Yesaia 51:1-23
51 “Nyɛboa mi toi, nyɛ mɛi ni nyɛdiɔ jalɛ nifeemɔ sɛɛ,Nyɛ mɛi ni nyɛtaoɔ Yehowa sɛɛ gbɛ.
Nyɛkɛ nyɛhiɛ amaa tɛsaa ni agbá nyɛ kɛjɛ mliKɛ tɛ bu ni atsa nyɛ kɛjɛ mli lɛ nɔ.
2 Nyɛkɛ nyɛhiɛ amaa Abraham, nyɛtsɛ lɛ,Kɛ Sara,+ mɔ ni fɔ nyɛ lɛ nɔ.*
Ejaakɛ, be ni mitsɛ lɛ lɛ, no mli lɛ ekome pɛ ni,+Shi mijɔɔ lɛ ni mihã eyi fa babaoo.+
3 Ejaakɛ Yehowa baashɛje Zion mii.+
Ebaashɛje Zion hei fɛɛ ni akpãtã hiɛ lɛ amii,+Ni ebaahã eŋa lɛ nɔ atsɔ tamɔ Eden+Ni eŋa kpataa lɛ hu baatsɔ tamɔ Yehowa abɔɔ lɛ.+
Mlifilimɔ kɛ nyamɔ baahi emli,Shidaa kɛ lalai ni ŋɔɔŋɔi hu.+
4 Mimaŋ, nyɛboa mi toi jogbaŋŋ,Mijeŋmaŋ, nyɛfea toi nyɛhãa mi.+
Ejaakɛ mikɛ mla ko baahã,+Ni mahã mijalɛsaneyeli lɛ hu ama shi akɛ la kɛhã majimaji lɛ.+
5 Mijalɛ nifeemɔ lɛ ebɛŋkɛ.+
Miyiwalaheremɔ lɛ baaje kpo,+Ni miniji baakojo majimaji lɛ.+
Ŋshɔkpɔi lɛ kɛ amɛhiɛ baafɔ̃ minɔ,+Ni amɛbaamɛ minine.*
6 Nyɛholea nyɛhiŋmɛii anɔ kɛyaa ŋwɛi,Ni nyɛkwɛa shikpɔŋ ni yɔɔ ŋwɛi shishi lɛ.
Ejaakɛ ŋwɛi lɛ baalaaje tamɔ lasu;Ni shikpɔŋ lɛ hu baafite* tamɔ atade,Enɔ bii lɛ baagboi tamɔ tɔŋtɔŋi.*
Shi miyiwalaheremɔ lɛ baahi shi kɛya naanɔ,+Ni mijalɛ nifeemɔ lɛ sɛɛ efoŋ kɔkɔɔkɔ.*+
7 Nyɛboa mi toi, nyɛ mɛi ni nyɛle jalɛ nifeemɔ,Maŋ ni mimla* lɛ yɔɔ amɛtsui mli.+
Kaashe wiemɔi ni gbɔmɛi adesai* wieɔ amɛshiɔ bo lɛ gbeyei,Ni kaahã amɛjɛmɔi lɛ wo ohe gbeyei.
8 Ejaakɛ abɛi* baaye amɛ tamɔ atade;Abɛi ni yeɔ mama* lɛ baaye amɛ tamɔ kooloo hetsɔi.+
Shi mijalɛ nifeemɔ lɛ baahi shi kɛya naanɔ,Ni miyiwalaheremɔ lɛ hu baahi shi yɛ yinɔi fɛɛ amli.”+
9 Ao Yehowa nine!+Tee shi!* Tee shi! Okɛ hewalɛ aha ohe,
Tee shi tamɔ bɔ ni ofee yɛ gbii ni eho lɛ amli lɛ, tamɔ ofee yɛ yinɔi ni eho lɛ amli lɛ.Ani jeee bo ojwara Rahab*+ dukuduku?
Ani jeee bo otsu ŋshɔŋ loo agbo lɛ nii?+
10 Ani jeee bo ohã ŋshɔ lɛ, nui ni mli kwɔlɔ lɛ gbi?+
Ani jeee bo ohã ŋshɔ lɛ shishi tsɔ gbɛ kɛhã mɛi ni akpɔ̃ lɛ koni amɛtsɔ mli kɛho lɛ?+
11 Mɛi ni Yehowa ekpɔ̃ lɛ baaku amɛsɛɛ.+
Amɛbaaba Zion kɛ nyamɔ lala,+Miishɛɛ ni sɛɛ efooo baatsɔ akekerei ni fimɔ amɛyitsei.*+
Nyamɔ kɛ miishɛɛ baatsɔ amɛnɔ,Ni awerɛho kɛ kɛ̃ɛmɔ baajo foi kɛya.+
12 “Mi, miji mɔ ni shɛjeɔ nyɛmii.+
Mɛni hewɔ esa akɛ oshe gbɔmɔ adesa* ni baagbo lɛ gbeyei?+Mɛni hewɔ esa akɛ oshe gbɔmɔ bi ni baaŋala tamɔ jwɛi fɔ lɛ gbeyei?
