KASEMƆ BƆ NI ASHIƐƆ JOGBAŊŊ | NÁ MIISHƐƐ WAA YƐ SHIƐMƆ NITSUMƆ LƐ MLI
Hã Nyɛmimɛi Lɛ Aye Abua Bo
Yehowa kɛ wɔnyɛmimɛi “asafo muu lɛ fɛɛ” lɛ edro wɔ, koni ekɛwa wɔ. (1Pe 5:9) Kɛ́ wɔkɛ naagbai kpe yɛ shiɛmɔ nitsumɔ lɛ mli lɛ, amɛbaanyɛ amɛwa wɔ ni wɔtsu he nii jogbaŋŋ. Akɛ nɔkwɛmɔnɔ lɛ, Akwila kɛ Priskila, Sila, Timoteo, kɛ mɛi krokomɛi ye amɛbua bɔfo Paulo.—Bɔf 18:1-5.
Mɛɛ gbɛ nɔ nyɛmimɛi lɛ baanyɛ awa bo yɛ shiɛmɔ nitsumɔ lɛ mli? Amɛbaanyɛ amɛwo bo ŋaa koni onyɛ oshiɛ otsɔɔ mɛi ni sumɔɔɔ ni amɛboɔ sane lɛ toi lɛ, ofee sɛɛkuukɛsaramɔ, loo oje Biblia mli nikasemɔ shishi ni oya nɔ ofee hu. Kwɛmɔ akɛ namɔ yɔɔ nyɛsafo lɛ mli ni baanyɛ ewa bo, ni obi lɛ ni ewa bo. Ekã shi faŋŋ akɛ, nyɛyi enyɔ lɛ fɛɛ baaná he sɛɛ, ni nyɛbaaná miishɛɛ hu.—Fip 1:25.
KWƐMƆ VIDIO NI JI, OBAANYƐ ONÁ MIISHƐƐ BE NI OFEƆ MƐI KASELƆI LƐ—HÃ YEHOWA AYE ABUA BO—WƆNYƐMIMƐI LƐ, KONI NO SƐƐ LƐ OHÃ SANEBIMƆI NI NYIƐ SƐƐ NƐƐ HETOO:
-
Mɛɛ gbɛ nɔ Anita wo Jade hewalɛ ni eba asafoŋ kpee?
-
Mɛni hewɔ esa akɛ wɔhã shiɛlɔi krokomɛi afata wɔhe kɛ́ wɔyaafee Biblia mli nikasemɔ lɛ?
-
Asafo muu lɛ fɛɛ yeɔ ebuaa ni mɔ ko baatsɔɔ kaselɔ
Mɛɛ nɔ ko Jade kɛ Aunty Abi fɛɛ nyaa he?
-
Mɛɛ shiɛmɔ nitsumɔ mli hesai nyɛmimɛi baanyɛ atsɔɔ bo?
