NIKASEMƆ 28
Nɔ Ni Obaanyɛ Ofee Kɛtsɔɔ Akɛ Ohiɛ Esɔ Nɔ Ni Yehowa Kɛ Yesu Fee Amɛhã Bo Lɛ
Kɛ́ onaanyo ko ke bo nɔ ko fɛfɛo lɛ, te onuɔ he ohãa tɛŋŋ? Ŋwanejee ko bɛ he akɛ, omii shɛɔ ohe waa, ni otaoɔ gbɛ ni obaatsɔ nɔ ohã ena akɛ ohiɛ esɔ nikeenii lɛ. Yehowa kɛ Yesu ehã wɔ nikeenii ni fe fɛɛ. Mɛni ji nikeenii nɛɛ, ni mɛni wɔbaanyɛ wɔfee kɛtsɔɔ akɛ wɔhiɛ esɔ?
1. Mɛni ji nɔ kome ni wɔbaanyɛ wɔfee kɛda Nyɔŋmɔ kɛ Kristo shi yɛ nɔ ni amɛfee amɛhã wɔ lɛ hewɔ?
Biblia lɛ ewo shi akɛ, “mɔ fɛɛ mɔ ni jieɔ hemɔkɛyeli kpo yɛ [Yesu mli] lɛ” baanyɛ ahi shi kɛya naanɔ. (Yohane 3:16; shishigbɛ niŋmaa) Kɛ́ akɛɛ wɔjie hemɔkɛyeli kpo lɛ, te atsɔɔ tɛŋŋ? Jeee akɛ wɔbaahe Yesu nɔ wɔye kɛkɛ. Esa akɛ wɔtsɔ yiŋ ni wɔkpɛɔ kɛ wɔnifeemɔi hu anɔ wɔhã ana akɛ wɔheɔ enɔ wɔyeɔ. (Yakobo 2:17) Kɛ́ wɔtsɔ wɔnifeemɔ kɛ wɔwiemɔ nɔ wɔhã ana akɛ wɔheɔ enɔ wɔyeɔ lɛ, naanyobɔɔ ni yɔɔ wɔ kɛ Yesu kɛ e-Tsɛ Yehowa teŋ lɛ mli baawa.—Kanemɔ Yohane 14:21.
2. Mɛɛ nifeemɔ srɔto ko hãa wɔjieɔ hiɛsɔɔ kpo yɛ nɔ ni Yehowa kɛ Yesu fee amɛhã wɔ lɛ hewɔ?
Gbi gbɛkɛ ni enɔ jetsɛremɔ lɛ abaagbe Yesu lɛ, etsɔɔ esɛɛnyiɛlɔi lɛ nɔ kroko ni amɛbaanyɛ amɛfee kɛtsɔɔ akɛ amɛhiɛ esɔ efɔleshaa lɛ. Eto gbi jurɔ srɔto ko shishi, ni Biblia lɛ tsɛɔ gbi jurɔ nɛɛ akɛ, ‘Nuŋtsɔ Lɛ Gbɛkɛ Niyeli’ lɛ, loo nɔ ni atsɛɔ lɛ Kristo gbele lɛ Kaimɔ lɛ. (1 Korintobii 11:20) Yesu to nifeemɔ nɛɛ shishi koni ebɔfoi lɛ—kɛ anɔkwa Kristofoi fɛɛ ni baaba yɛ amɛsɛɛ lɛ—akai akɛ ekɛ ewala fɔ̃ shi ehã wɔ. Ekɛ famɔ hã yɛ nifeemɔ nɛɛ he akɛ: “Nyɛyaa nɔ nyɛfea enɛ kɛkaia mi.” (Luka 22:19) Kɛ́ otee Kaimɔ lɛ, ohãa anaa akɛ ohiɛ sɔɔ suɔmɔ kpele ni Yehowa kɛ Yesu yɔɔ kɛhã wɔ lɛ.
KASEMƆ PII OFATA HE
Obaana nibii krokomɛi ni obaanyɛ ofee kɛtsɔɔ akɛ ohiɛ esɔ suɔmɔ kpele ni Yehowa kɛ Yesu jie lɛ kpo amɛtsɔɔ wɔ lɛ. Ni obaana nɔ hewɔ ni Kristo gbele lɛ Kaimɔ lɛ he hiaa lɛ.
3. Hiɛsɔɔ tsirɛɔ wɔ ni wɔfee nɔ ko
Ŋɔɔ lɛ akɛ, oomii yɛ faa ko mli, ni mɔ ko bahere bo. Ani obaajie nɔ ni mɔ lɛ fee ehã bo lɛ kɛje ojwɛŋmɔ mli oya? Aloo obaatao gbɛi ni obaatsɔ nɔ ohã ena akɛ, ohiɛ esɔ nɔ ni efee ehã bo lɛ?
Yehowa ji mɔ ni hãa wɔ fɛɛ wala. Nyɛkanea 1 Yohane 4:8-10 lɛ, ni nyɛsusua sanebimɔi nɛɛ ahe:
-
Mɛni hewɔ Yesu afɔleshaa lɛ ji nikeenii ni nɔ bɛ lɛ?
-
Te onaa nɔ ni Yehowa kɛ Yesu fee amɛhã bo lɛ tɛŋŋ?
