Yesaia 12:1-6
12 Nakai gbi lɛ nɔ lɛ, obaakɛɛ akɛ:
“Ao Yehowa, miida bo shi,Ejaakɛ omli fu mi moŋ,Shi fiofio lɛ, omlifu lɛ naa ba shi, ni oshɛje mimii.+
2 Naa! Nyɔŋmɔ ji miyiwalaheremɔ.+
Mikɛ mihiɛ baafɔ̃ enɔ, ni misheee gbeyei;+Ejaakɛ Yah* Yehowa ji mihewalɛ kɛ minyɛmɔ,Ni etsɔ miyiwalaheremɔ.”+
3 Nyɛkɛ nyamɔ lala baayɛ nuYɛ yiwalaheremɔ nuhiŋmɛii lɛ amli.+
4 Ni nyɛbaakɛɛ yɛ nakai gbi lɛ nɔ akɛ:
“Nyɛdaa Yehowa shi, nyɛtsɛa egbɛ́i lɛ,Nyɛhãa alea enifeemɔi lɛ yɛ majimaji lɛ ateŋ!+
Nyɛjajea akɛ awó egbɛ́i lɛ nɔ gojoo.+
5 Nyɛláa kɛjiea* Yehowa yi,+ ejaakɛ efee nibii wuji.+
Nyɛhãa alea enɛ yɛ shikpɔŋ lɛ nɔ fɛɛ.
6 Nyɛ mɛi ni nyɛyɔɔ Zion,* nyɛbolɔa ni nyɛláa nyamɔ lala,Ejaakɛ Israel Mɔ Krɔŋkrɔŋ lɛ ni yɔɔ nyɛteŋ lɛ da.”
Shishigbɛ Niŋmaa
^ “Yah” ji gbɛ́i Yehowa lɛ ní afo lɛ kuku.
^ Loo “Nyɛtswaa lala kɛjiea.”
^ Hebri sht. ŋm., “Zion biyoo,” aawie mɛi ni yɔɔ Zion lɛ ahe oookɛɛ yoo kome ji amɛ.
