Lalai 35:1-28
David nɔ.
35 Ao Yehowa, fã mihe yɛ mi kɛ mɛi ni teɔ shi woɔ mi lɛ asane lɛ mli;+Okɛ mɛi ni kɛ mi nɔɔ lɛ anɔ.+
2 Kɔ otsɛŋ bibioo* lɛ kɛ otsɛŋ wulu lɛ,+Ni ote shi ni ofã mihe.+
3 Wó okpɔlɔ lɛ kɛ ota lema lɛ nɔ oshi mɛi ni tiuɔ mi lɛ.+
Kɛɛmɔ mi* akɛ: “Miji oyiwalaheremɔ.”+
4 Mɛi ni gbɔbiɔ miwala* lɛ ahiɛ agboi, ni amɛhiɛ ashwie shi.+
Mɛi ni tsɔɔ ŋaa koni amɛkpãtã mihiɛ lɛ ajo foi kɛ hiɛgbele.
5 Amɛtsɔmɔ tamɔ ŋmaa* he totoi yɛ kɔɔyɔɔ mli;Yehowa bɔfo lɛ ashwie amɛ kɛya.+
6 Amɛgbɛ nɔ awo duŋ ni enɔ ashamɔBe ni Yehowa bɔfo lɛ tiuɔ amɛ lɛ.
7 Ejaakɛ mifeko amɛ nɔ ko, shi amɛkɛ yaa etsɔ mi tsɔne yɛ teemɔŋ;Mifeko amɛ nɔ ko, shi amɛtsa bu koni migbee* mli.
8 Sane fɔŋ aba enɔ be ni ekpaaa gbɛ;Yaa ni ekɛtsɔ tsɔne yɛ teemɔŋ lɛ adu lɛ diɛŋtsɛ;Egbee mli ni ehiɛ akpãtã.+
9 Shi mi lɛ, manya* yɛ Yehowa hewɔ;Manya yɛ eyiwalaheremɔ nitsumɔi lɛ ahewɔ.
10 Miwui fɛɛ baakɛɛ akɛ:
“Ao Yehowa, namɔ tamɔ bo?
Ojieɔ mɔ ni bɛ yelikɛbualɔ lɛ kɛjeɔ mɛi ni he wa lɛ adɛŋ,+Mɛi ni bɛ yelikɛbualɔ lɛ kɛ ohiafoi lɛ kɛjeɔ mɛi ni tswaa amɛ ojo lɛ adɛŋ.”+
11 Odasefoi ni yeɔ awui teɔ shi,+Ni amɛbiɔ saji ni mileee he nɔ ko.
12 Amɛkɛ efɔŋ toɔ ekpakpa ni mifee amɛ lɛ najiaŋ,+Ni amɛhãa miyeɔ* awerɛho tamɔ nɔ ni agbo yɛ minɔ.
13 Shi be ni hela mɔmɔ amɛ lɛ, mibu kpekpe;*Ni mihi ŋmaa kɛwa mihe* yi,Ni be ni misɔle mihã amɛ ni abooo toi lɛ,*
14 Minyiɛ miiye awerɛho oookɛɛ miiye minaanyo loo mi diɛŋtsɛ minyɛmi nuu he awerɛho;Mikoto shi kɛ awerɛho oookɛɛ miiye mimami he awerɛho.
15 Shi be ni mitɛ lɛ, amɛnya, ni amɛbua amɛhe naa;Amɛbua amɛhe naa koni amɛtee amɛhe ní amɛtswa mi nɔ;Amɛtserɛ mimli, ni amɛfeee diŋŋ.
