MƆ YAMBI 5
Ha ngimɔ pɛ Noé: Hio o ha ze nu Sɔ nde? Hio o ha tɛ ze nu wa na nde?
Ha ngimɔ pɛ Noé, hio wi nɛ dɔka dea gdangamɔ. Genèse 6:5 (La Sainte Bible en sango)
Adam nɛ Ève bhɛa hio bem, hio wi dona zu nu. Ma, ha ngimɔ ki, hio ma telenge kuo pata Satan kafi nɛ nu Sɔ.
Mbua tɛa ha zu nu, mbua kifo wi, si nɛ hio bhoko. Hio bhokoa bhɛa bem ha mbua. Hio bema nɛtɛ nɛ olo hio wi. Mbua nɛ̂ gdanga wi ka ngaya pentɛ.
Hio gdanga wi dona zu nu. Bible tɔa nde: “Gdangamɔ pɛ wi pena tɛ ha zu nu; soe fɛt, takara mɔ sila pɛ wi dung ka ha zu gdangamɔ.”
Noé zea nu Sɔ, wɛnɛ bhongara guka. Hebro 11:7
Noé nɛ̂ dede wi. Jéhovah tɔa Noé nde, ma gasa kolo be ɔli mɔ gbɛ hio gdanga wi fɛt.
Sɔ tɔa Noé nde wɛnɛ adɛ ma gasa guka ka ɛ sa yo nde arche. Wɛnɛ aku hio nam pɛa nɛ hio kandɔ sari nɛtɛ nɛtɛ a zanga.
Noé tɔa wen gasa kolo kɛ ha hio wi, mɔ ndang, mbua ze nu wa na. Hio ma mama wɛnɛ; hio ma kafa wɛnɛ nɛ sila ndang.
Ka Noé karasa dea guka kɛ, a kuo hio sari kɛ tɛnɛ ha zanga.
