AKRABATSA 20A
Shikpɔŋ Lɛ Jaa
Bɔ ni asusu shikpɔŋ lɛ husui lɛ fitsofitso lɛ hã nomii lɛ ná nɔmimaa akɛ bɔ fɛɛ bɔ ni fee lɛ, amɛbaaku amɛsɛɛ kɛya amɛshikpɔŋ ni amɛsumɔɔ lɛ nɔ. Mɛni wɔbaanyɛ wɔkase yɛ ninaa nɛɛ mli ŋmɛnɛ? Susumɔ ninaa lɛ mli nibii enyɔ komɛi ahe okwɛ:
He ko ni yɔɔ shweshweeshwe kɛ nitsumɔ ni he hiaa waa
Nomii ni ku amɛsɛɛ kɛba lɛ ateŋ mɔ fɛɛ mɔ ná he ko yɛ Shiwoo Shikpɔŋ lɛ nɔ akɛ egboshinii. Nakai nɔŋŋ ŋmɛnɛ lɛ, Yehowa tsuji lɛ ateŋ mɔ fɛɛ mɔ náa mfonirifeemɔŋ paradeiso lɛ mli gbɛ. Ekɔɔɔ he eko nitsumɔ ni wɔtsuɔ yɛ asafo lɛ mli lɛ, wɔyɛ he ko ni yɔɔ shweshweeshwe yɛ mfonirifeemɔŋ shikpɔŋ lɛ nɔ, ni wɔmiitsu nitsumɔ ko ni he hiaa waa hu. Yehowa naa etsuji lɛ fɛɛ akɛ amɛjara wa.
Aja lɛ pɛpɛɛpɛ
Yɛ Ezekiel ninaa lɛ mli lɛ, bɔ ni aja Shiwoo Shikpɔŋ lɛ pɛpɛɛpɛ lɛ hã mɔ fɛɛ mɔ ná shikpɔŋ ni efee frɔ̃frɔ̃ ni baa nii lɛ eko. Nakai nɔŋŋ ŋmɛnɛ lɛ, Yehowa hãa etsuji lɛ ateŋ mɔ fɛɛ mɔ náa jɔɔmɔi ni yɔɔ mfonirifeemɔŋ paradeiso lɛ mli lɛ eko.