16 Mɛi ni sheee Nyɔŋmɔ gbeyei lɛ ye mihe fɛo,*Amɛkpe amɛnyanyɔjiashi amɛwo mi.+
17 Ao Yehowa, bei enyiɛ obaakwɛ enɛ kɛyashi?+
Jiemɔ mi* kɛje amɛtutuamɔ lɛ mli,+Miwala ni jara wa* lɛ kɛje jatai* lɛ adɛŋ.+
18 Kɛkɛ lɛ mada bo shi yɛ asafo babaoo lɛ mli;+Majie oyi yɛ mɛi babaoo lɛ ateŋ.
19 Kaahã mɛi ni mifeko amɛ nɔ ko, shi amɛtsɔmɔ mihenyɛlɔi lɛ ŋmɔ mi;Kaahã mɛi ni mifeko amɛ nɔ ko, shi amɛnyɛɔ mi+ lɛ miikpɛ́ mi.+
20 Ejaakɛ amɛwieee toiŋjɔlɛ wiemɔi,Shi amɛtsɔɔ lakamɔ nɔ amɛtsɔɔ ŋaa amɛshiɔ shikpɔŋ lɛ nɔ bii ni sumɔɔ toiŋjɔlɛ lɛ.+
21 Amɛgbɛɔ amɛdaaŋ hatoo ni amɛwieɔ amɛshiɔ mi,Amɛkɛɔ akɛ: “Ahãa! Ahãa! Wɔkɛ wɔhiŋmɛii ena.”
22 Ao Yehowa, ona enɛ. Kaafee diŋŋ.+
Ao Yehowa, okɛ mi teŋ akajekɛ.+
23 Ohiɛ atsɛ̃ ni ote shi ni ofã mihe,Yehowa, mi-Nyɔŋmɔ, fã mihe yɛ misane lɛ mli.
24 Ao Yehowa, mi-Nyɔŋmɔ, kojomɔ mi yɛ ojalɛ lɛ naa;+Kaahã amɛŋmɔ mi.
25 Kaahã amɛkɛɛ yɛ amɛtsuiŋ kɔkɔɔkɔ akɛ: “Ahãa! Wɔnine eshɛ nɔ ni wɔtaoɔ lɛ nɔ.”*
Amɛkakɛɛ kɔkɔɔkɔ akɛ: “Wɔmi lɛ glɔ.”+
26 Hã amɛ fɛɛ amɛhiɛ agboi ni amɛhiɛ ashwie shi,Mɛi ni ŋmɔɔ mi yɛ mimanehulu lɛ hewɔ lɛ.
Okɛ hiɛgbele kɛ hiɛshishwiemɔ awula mɛi ni wóɔ amɛhe nɔ yɛ minɔ lɛ.
27 Shi hã mɛi ni yɔɔ mijalɛ lɛ he miishɛɛ lɛ anya waa;Amɛkɛɛ daa akɛ:
“Ajie Yehowa, mɔ ni sumɔɔ ni etsulɔ aná toiŋjɔlɛ lɛ yi.”+
28 Kɛkɛ lɛ, mililɛi baagba ojalɛ nifeemɔi lɛ*+Ni ebaajie oyi gbi muu fɛɛ.+
Shishigbɛ Niŋmaa
^ Tsɛŋ bibioo ko ni gãitsɛlɔi fɔɔ hiɛmɔ.
^ Loo “misusuma.”
^ Loo “misusuma.”
^ Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
^ Loo “misusuma agbee.”
^ Loo “misusuma baanya.”
^ Loo “misusuma yeɔ.”
^ Loo “Ni misɔlemɔ kuɔ sɛɛ bashwieɔ mimiinaa lɛ.”
^ Loo “misusuma.”
^ Kpekpe ni atsɔɔ yɛ biɛ lɛ ji mama ko ni bei pii lɛ akɛ kooloo hetsɔi feɔ. Abuɔ be mli ni aaye awerɛho.
^ Shishitsɔɔmɔi komɛi kɛɔ akɛ, “Mɛi ni sheee Nyɔŋmɔ gbeyei lɛ ye mihe fɛo koni ahã amɛ keeki.”
^ Loo “misusuma.”
^ Hebri sht. ŋm., “Minɔ kome too,” eewie esusuma, loo ewala he.
^ Loo “jata oblahii kɛ amɛkuɛ he tsɔi.”
^ Loo “Ahãa! Wɔsusuma.”
^ Loo “mililɛi baajwɛŋ ojalɛ nifeemɔi lɛ anɔ.”
