Nyɛmimɛi yei yeɔ amɛbuaa waa yɛ Maŋtsɛyeli nitsumɔ lɛ mli. (La 68:11) Amɛ amɛfeɔ Biblia mli nikasemɔi lɛ babaoo, ni daa gbɛgbalɔi lɛ ateŋ tsiimɔ ji yei. Nyɛmimɛi yei akpei abɔ ni tsuɔ nii waa miisɔmɔ akɛ Betelbii, maŋsɛɛ sɔɔlɔi, tsumalɔi ni kɛ amɛhe ehã, tsumaa sɔɔlɔi, kɛ wiemɔ shishitsɔɔlɔi. Nyɛmimɛi yei ni edara yɛ mumɔŋ lɛ tswaa amɛwekui kɛ asafoi lɛ amɛmaa shi. (Abɛ 14:1) Eyɛ mli akɛ nyɛmimɛi yei nyɛŋ asɔmɔ akɛ onukpai kɛ sɔɔlɔi moŋ, shi amɛbaanyɛ amɛkɛ otii amamɔ amɛhiɛ yɛ asafo lɛ mli. Kɛ́ nyɛmi yoo ji bo lɛ, mɛɛ gbɛi komɛi anɔ obaanyɛ otsu babaoo?

• Wo sui kpakpai.​—1Ti 3:11; 1Pe 3:3-6

• Wa nyɛmimɛi yei ni yɔɔ asafo lɛ mli ni bɛ niiashikpamɔ tsɔ lɛ.​—Tit 2:3-5

• Okɛ be babaoo ashiɛ, ni oshiɛ ni emɔ shi hu

• Kasemɔ wiemɔ kroko

• Yaasɔmɔ yɛ he ni hiamɔ lɛ da yɛ

• Okɛ ohe ahã kɛhã Betel nitsumɔ loo teokrase tsũi amaamɔ

• Okɛ ohe ahã kɛhã Skul Kɛhã Maŋtsɛyeli Sane Kpakpa Jajelɔi lɛ

KWƐMƆ VIDIO NI JI, “YEI NI TSUƆ NII WAA YƐ NUŊTSƆ LƐ MLI” LƐ, KONI NO SƐƐ LƐ OHÃ SANEBIMƆ NI NYIƐ SƐƐ NƐƐ HETOO:

• Mɛɛ gbɛ nɔ nɔ ni nyɛmimɛi yei lɛ ateŋ mɔ fɛɛ mɔ wie lɛ ewo bo hewalɛ?