HII SHI AKƐ KRISTOFONYO
‘Omii Ashɛ Nibii Ni Oyɔɔ Amrɔ Nɛɛ Ahe’
Kɛ́ wɔmiiye ohia lɛ, no baanyɛ ahã wɔfee nɔ ko ni baafite wɔ kɛ Yehowa teŋ. Akɛ nɔkwɛmɔnɔ lɛ, wɔbaanyɛ wɔná hegbɛ ko ni baanyɛ ahã wɔná shika shi ebaanyɛ ehã ewa kɛhã wɔ akɛ wɔbaasɔmɔ Yehowa. Kɛ́ wɔjwɛŋ Hebribii 13:5 lɛ nɔ lɛ ebaawa wɔ.
“Shikasuɔmɔ akaba nyɛshihilɛ mli”
-
Sɔlemɔ, ni no sɛɛ lɛ osusu bɔ ni onaa shika ohãa lɛ he, ni ojwɛŋ nɔkwɛmɔnɔ ni ofeɔ ohãa obii lɛ ahe.—mwbr23.11 6 kk. 3-5.
“Ni nyɛmii ashɛa nibii ni nyɛyɔɔ amrɔ nɛɛ ahe”
-
Susumɔ nibii ni onaa amɛ akɛ amɛji hiamɔ nii lɛ ahe ekoŋŋ, ni okwɛ akɛ ekomɛi yɛ mli ni ekolɛ amɛjeee hiamɔ nii lo.—w16.07 7 kk. 1-2.
“Mishiŋ bo, ni mikwaŋ bo kɔkɔɔkɔ”
-
Hemɔ oye waa akɛ kɛ́ okɛ Maŋtsɛyeli lɛ ye klɛŋklɛŋ gbɛhe lɛ, Yehowa baawa bo ni oná nibii ni he hiaa yɛ shihilɛ mli lɛ.—w14 4/15 21 kk. 17.
KWƐMƆ VIDIO NI JI, WƆNYƐMIMƐI LƐ YƐ TOIŊJƆLƐ YƐ SHIKA HE NAAGBAI NI AMƐKƐKPEƆ LƐ FƐƐ SƐƐ LƐ, KONI NO SƐƐ LƐ OHÃ SANEBIMƆ NI NYIƐ SƐƐ NƐƐ HETOO:
Mɛni okase yɛ Miguel Novoa sane lɛ mli?
