Ani Okaiɔ?

Ani onya Buu-Mɔɔ srɔtoi ni ba nyɛsɛɛ nɛɛ akanemɔ he? Kɛji nakai ni lɛ, kwɛmɔ akɛ obaanyɛ oha sanebimɔi ni nyiɛ sɛɛ nɛɛ ahetoo lo:

• Mɛni ji gbɛ ni he hiaa waa ni wɔɔtsɔ nɔ wɔsaa béi ni kã wɔ kɛ mɔ ko teŋ?

Klɛŋklɛŋ lɛ, esa akɛ wɔyɔse akɛ, wɔ fɛɛ wɔbaanyɛ wɔná jwɛŋmɔi gbohii ni wɔfee nibii ni esaaa. No sɛɛ lɛ, esa akɛ wɔkɛ hiɛdɔɔ akwɛ akɛ ani wɔ ji mɛi ni kɛ béi lɛ ba, moŋ fe ni wɔɔsusu akɛ mɔ kroko lɛ ni fee.—8/15, baafa 23.

• Mɛɛ be baafee “nibii fɛɛ agbɛjianɔtoo be lɛ” ni atsĩ tã yɛ Bɔfoi lɛ Asaji 3:21 lɛ?

Nibii agbɛjianɔtoo lɛ baa yɛ gbɛ̀i enyɔ nɔ. Klɛŋklɛŋ lɛ, kɛjɛ afi 1919 kɛbaa nɛɛ, aatsu mumɔŋ paradeiso nibii agbɛjianɔtoo he nii. Nibii agbɛjianɔtoo kroko hu baaba yɛ be mli ni asaa wɔshikpɔŋ lɛ ni afeɔ lɛ paradeiso ekoŋŋ lɛ mli.—9/1, baafai 17, 18.

• Yɛ mɛɛ gbɛ nɔ tsatsu bɛ kojolɔ, taakɛ atsĩ tã yɛ Abɛi 6:6-8, ni kɛlɛ ekɛ nɔkwɛmɔnɔ kpakpa haa wɔ lɛ?

Yɛ tsatsubii ateŋ lɛ, ayɛ maŋnyɛ, shi eji maŋnyɛ kɛ shishinumɔ kɛkɛ akɛ lɛ eŋmɛɔ wɔji lɛ, ni lɛ ji nyɛ kɛha tsatsubii akuu lɛ. Tsatsubii tsuɔ nii waa, ni nakai esa akɛ wɔ hu wɔfee, ni wɔbɔ mɔdɛŋ waa ni wɔya hiɛ yɛ nitsumɔ mli, kɛji akɛ akwɛɛɛ wɔnɔ po.—9/15, baafa 26.

• Akɛni Yosia gbo yɛ pilamɔ ni apila lɛ waa diɛŋtsɛ yɛ ta mli hewɔ lɛ, ani Hulda gbalɛ ni yɔɔ 2 Maŋtsɛmɛi 22:20 ni tsɔɔ akɛ ebaagbo “yɛ hejɔlɛ mli” lɛ ja?

Hɛɛ, egbo yɛ toiŋjɔlɛ mli kɛ shishinumɔ akɛ, egbo dani afi 609 kɛyashi 607 D.Ŋ.B. amanehulu lɛ ba, beni Babilonbii bawo Yerusalem he ka ni amɛkpata hiɛ lɛ.—9/15, baafa 30.

• Mɛni hewɔ abaanyɛ akɛɛ akɛ ehi akɛ Salomo kɛ ŋa aaato “ofrote ni he yɔɔ fɛo kɛ yoo ni he yɔɔ akɔnɔ” he lɛ? (Abɛi 5:18, 19)

Ŋa nɔ abotia ni nyiɛɔ gɔji anɔ aloo ofrote he jɔ yɛ adebɔɔ naa, ni ehe yɛ fɛo. Ni kɛlɛ, yɛ hei ni tɛsaai yɔɔ, ni anyɛɛɛ jɛmɛ aya ni niyenii bɛ po lɛ enyɛɔ ehiɔ shi, ni efɔɔ ebii yɛ jɛmɛ.—10/1, baafai 30, 31.

• Namɛi ji Henry Grew kɛ George Storrs?

