Yɛ March 23 lɛ, wɔmiikpa gbɔi aaafee akpekpei 12 loo nɔ gbɛ ni amɛkɛ wɔ abaye Kaimɔ lɛ. Be ni wielɔ lɛ tsɔɔ kpɔmɔnɔ lɛ, ni ji nikeenii ni Yehowa kɛhã, kɛ jɔɔmɔi ni ebaahã adesai aná lɛ mli lɛ, ebaafee odaseyeli kpele kɛhã amɛ! (Yes 11:6-9; 35:5, 6; 65:21-23; Yoh 3:16) Shi jeee wielɔ lɛ pɛ ji mɔ ni baaye odase yɛ nifeemɔ krɛdɛɛ nɛɛ shishi. Wɔ fɛɛ wɔbaanyɛ wɔye wɔbua kɛtsɔ gbɔi ni baaba lɛ ni wɔbaahere amɛ atuu lɛ nɔ. (Ro 15:7) Obaanyɛ okɛ ŋaawoi nɛɛ atsu nii.

• Yɛ nɔ najiaŋ ni obaayatao he ko ota ni omɛ kɛyashi nifeemɔ lɛ baaje shishi lɛ, okɛ miishɛɛ ahere gbɔi kɛ mɛi ni ekpa shiɛmɔyaa ni baaba lɛ atuu, ni oŋa amɛ

• Be ni ohereɔ mɛi ni bo diɛŋtsɛ ofɔ̃ amɛ nine lɛ atuu lɛ, ohiɛ ahi ohe nɔ hu yɛ mɛi ni ba yɛ Kaimɔ lɛ he tafãa lɛ hewɔ lɛ ahe. Hã mɛi hee ni eba lɛ abatara omasɛi. Okɛ amɛ akwɛ o-Biblia kɛ olalawolo lɛ mli

• Kɛ́ akpa lɛ, feemɔ klalo akɛ obaahã sanebimɔi ni amɛyɔɔ lɛ hetoo. Kɛ́ esa akɛ nyɛshi tsu lɛ mli koni asafo kroko aba lɛ, okɛ amɛ ato gbɛjianɔ koni oyasara amɛ yɛ gbii fioo ni baanyiɛ sɛɛ lɛ mli. Kɛ́ obɛ amɛtɛlifoŋ nɔmba lɛ, obaanyɛ okɛɛ: “Masumɔ ni male osusumɔ yɛ bɔ ni nifeemɔ lɛ tee nɔ ehã lɛ he. Ani gbɛ ko yɛ ni manyɛ matsɔ nɔ ni minine ashɛ onɔ?”