Té Wén 8

Dede nam ka éfi a sila So

A zang nam tom be wowi ne gue? (1)

Wowi lema dea mo ne kó meng? (2)

Hio toe be ngdibafa ne wange? (3)

Tom be mgboko a zang nam ne wange? (4)

Mo ka So keri ne war be hio ngdibafa ne ngdinana ne hio bém ne wange nde? (5)

Bible toa nde ge a wén gona soko ne kafa mae be wowi ne mgboko e nde? (6, 7)

1. Bible toa nde wowi ne wan a zang nam. (1 aCorinthien 11:⁠3) Wowi lema doungo ka ne mgboko ndang. Lema nde mbwa si mae a la mairie.​—⁠1 Timothée 3:2; Tite 3:⁠1.

2. Lema nde wowi a ngoy kó touka te wa wan-te. Wène a de ne kó touka wang ka Jésus de ne hio disciple bèa. (aÉphésien 5:​25, 28, 29) A lem mela kó ndang ne ndang na ngasé mo de bone ne wène ne hio ma war ne te ndang na. Lema nde wène a loukisi kó ne ba wene ne zioa.​—⁠aColossien 3:19; 1 Pierre 3:7.

3. Lema nde ngdibafa a de tom ne ngaya mo dae ne hio nam bèa. Wène a ha yongamo, laa, ne toua a kó ne hio bém bèa. Yo ne toe be ngdibafa mo osi wén So ha nam bèa. (1 Timothée 5:⁠8) Ne wène doung bosi wi mo hako a nam bèa nde mbwa ing So ne mo ka sila wa ngoy.​—⁠Deutéronome 6:​4-9; aÉphésien 6:⁠4.

4. Mgboko lema fine mo hako a wé bèa. (Genèse 2:18) A hako a wé ne war osamo ne osa dede war a hio bém. (aProverbe 1:⁠8) Jéhovah ngoy nde mgboko a de tom a zang nam ne ngoy. (aProverbe 31:​10, 15, 26, 27; Tite 2:​4, 5) Lema nde mgboko a you ké wé bèa.​—⁠aÉphésien 5:​22, 23, 33.

5. So ana ha hio bém nde mbwa ze nou ngdibafa ne ngdinana. (aÉphésien 6:​1-3) Wène ngdé tazou ne hio ngdibafa ne ngdinana mo osi, dede war a hio bém be mbwa. Lema nde hio ngdibafa ne ngdinana a doung mgbandi ndang hine bém be mbwa. Ne mbwa yambi Bible hine mbwa, ne dea mo mengi be gbakiri mboa ne war wén So, ne takara mo. (Deutéronome 11:​18, 19; aProverbe 22:​6, 15) Lem nde ngdibafa ne ngdinana a osi mo a bém ne war ngaya, ne mela mbwa ho sanga ne fio na.​—⁠aColossien 3:⁠21.

6. Ka wowi ne mgboko ze fine mae a zang doungonou be mbwa na, lema nde mbwa ki mo ze mbola ka Bible ha. Bible ana o mo doung ne ngoy ne pardon. (aColossien 3:​12-14) Wén be So ousi a o nde gona soko bo ne ma war mo mgbongiri ne hio sekeseke wolamo na. Ma mgboko lema kafa wé a zou (1) ka wowi ngoy mo dae nam be a na, (2) ka wène a dea mo ngaya ne ko ka osa nde bine a lema gbèa, wène (3) ka wène a dea ngaya mo pénte, mgboko kpa fine war mo sombili Jéhovah na.​—⁠1 aCorinthien 7:​12, 13.

7. Lema nde zea mae a doung a soko mgboko ne wowi. Pio nanga bele ne war wanza ne sembo a li So ne wi be me ka me sio mae hine wène. (aHébreu 13:⁠4) Hio Chrétien lema kafa mae ka wén zou mo ndang sona dea wanza, ne wi ndang ndang lema sio wi ka sila wa ngoya. (Matthieu 19:​6-9; aRomain 7:​2, 3) Jéhovah kafa ne sila ndang hio wi ka kafi mae a wén zou hio tomboulou wén ka Bible te osi na, mo to nde mbwa ne si ma wi ka sila mbwa ngoya.​—⁠Malachie 2:​14-16.

[Foto ha li mbeti 16, 17]

 Dede ngdibafa dae nam bèa ne war mour te ne wén be So

[Foto ha li mbeti 17]

So ngdé tazou ne hio ngdibafa ne ngdinana nde mbwa osimo ne mbo dede war ha hio bém be mbwa