Yeremia 47:1-7
-
Nɔ ni agba ashi Filistibii lɛ (1-7)
47 Yehowa wiemɔ ni ba gbalɔ Yeremia ŋɔɔ ni kɔɔ Filistibii+ lɛ ahe dani Farao ye Gaza nɔ kunim lɛ nɛ.
2 Nɔ ni Yehowa kɛɛ nɛ:
“Naa! Nui miijɛ kooyigbɛ kɛmiiba.
Amɛbaatsɔ faa ni eyi kɛteke nɔ.
Ni amɛbaaha shikpɔŋ lɛ kɛ nɔ fɛɛ nɔ ni yɔɔ nɔ lɛ nɔ,Maŋ lɛ kɛ mɛi ni yɔɔ mli lɛ anɔ.
Hii lɛ baabolɔ,Ni mɔ fɛɛ mɔ ni yɔɔ shikpɔŋ lɛ nɔ lɛ baawo yara.
3 Ekpɔŋɔi lɛ anane tokotai lɛ agbɛɛmɔ,Kɛ eta shwiilii lɛ agbɛɛmɔKɛ eshwiilii lɛ ahe taii* lɛ agbɛɛmɔ naa lɛ,Tsɛmɛi tsɔŋ amɛhe koni amɛkwɛ amɛbii* po,Ejaakɛ amɛnijiaŋ baajɔ,
4 Ejaakɛ gbi ni baa lɛ baakpãtã Filistibii lɛ fɛɛ ahiɛ;+Ebaajie mɛi fɛɛ ni eshwɛ ni yeɔ amɛbuaa Tiro+ kɛ Sidon+ lɛ kɛya.
Ejaakɛ Yehowa baakpãtã Filistibii lɛ ahiɛ,Ni ji mɛi ni eshwɛ ni jɛ Kaftor+ ŋshɔkpɔ* lɛ nɔ lɛ.
5 Yiteŋkpamɔ* baaba Gaza nɔ.
Ahã Ashkelon efee diŋŋ.+
Nyɛ mɛi ni eshwɛ yɛ amɛjɔi lɛ amli lɛ,Mɛɛ be nɔŋŋ nyɛbaafolɔ nyɛhe nɛkɛ kɛyashi?+
6 Ao Yehowa klante!+
Mɛɛ be obaafee diŋŋ?
Kuu osɛɛ oyahɔ ohebo lɛ mli.
Yaajɔɔ ohe ni ofee diŋŋ.
7 Te ebaafee tɛŋŋ efee diŋŋBe ni Yehowa efã lɛ lɛ?
Etsu lɛ koni eyawu eshiAshkelon kɛ ŋshɔ lɛ naa.”+
Shishigbɛ Niŋmaa
^ Loo “koklolontoi.”
^ Hebri sht. ŋm., “amɛbihii.”
^ Ni ji, Kreta.
^ Ni tsɔɔ akɛ, amɛbaashɛ amɛyi sakora yɛ awerɛhoyeli kɛ hiɛshishwiemɔ hewɔ.
