Ŋɔɔ:

• Lala Lɛ He Wolo Lɛ

1. 1. Miisumɔ ni masa ohiɛ.

   Shi bei komɛi, misheɔ gbeyei

   Ni mibiɔ mihe akɛ,

   ‘Ani maye omanye?’

   Shi misɔleɔ ni owa mi,

   Mihãa oleɔ minaagbai kɛ haomɔi.

   Oboɔ mi toi be fɛɛ be,

   Nyɔŋmɔ Ofe ojwɛŋɔ mihe.

   (NƆHEREMƆ)

   Mabu mitsui he kɛ mijwɛŋmɔ he.

   Majwɛŋ nibii kpakpai ahe,

   Majie nibii ni woɔ minajiaŋ

   Kɛje mijwɛŋmɔŋ, ni maná miishɛɛ.

2. 2. Miisumɔ ni masɔmɔ bo,

   Shi minaagbai heɔ mijwɛŋmɔ.

   Enɛ jeɔ minijiaŋ wui,

   Mihenilee buɔ mi fɔ.

   Shi kɛ́ mishiɛ mihã mɛi fɛɛ,

   Ehãa mináa toiŋjɔlɛ kɛ miishɛɛ.

   Nyɔŋmɔ, owoɔ mi ekãa,

   No hewɔ mabɛŋkɛ bo daa.

   (NƆHEREMƆ)

   Mabu mitsui he kɛ mijwɛŋmɔ he.

   Majwɛŋ nibii kpakpai ahe,

   Majie nibii ni woɔ minajiaŋ

   Kɛje mijwɛŋmɔŋ, ni maná miishɛɛ.

   Maná miishɛɛ.

   (NƆ NI FOƆ TEŊ)

   Mihãŋ je nɛŋ nibii gbohii

   Ahe shi yɛ mijwɛŋmɔ mli.

   Misheŋ gbeyei, mahã mihe tsui,

   Ejaakɛ Nyɔŋmɔ, oyɛ mimasɛi daa.

   Oyɛ mimasɛi daa.

   (NƆHEREMƆ)

   Mabu mitsui he kɛ mijwɛŋmɔ he.

   Majwɛŋ nibii kpakpai ahe,

   Majie nibii ni woɔ minajiaŋ

   Kɛje mijwɛŋmɔŋ, ni maná miishɛɛ.