Té Wén 12

O you ké touno ne tok

E lema zoka touno meng? (1) ne gosa zang? (1)

Ma Chrétien lema osa nde wène zo ne zioa dede doungonou meng? (2)

Yo ne ngdanga mo mo gbè hio sari? (3)

Osi hio ma deamo ka osa nde è zo touno ne zioa na? (4)

Mbonga be So a zou wén tok ne wange? (5)

Mbonga ke zoka wén ha tok a te fet? (6)

1. Touno fet goute ne Jéhovah. Hio mo fet ga doung ne kpasi lema ha touno be mbwa ha So. (Psaume 36:⁠9) Ha li So touno ne zioa ­pénte. Ngasé nzori bém ka mgbona a zang nana wa ne gasa mo pénte a li Jéhovah. Gbèa bém ka mgbona kpoate ne ngdanga mo pénte a li So.​—⁠Exode 21:​22, 23; Psaume 127:⁠3.

2. Hio kpasa Chrétien lema zoka ne zioa wén dede doungonou. Mengi mbwa lema ngesara te koukoutou, ne toua be mbwa mo ing ka ngdanga mo ndang boa yo na. (Deutéronome 22:⁠8) Hio Chrétien lem ngdé touno be mbwa a li fio a wén zou dea saka na. Goto a go mbwa de be mbwa saka toumbo na, ne hio saka ngaya fet mbwa you you.​—⁠Psaume 11:⁠5; Jean 13:35.

3. Touno be hio sari fine ne gasa mo a li wan dé mo fet. Ma Chrétien lema gbèa hio sari mo yong, mo pam te wa a wén zou hio ma zele, ne hio ma a wén ngdanga mo ka lema kpa wène. (Genèse 3:21; 9:3; Exode 21:28) Ma yo bo ne dedea mo gbè sari a wén zou wo gbèa mo de ne mboa bone na, ne mo de ne saka na.​—⁠aProverbe 12:⁠10.

4. Noa kâ, yonga kâ, ne noa zama ne mo ka lem ne Chrétien na. Hio deamo meki ne ngdanga a wén zou mo tar (1) mbwa de wi ne bala, (2) mbwa a ngdangsa te wi, ne (3) mbwa dena. (aRomain 6:19; 12:1; 2 aCorinthien 7:⁠1) Ngdéa war deamo ndong lema doungo ne ngaya. Ma lema nde o ngdé yo mo to nde o éfi ali Jéhovah.

5. Tok fine ne zio mo pénte a li So. So toa nde tok ne âme, yo ngoy mo to fine nde touno. Yo ne ngdanga mo pénte mo yong tok. Yo ne ngdanga mo fine mo yong sari ka tok te sè ne dedea na. Hio fio sari ne hio sari ka féa li sak fet bo ne mo yong na. Ka è gbèa sari ne sèe mana ne ngaré lema nde è gon gela ne hasa, tok a sè ne doka ngding è yonga.​—⁠Genèse 9:​3, 4; Lévitique 17:​13, 14; Kusala 15:​28, 29.

6. Yo ne ngdanga mo mo a tok a te? Tazou o a bisi na, So ana nde o kafi tok. Engi ngoy mo to nde è aa tok be mawi a te o ndang ne ndang na ngasé ne tok te o wante, ka è pama a zang ma mo kari è lem ngdé fine a te o na. (Kusala 21:​25) Hio kpasa Chrétien lem ko nde è a tok a te mbwa na. Mbwa lema mekara hio ma yina ne te, touka hio dak li ka tok bo a zanga na. Mbwa ngoya touno kpasawen, ma mbwa lem ki mo kpasi touno be mbwa ne kafa mbonga be So na.​—⁠Matthieu 16:⁠25.

 [Foto ha li mbeti 25]

Mo éfi a li So, lema nde o kafi, ba tok, hio ngdanga deamo, ka lema nea ne o a fio ne gbele a