Mɛni wɔbaanyɛ wɔfee kɛtsɔɔ akɛ wɔhiɛ esɔ nɔ ni Yehowa kɛ Yesu fee amɛhã wɔ lɛ? Nyɛkanea 2 Korintobii 5:15 kɛ 1 Yohane 4:11; 5:3 lɛ. Kɛ́ nyɛkane ŋmalɛi lɛ eko fɛɛ eko nyɛgbe naa lɛ, nyɛsusua sanebimɔ nɛɛ he:
-
Yɛ ŋmalɛ nɛɛ naa lɛ, mɛni wɔbaanyɛ wɔfee kɛjie hiɛsɔɔ kpo?
4. Kasemɔ Yesu
Nɔ kroko ni wɔbaanyɛ wɔfee kɛjie hiɛsɔɔ kpo ji, ni wɔbaakase Yesu. Nyɛkanea 1 Petro 2:21 lɛ, ni nyɛsusua sanebimɔ nɛɛ he:
-
Mɛɛ gbɛi anɔ obaanyɛ onyiɛ Yesu nanemaahei lɛ asɛɛ kpaakpa?
Yesu sumɔ Nyɔŋmɔ Wiemɔ lɛ, eshiɛ sane kpakpa lɛ, ni ewa mɛi
5. Yaa Kristo gbele lɛ Kaimɔ lɛ
Nyɛkanea Luka 22:14, 19, 20 lɛ, koni ona nɔ ni tee nɔ yɛ klɛŋklɛŋ Nuŋtsɔ Lɛ Gbɛkɛ Niyeli lɛ shishi. No sɛɛ lɛ, nyɛsusua sanebimɔi nɛɛ ahe:
-
Mɛni tee nɔ yɛ Nuŋtsɔ Lɛ Gbɛkɛ Niyeli lɛ shishi?
-
Mɛni blodo lɛ kɛ wain lɛ damɔ shi kɛhã?—Kwɛmɔ kuku 19 kɛ 20 lɛ.
Yesu miisumɔ ni ekaselɔi lɛ aye gbi jurɔ ni ji, Nuŋtsɔ Lɛ Gbɛkɛ Niyeli lɛ shi kome daa afi, yɛ gbi ni egbo lɛ nɔ. Enɛ hewɔ lɛ, daa afi lɛ, Yehowa Odasefoi kaiɔ Kristo gbele lɛ tamɔ bɔ ni efã akɛ afee lɛ lɛ pɛpɛɛpɛ. Bɔ ni afee ni ole kpee ni he hiaa nɛɛ he sane lɛ, jiemɔ VIDIO lɛ. No sɛɛ lɛ, nyɛsusua sanebimɔ ni nyiɛ sɛɛ nɛɛ he.
-
Mɛni yaa nɔ yɛ Kaimɔ lɛ shishi?
Blodo lɛ kɛ wain lɛ damɔ shi kɛhã nɔ ko. Blodo lɛ damɔ shi kɛhã Yesu adesa gbɔmɔtso ni eye emuu ni ekɛshã afɔle ehã wɔ lɛ. Wain lɛ damɔ shi kɛhã elá lɛ
MƐI KOMƐI KƐƆ AKƐ: “Kɛ́ ohe Yesu nɔ oye kɛkɛ lɛ, abaahere oyiwala.”
-
Mɛɛ gbɛ nɔ obaanyɛ okɛ Yohane 3:16 kɛ Yakobo 2:17 lɛ ahã amɛna akɛ, esa akɛ amɛfee babaoo fe nakai?
EMLI OTI
Kɛ́ wɔjie hemɔkɛyeli kpo yɛ Yesu mli ni wɔtee egbele lɛ Kaimɔ lɛ, no tsɔɔ akɛ, wɔhiɛ esɔ nɔ ni efee ehã wɔ lɛ.
Mɛni Okase?
-
Kɛ́ akɛɛ ojie hemɔkɛyeli kpo yɛ Yesu mli lɛ, te atsɔɔ tɛŋŋ?
-
Mɛni obaasumɔ ni ofee kɛtsɔɔ akɛ ohiɛ esɔ nɔ ni Yehowa kɛ Yesu fee amɛhã bo lɛ?
-
Mɛni hewɔ ehe hiaa waa akɛ obaaya Kristo gbele lɛ Kaimɔ lɛ?
EHE SAJI KROKOMƐI
Mɛni Kristo gbele lɛ tsirɛɔ wɔ ni wɔfee?
Obaale hemɔkɛyeli he saji pii, kɛ bɔ ni obaafee ojie lɛ kpo.
“Okɛ Onifeemɔ Atsɔɔ akɛ Oheɔ Yehowa Shiwoi lɛ Oyeɔ” (Buu-Mɔɔ, October 2016)
Kɛ́ okane sane ni ji, “Minuɔ He Akɛ Mihe Etse, Ni Sɛɛnamɔ Yɛ Mihe” lɛ, obaana bɔ ni yoo ko shihilɛ tsake kwraa be ni enu afɔle ni Kristo shã lɛ shishi jogbaŋŋ lɛ.
Obaana nɔ hewɔ ni kɛ́ atee Kaimɔ lɛ, mɛi fioo pɛ yeɔ blodo lɛ ni amɛnuɔ wain lɛ eko lɛ.
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
