Yeremia 15:1-21
15 Kɛkɛ ni Yehowa kɛɛ mi akɛ: “Kɛ́ Mose kɛ Samuel po damɔ mihiɛ lɛ,+ minaŋ maŋ nɛɛ mɔbɔ.* Shwiemɔ amɛ kɛje mihiɛ. Hã amɛya.
2 Ni kɛ́ amɛkɛɛ bo akɛ, ‘Nɛgbɛ wɔya?’ lɛ, kɛɛmɔ amɛ akɛ, ‘Nɔ ni Yehowa kɛɛ nɛ:
“Mɔ ni nɔ ji gbele hela lɛ, aya gbele hela mli!
Mɔ ni nɔ ji klante lɛ, aya klante mli!+
Mɔ ni nɔ ji hɔmɔ lɛ, aya hɔmɔ mli!
Ni mɔ ni nɔ ji nomŋɔɔ lɛ, aya nomŋɔɔ mli!”’+
3 “‘Ni mahã amanehului srɔtoi ejwɛ* aba amɛnɔ,’+ Yehowa kɛɛ, ‘klante ni baagbe amɛ, gbei ni baagbala amɛ kɛya, kɛ ŋwɛi loofɔji kɛ shikpɔŋ lɛ nɔ kooloi ni baaye amɛ ni amɛkpãtã amɛhiɛ.+
4 Ni mahã amɛtsɔ nɔ ko ni hãa mɔ he jɔ̃ɔ ehe kɛhã shikpɔŋ lɛ nɔ maŋtsɛyelii lɛ fɛɛ+ yɛ nɔ ni Manase, Hezekia binuu lɛ, Yuda maŋtsɛ lɛ fee yɛ Yerusalem lɛ hewɔ.+
5 Ao Yerusalem, namɔ musuŋ baatsɔ lɛ yɛ ohewɔ,Namɔ baabaye bo ŋkɔmɔ,Ni namɔ baawa adamɔ shi ni ebi bɔ ni oyɔɔ?’
6 ‘Oshi mi,’ Yehowa kɛɛ.+
‘Oyaa nɔ otsɔɔ osɛɛ ohãa mi.*+
No hewɔ lɛ, makpã minine mli mashi bo ni makpãtã ohiɛ.+
Onii efee mi mɔbɔ aahu akɛ agbɛnɛ eje mitsine.*
7 Ni mikɛ faka baasha amɛmli yɛ shikpɔŋ lɛ agbói lɛ amli.
Mahã amɛbii agboi.+
Makpãtã mimaŋ lɛ hiɛ,Ejaakɛ amɛsumɔɔɔ ni amɛkuɔ amɛsɛɛ kɛjeɔ amɛgbɛi lɛ anɔ.+
8 Amɛyei okulafoi lɛ ayi baafa yɛ mihiɛ fe ŋshɔnaa shia.
Matsu hiɛkpatalɔ kɛba amɛnɔ shwane fintiŋŋ koni ebakpãtã nyɛmɛi kɛ oblahii ahiɛ.
Mikɛ mlifu kɛ gbeyeishemɔ baaba amɛnɔ trukaa.
9 Yoo ni efɔ bii kpawo lɛ egbede;Eepele* kɛhã kɔɔyɔɔ ni ebaamu.
Ehulu enyɔ shi shwane,Ni ekɛ hiɛgbele kɛ hiɛshishwiemɔ eba.’*
‘Ni mɛi fioo ni eshwɛ yɛ amɛteŋ lɛMikɛ amɛ baahã klante yɛ amɛhenyɛlɔi lɛ ahiɛ,’ Yehowa kɛɛ.”+
10 Ao minyɛ, kpoo hã mi akɛ ofɔ mi,+Mi, gbɔmɔ ni shikpɔŋ muu lɛ fɛɛ kɛ lɛ béɔ ni ekɛ lɛ taa naa.
Mikɛ nɔ ko efako mɔ ko, ni mɔ ko hu efako mi nɔ ko;Shi amɛ fɛɛ amɛlomɔɔ mi.
11 Yehowa kɛɛ akɛ: “Bɔ fɛɛ bɔ ni fee lɛ, mafee bo ekpakpa;Bɔ fɛɛ bɔ ni fee lɛ, madamɔ mli mahã bo yɛ amanehulu be lɛ mli,Yɛ haomɔ be lɛ mli yɛ henyɛlɔ lɛ hiɛ.