13 Mɛni hewɔ ohiɛ ekpa Yehowa, mɔ ni fee bo lɛ nɔ,+Mɔ ni kpã ŋwɛi mli,+ ni eto shikpɔŋ lɛ faneshi lɛ shishi lɛ?
Ni daa gbi lɛ ohe kpokpoɔ yɛ yiwalɔ* lɛ mlifu lɛ hewɔ,Oookɛɛ nɔ ni ebaanyɛ ekpãtã ohiɛ.
Agbɛnɛ, nɛgbɛ yiwalɔ lɛ mlifu lɛ yɔɔ?
14 Etsɛŋ ni abaaŋmɛɛ mɔ ni awo lɛ tsein* ni edɔ emli kɔmɔɔ lɛ he;+Egboŋ ni eyaŋ bu lɛ mli,Ni eniyenii* hu ebɔŋ lɛ.
15 Shi miji Yehowa, o-Nyɔŋmɔ lɛ,Mɔ ni taa ŋshɔ lɛ mli ni ehãa ŋshɔkei lɛ feɔ hamahama lɛ+—egbɛ́i ji Yehowa, taiatsɛ lɛ.+
16 Mikɛ miwiemɔ lɛ baawo onaa,Ni mikɛ minine hɔɔŋ lɛ baaha onɔ,+Koni mikɛ ŋwɛi lɛ ama shi,* ni mato shikpɔŋ lɛ faneshi lɛ shishi+Koni makɛɛ Zion akɛ, ‘Mimaŋ ji bo.’+
17 Ao Yerusalem, tee shi! Tee shi! Wó ohe nɔ,+Bo mɔ ni onu Yehowa mlifu kɔɔpoo ni yɔɔ edɛŋ lɛ mli nii lɛ.
Onu wain kɔɔpoo lɛ mli nii;Oshɔ kɔɔpoo ni hãa mɔ didãa lɛ mli nii lɛ fɛɛ.+
18 Ebii* ni efɔ lɛ ateŋ eko eko bɛ ni baatsɔɔ lɛ gbɛ,Ni ebii* ni ekwɛ lɛ ateŋ eko eko bɛ ni baahiɛ enineshi.
19 Nibii enyɔ nɛɛ enina bo.
Namɔ baaye bo ŋkɔmɔ?
Hiɛkpatamɔ kɛ fitemɔ, hɔmɔ kɛ klante!+
Namɔ baashɛje omii?+
20 Nɔ enyɔ obii* lɛ anɔ.+
Amɛjwere gbɛjegbɛ fɛɛ gbɛjegbɛ koŋ*Tamɔ ŋa mli gwantɛŋ ni yaa edu lɛ.
Amɛtɔrɔ kɛ Yehowa mlifu lɛ, o-Nyɔŋmɔ lɛ kamɔ lɛ.”
21 No hewɔ lɛ, ofainɛ, bo enɛ toi,Bo yoo ni ona nɔ ni otɔ dãa, shi jeee kɛ wain.
22 Nɔ ni o-Nuŋtsɔ Yehowa, o-Nyɔŋmɔ ni fãa emaŋ lɛ he lɛ kɛɛ nɛ:
“Naa! Mahe kɔɔpoo ni hãa odidãa lɛ kɛje odɛŋ,+Wain kɔɔpoo lɛ, mimlifu kɔɔpoo lɛ;Onuŋ dɔŋŋ.+
23 Mikɛbaawo mɛi ni waa bo yi lɛ adɛŋ,+Mɛi ni kɛɔ bo* akɛ, ‘Kotomɔ shi koni wɔnyiɛ onɔ!’ lɛ.
No hewɔ lɛ, ohã osɛɛ tsɔ tamɔ shikpɔŋ,Tamɔ gbɛjegbɛ koni amɛtsɔ nɔ.”
Shishigbɛ Niŋmaa
^ Loo “mɔ ni kɔ̃mɔ kɛfɔ nyɛ lɛ nɔ.”
^ Loo “mihewalɛ.”
^ Loo “Ni afiteŋ mijalɛ nifeemɔ lɛ.”
^ Enɛ jeee tɔŋtɔŋi diɛŋtsɛ, shi moŋ, amɛji filikilɔi bibii komɛi tamɔ tɔŋtɔŋi ni anaa yɛ Ejipt.
^ Loo “amɛbaasuu.”
^ Loo “migbɛtsɔɔmɔ.”
^ Loo “gbɔmɛi ni gboiɔ.”
^ Ni ji, abɛi henɔ ko ni fiteɔ mama.
^ Shishitsɔɔmɔi komɛi kɛɔ akɛ, “Gɔgɔmi.”
^ Ekɔɔ mɔ ko ni aatsɛ lɛ kɛmiijɛ wɔ mli lɛ he.
^ Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “akekerei yɛ amɛyitsei anɔ.”
^ Loo “gbɔmɔ ni gboɔ.”
^ Loo “mɔ ni saa nyɛnaa.”
^ Loo “kɔsɔŋkɔsɔ.”
^ Hebri sht. ŋm., “eblodo.” Kwɛmɔ Wiemɔi Titrii Amligbalamɔ lɛ.
^ Loo “Koni madu ŋwɛi lɛ.”
^ Hebri sht. ŋm., “Ebihii.”
^ Hebri sht. ŋm., “ebihii.”
^ Hebri sht. ŋm., “obihii.”
^ Hebri sht. ŋm., “gbɛjegbɛi fɛɛ ayitso.”
^ Loo “osusuma.”