Nɛkɛ hii nɛɛ hi shi yɛ afii 1800 lɛ mli, ni amɛji mɛi ni kaseɔ Biblia lɛ waa. Grew kase ele akɛ Triniti tsɔɔmɔ lɛ bɛ ŋmalɛ mli, ni nakai ji susuma ni gbooo kɛ hɛl la tsɔɔmɔi lɛ hu. Storrs ná le akɛ mɛi komɛi baahi shi kɛya naanɔ yɛ shikpɔŋ lɛ nɔ. Amɛyi enyɔ lɛ fɛɛ ji mɛi ni tsɔ Charles Taze Russell ni je nɛkɛ wolo tɛtrɛɛ nɛɛ kalamɔ shishi yɛ afi 1879 mli lɛ hiɛ.—10/15, baafai 26-30.

• Te Yehowa Odasefoi buɔ tsofafeemɔ gbɛ ni akɛ mɔ diɛŋtsɛ lá tsuɔ he nii lɛ amɛhaa tɛŋŋ?

Yɛ hemɔkɛyeli ni amɛyɔɔ yɛ Biblia lɛ mli lɛ hewɔ lɛ, amɛjieee amɛ diɛŋtsɛ amɛlá amɛhaaa ni akɛto koni sɛɛ mli lɛ amɛkpɛlɛ ni agbala awo amɛmli. Kristofonyo fɛɛ Kristofonyo kpɛɔ eyiŋ ehaa lɛ diɛŋtsɛ ehe yɛ bɔ ni ebaasumɔ ni akɛ elá atsu nii aha yɛ be mli ni afeɔ lɛ opireshɛn, afeɔ lɛ tsofa kɛtaoɔ hela ni eyeɔ, aloo beni aafee lɛ tsofa nɔŋŋ. Esa akɛ esusu nɔ ni Biblia lɛ kɛɔ yɛ lá he lɛ he, ni ekai akɛ ejɔɔ ehe nɔ kwraa eha Nyɔŋmɔ.—10/15, baafai 30, 31.

• Niiamlipɛimɔ ko ni afee yɛ afi nɛɛ shishijee mli lɛ tsɔɔ mɛni ni he hiaa Yehowa Odasefoi waa yɛ jeŋ fɛɛ?

Ehe miihia ni aná Maŋtsɛyeli Asai ni fa fe 11,000 yɛ maji ni miiya amɛhiɛ yɛ shihilɛ mli ni bɛ shika lɛ anɔ. Akɛ onia ni Kristofoi tsuɔ yɛ shikpɔji pii anɔ lɛ miitsu nii koni akɛye abua ni akɛmamɔ kpeehei ni sa.—11/1, baafa 30.

• Mɛni ji shishijee wiemɔi ni akɛtsuɔ nii yɛ Biblia lɛ mli ni kɔɔ jamɔ he lɛ ekomɛi?

Ekome ji lei·tour·giʹa, ni atsɔɔ shishi akɛ “maŋ sɔɔmɔ.” Ekroko hu ji la·treiʹa, ni atsɔɔ shishi akɛ “sɔɔmɔ krɔŋkrɔŋ.” ( Hebribii 10:11; Luka 2:36, 37)—11/15, baafai 11, 12.

• Mɛni ji nikasemɔ ko ni he hiaa ni wɔbaanyɛ wɔkase kɛjɛ Biblia mli sane ni kɔɔ Adam kɛ Hawa he?

Gbɛ fɛɛ gbɛ ni wɔɔtsɔ nɔ wɔtao heyeli kɛjɛ Yehowa Nyɔŋmɔ he lɛ ji buuluufeemɔ diɛŋtsɛ.—11/15, baafai 24-27.

• Mɛɛ Ŋmalɛ yeɔ odase akɛ Nyɔŋmɔ kɛ hewalɛ haa etsuji?

David, Habakuk, kɛ bɔfo Paulo fɛɛ ye anɔkwale ní eji akɛ Yehowa Nyɔŋmɔ kanyaa amɛ aloo ehaa amɛ hewalɛ lɛ he odase. (Lala 60:14; Habakuk 3:19; Filipibii 4:13) Enɛ hewɔ lɛ, wɔbaanyɛ wɔná hekɛnɔfɔɔ akɛ Nyɔŋmɔ miisumɔ, ni eyɛ hewalɛ ni ekɛaaha wɔ hewalɛ.—12/1, baafai 10, 11.