NIKASEMƆ 8
Okɛ Nɔkwɛmɔnii Ni Sa Atsu Nii
Mateo 13:34, 35
NƆ NI ESA AKƐ OFEE: Okɛ nɔkwɛmɔnii ni shishinumɔ waaa ni otoibolɔi lɛ baanya he, ni baahã amɛnu otii ni he hiaa lɛ ashishi lɛ atsu nii.
BƆ NI OBAAFEE LƐ OHÃ:
-
Halamɔ nɔkwɛmɔnii ni shishinumɔ waaa. Tamɔ Yesu fee lɛ, okɛ nibii ni ale atsu nii kɛgbála anɔkwalei ni he hiaa amli, ní okɛ nibii ni shishinumɔ waaa agbála nibii ni shishinumɔ wala amli. Kaawie otii ni he ehiaaa ahe yɛ nɔkwɛmɔnɔ lɛ mli ní efee hwanyaŋŋ. Hã nɔkwɛmɔnɔ lɛ mli nibii lɛ akɔ oti ni owieɔ he lɛ he, bɔ ni afee ni otoibolɔi lɛ ayiŋ akafutu amɛ.
-
Susumɔ otoibolɔi lɛ ahe. Halamɔ nɔkwɛmɔnii ni kɔɔ nibii ni otoibolɔi lɛ feɔ kɛ nibii ni amɛnyaa he lɛ ahe. Okɛ nɔkwɛmɔnii ni baahã amɛhiɛ agboi loo ebaagba amɛnaa lɛ akatsu nii.
-
Hã oti lɛ afee faŋŋ. Hã nɔkwɛmɔnii lɛ akɔ otii lɛ ahe, jeee nibii ni he ehiaaa tsɔ lɛ. Bɔɔ mɔdɛŋ ni ohã otoibolɔ lɛ akai nɔ ni ekase yɛ nɔkwɛmɔnɔ lɛ mli lɛ, shi jeee nɔkwɛmɔnɔ lɛ kɛkɛ.