12 Ani mɔ ko baanyɛ akumɔ dade mli kukuji,Dade ni jɛ kooyigbɛ, kɛ akɔɔble hu?
13 Mahã aloo onii ni oyɔɔ lɛ kɛ ojwetrii lɛ kɛya,+Ni awoŋ bo nyɔmɔ ko, shi akɛbaaya yɛ eshai fɛɛ ni ofee yɛ okpokpai lɛ fɛɛ anɔ lɛ hewɔ.
14 Mikɛbaahã ohenyɛlɔi lɛKoni amɛkɛya shikpɔŋ ko ni oleee lɛ nɔ.+
Ejaakɛ mimlifu lɛ eshɛre la ko,Ni eeshã bo.”+
15 Ao Yehowa, ole misane lɛ,Kaimɔ mi ni ogbala ojwɛŋmɔ kɛba minɔ.
Tɔɔ mɛi ni waa mi yi lɛ anɔ owele ohã mi.+
Kaahã migbo* yɛ omli ni fuuu mra lɛ hewɔ.
Kaimɔ akɛ, bo ohewɔ ni abɔɔ mi ahora nɛɛ.+
16 Mina owiemɔi lɛ, ni miye;+Ni owiemɔ lɛ tsɔ miishɛɛ kɛ nyamɔ kɛhã mitsui,Ejaakɛ akɛ ogbɛ́i efɔ̃ minɔ, bo Yehowa, Nyɔŋmɔ taiatsɛ.
17 Mitaaa mɛi ni mli efili amɛ ateŋ ni manya.+
Akɛni onine kã minɔ hewɔ lɛ, mikome too mitaa shi,Ejaakɛ ohã mlifu* eyi mimli obɔ.+
18 Mɛni hewɔ mipiŋmɔ lɛ sɛɛ efooo, ni mifala lɛ hu ehiii tsamɔ lɛ?
Ekpɛlɛɛɛ tsamɔ.
Ani obaatsɔ tamɔ nuhiŋmɛi ni lakaa mɔ,Ni anyɛɛɛ amu afɔ̃ nɔ ohã mi?
19 No hewɔ lɛ, nɔ ni Yehowa kɛɛ nɛ:
“Kɛ́ oku osɛɛ lɛ, matsa bo,Ni obaadamɔ mihiɛ.
Kɛ́ otse nɔ ni jara wa kɛje nɔ ni sɛɛnamɔ bɛ he lɛ he lɛ,Obaatsɔ tamɔ mi diɛŋtsɛ minaabu.*
Amɛ amɛbaaku amɛsɛɛ kɛba oŋɔɔ,Shi jeee bo obaaku osɛɛ kɛya amɛŋɔɔ.”
20 “Miihã otsɔ akɔɔble gbogbo ni wa ohã maŋ nɛɛ.+
Amɛkɛ bo baawu kɛ̃,Shi amɛyeŋ onɔ kunim,*+Ejaakɛ mikɛ bo yɛ, koni mahere bo, ni majie bo,” Yehowa kɛɛ.
21 “Ni majie bo kɛje mɛi fɔji adɛŋNi makpɔ̃ bo kɛje mɛi ni yitseiaŋ wala adɛŋ.”
Shishigbɛ Niŋmaa
^ Loo “misusuma baŋ maŋ nɛɛ he.”
^ Shishitsɔɔmɔi komɛi kɛɔ akɛ, “kojomɔi srɔtoi ejwɛ.” Hebri sht. ŋm., “wekui ejwɛ.”
^ Shishitsɔɔmɔi komɛi kɛɔ akɛ, “Oyaa nɔ oyaa sɛɛsɛɛ.”
^ Loo “Etɔ mi kɛ mihe ni mishwaa yɛ ohewɔ.”
^ Shishitsɔɔmɔi komɛi kɛɔ akɛ, “Ehiɛ egbo, ni ehiɛ eshwie shi.”
^ Loo “Esusuma miipele.”
^ Hebri sht. ŋm., “Kaaŋɔ mi kɛtee.”
^ Loo “kojomɔ sane.”
^ Loo “Obaatsɔ minaawielɔ.”
^ Loo “amɛyeŋ onɔ.”
