KASEMƆ BƆ NI ASHIƐƆ JOGBAŊŊ | NÁ MIISHƐƐ WAA YƐ SHIƐMƆ NITSUMƆ LƐ MLI
Ye Obua O-Biblia Mli Nikaselɔ Lɛ Koni Eba Asafoŋ Kpeei
Asafoŋ kpeei ji jamɔ krɔŋŋ lɛ fã ko ni he hiaa waa. (La 22:22) Yehowa jɔɔ mɛi fɛɛ ni kpeɔ koni amɛjá lɛ lɛ, ni amɛnáa miishɛɛ hu. (La 65:4) Kɛ́ Biblia mli nikaselɔi fɔɔ kpeei baa lɛ, amɛbaaya amɛhiɛ oyayaayai.
Mɛɛ gbɛ nɔ obaanyɛ owa o-Biblia mli nikaselɔi lɛ ni amɛba asafoŋ kpeei? Yaa nɔ ofɔ̃ amɛ nine ni amɛba. Jiemɔ vidio ni ji, Mɛni Yaa Nɔ yɛ Maŋtsɛyeli Asa lɛ Nɔ? lɛ otsɔɔ amɛ. Tsɔɔmɔ amɛ sɛɛnamɔi ni yɔɔ asafoŋ kpeei lɛ ahe. (lff nikasemɔ 10) Obaanyɛ ogba amɛ nɔ ko ni okase yɛ asafoŋ kpee ko shishi, loo ni okɛɛ amɛ nɔ ni abaasusu he yɛ asafoŋ kpee ni nyiɛ sɛɛ lɛ shishi. Hã amɛ woji ni akɛbaatsu nii yɛ asafoŋ kpee lɛ shishi lɛ eko. Agbɛnɛ hu, obaanyɛ ofee nibii krokomɛi kɛwa amɛ. Ekolɛ ebaabi ni amɛwó lɔle kɛba. Kɛ́ obɔ mɔdɛŋ fɛɛ ni ooonyɛ, ni o-Biblia mli nikaselɔ lɛ ba eklɛŋklɛŋ asafoŋ kpee lɛ, odeŋmegbomɔ lɛ efeŋ efolo.—1Ko 14:24, 25.
KWƐMƆ VIDIO NI JI, YE OBUA O-BIBLIA MLI NIKASELƆ LƐ KONI EBA ASAFOŊ KPEEI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:
-
Mɛɛ hegbɛ Anita ŋɔ kɛfɔ̃ Jade nine kɛhã asafoŋ kpee?
-
Kɛ́ wɔ-Biblia mli nikaselɔ ko ba asafoŋ kpee lɛ, mɛni hewɔ wɔmii shɛɔ wɔhe lɛ?
-
“Nyɔŋmɔ yɛ nyɛteŋ lɛɛlɛŋ”
Be ni Jade tee eklɛŋklɛŋ asafoŋ kpee lɛ, te enu he ehã tɛŋŋ?
