NIKASEMƆ 18
Hã Otoibolɔi Lɛ Akase Nɔ Ko Kɛjɛ Mli
1 Korintobii 9:19-23
NƆ NI ESA AKƐ OFEE: Wiemɔ nibii ni baahã otoibolɔi lɛ asusu nii ahe, ni amɛnu he akɛ amɛkase nɔ ko.
BƆ NI OBAAFEE LƐ OHÃ:
-
Susumɔ nɔ ni otoibolɔi lɛ le momo lɛ he. Kaakɛɛ amɛ nibii ni amɛle momo lɛ pɛ kɛkɛ; ye obua amɛ ni amɛkase nibii hei hu kɛjɛ sane lɛ mli.
-
Taomɔ nii amli ni ojwɛŋ nii anɔ. Kɛ́ ebaahi lɛ, okɛ saji ni aleee tsɔ loo saji hei agbála otii lɛ amli. Jwɛŋmɔ osane lɛ nɔ jogbaŋŋ, ní okwɛ kɛji ekɔɔ nɔ ni oto akɛ obaawie he lɛ he.
-
Hã ana sɛɛnamɔ ni yɔɔ osane lɛ he. Tsɔɔmɔ bɔ ni Biblia mli otii baanyɛ aye abua otoibolɔi lɛ yɛ amɛshihilɛ mli. Wiemɔ shihilɛi, sui, kɛ nifeemɔi ni amɛbaaná he sɛɛ lɛ ahe.
