etsɔ joo;Ni ojie mihe kpekpe* lɛ, ni okɛ miishɛɛ ewula mi,
12 Koni malá majie* oyi, ni mikabu minaa.
Ao Yehowa, mi-Nyɔŋmɔ, majie oyi kɛya naanɔ.
Shishigbɛ Niŋmaa
^ Loo “ejaakɛ osha mi.”
^ Loo “misusuma nɔ.”
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Loo “gbonyobu.”
^ Loo “Nyɛtswaa lala.”
^ Hebri sht. ŋm., “ekaimɔ.”
^ Loo “Mididãŋ.”
^ Hebri sht. ŋm., “Mɛɛ sɛɛnamɔ yɔɔ milá lɛ he.”
^ Loo “gbonyobu.”
^ Kpekpe ni atsɔɔ yɛ biɛ lɛ ji mama ko ni bei pii lɛ akɛ kooloo hetsɔi feɔ. Abuɔ be mli ni aaye awerɛho.
^ Loo “Koni minunyam lɛ alá kɛjie.”
