1-2. Getemɔa be de nde Sɔ amɛkiri gɔa wɛnɛ ka ɔ gɔ nɛ wɛnɛ kɛ nde?

 TONGANA mo mä tënë “vorongo,” mo yeke pensé na nyen? Peut-être mo yeke pensé na mbeni ita-koli so asara terê ti lo kete, lo sara agenou na terê ti gbogbo ti lo na lo yeke sambela na bê ti lo kue. Wala peut-être mo yeke pensé na azo ti mbeni sewa so ayeke voro Nzapa na yâ ti sewa.

² Na yâ ti aye so use kue, azo ni ayeke voro Nzapa la. Eskê Jéhovah ayeke yeda na vorongo so ala yeke voro na lo so? Lo yeke yeda na ni tongana ala sara ye so bê ti lo aye, ala ndoye lo nga ala ne lo. E ye Jéhovah mingi. E hinga so lo lingbi ti tene a voro lo na e ye ti voro lo na lege so ayeke tâ nzoni mingi.

3. Getemɔ ɔ be zɔk ha zang article kɛ?

³ Na yâ ti article so, e yeke bâ mara ti vorongo so Jéhovah ayeda na ni ândö nga e yeke bâ aye miombe so Jéhovah ayeda na ni so e yeke sara ti voro na lo laso. Na ngoi so e yeke bâ aye so, e peut ti gbu li ti e ti bâ tongana nyen la e wani e peut ti voro Nzapa nzoni ahon ti kozo. E yeke bâ nga ndani so tâ vorongo Nzapa ayeke sara si e duti na ngia.

4. Mɛng ga hio wan-tom bɛ Jéhovah ka tɛa songsi nɛ hio bosi chrétien osa soeki nde mbua ngoya Jéhovah fin mbua haa ziɔ ha wɛnɛ?

⁴ Na yâ ti angoi so aga kozo na aChrétien, akoli so ayeke be-ta-zo tongana Abel, Noé, Abraham nga na Job afa lani so ala  ne Jéhovah nga ala ye lo. Ala fa ni tongana nyen? Ala fa ni na lege so ala mä yanga ti Nzapa, ala yeke na mabe na lo nga ala sara asacrifice ndali ti lo. Bible afa na e ape aye kue so ala doit lani ti sara. Me a yeke polele so ala sara lani ye kue so ala peut ti sara ti gonda Jéhovah nga lo yeda na vorongo ti ala. Na pekoni, Jéhovah amû Ndia ti Moïse na ahale ti Abraham. Na yâ ti molongo ti andia so, mo yeke wara ambilimbili ye so afa tongana nyen la Jéhovah aye ti tene a voro lo.

5. Gete changement ga ɛ dɛa ha zang kpasa gɔa sɔ ha gdong fio bɛ Jésus fin nɛ guotɛ bɛa ha kɔ fio?

⁵ Na peko ti so Jésus akui nga a zingo lo na kuâ, Jéhovah ahunda encore ape ti tene a sara ye alingbi na Ndia ti Moïse (aRom. 10:4). A-Chrétien adoit ti sara ye alingbi na mbeni fini ndia, “ndia ti Christ.” (aGal. 6:2). Ala peut ti sara ye alingbi na “ndia” so na lege so ala mû tapande ti Jésus nga na afango ye ti lo me pëpe na batango ndia ni na li nga na mungo peko ti gbâ ti andia so afa na ala aye so ala doit ti sara nga na aye so ala doit ti sara ape. Laso nga kue, aChrétien ayeke sara ye kue so ala peut ti sara ti mû peko ti Christ tongaso si ala zia ngia na bê ti Jéhovah nga ala “wara dengo bê.”—Mat. 11:29.

6. Mɛng ga ɔ lɛma zɔka dedemɔ nɛ wal article kɛ nde?

⁶ Na ngoi so e yeke bâ mbage oko oko ti vorongo so e yeke voro na Nzapa, hunda terê ti mo: ‘Nyen la afa so mbi sara mbage so nzoni?’ Mo peut nga ti hunda terê ti mo: ‘Eskê mbi peut ti sara ni nzoni ahon ti kozo?’ Mo peut ti duti na ngia na aye so mo yeke sara fadeso, me a yeke nzoni mo hunda nga Jéhovah ti aidé mo ti bâ aye so mo peut ti sara ni nzoni mingi.

7. Jéhovah zɔk hio sombalamɔ ka ɔ de nɛ sila ɔ fɛt mɛng nde?

⁷ E yeke voro Jéhovah tongana e sambela lo. Bible ahaka asambela ti e na dukane so a leke ni nzoni so a yeke zö ni lani na tabernacle nga na peko ni na yâ ti temple (Ps. 141:2). Fion ti dukane so afun pendere azia ngia na bê ti Nzapa. Legeoko nga, asambela so e sara na bê ti e kue “anzere” na lo même tongana e tene atënë so akpengba oko ape (aProv. 15:8; Deut. 33:10). E yeke na nzoni raison ti yeda so Jéhovah aye mingi ti mä atënë so e tene na lo ti fa so e ye lo nga e kiri singila na lo. Lo ye ti tene e fa na lo agingo bê ti e, aye so e ye ti tene asi nga na aye so e sara nzara ni. Kozo ti tene mo sambela Jéhovah, mû ngoi ti gbu li na ndö ti atënë so mo yeke tene na lo. Tongana mo sara tongaso, mo yeke zö mbeni “dukane” so afun pendere mingi na Babâ ti mo ti yayu.

8. Nɛ hio gete wal ga ɔ lɛma lukoso Sɔ?

⁸ E yeke voro Jéhovah tongana e gonda lo (Ps. 34:1). E yeke gonda Jéhovah na lege so e tene na azo so apendere sarango ye ti lo nga na akusala ti lo anzere na e mingi. E yeke duti na anzoni ye mingi ti tene na ndö ti Jéhovah tongana e kiri singila na lo. Tongana e gbu li na ndö ti anzoni ye kue so Jéhovah asara ndali ti e, e yeke wara araison mingi ti gonda lo. Kua ti fango tënë amû na e pendere pasa ti ‘mû na Nzapa sandaga ti gonda, so ti tene lengo ti yanga’ ti e (aHéb. 13:15). Gï tongana ti so a yeke nzoni e gbu li nzoni na ndö ti tënë so e yeke tene kozo ti sambela Jéhovah, a yeke nzoni e gbu li nzoni na ndö ti tënë so e yeke tene na azo so e yeke fa tënë na ala. E ye ti tene “sandaga ti gonda” ti e  aduti tâ nzoni ni. Ndani la e yeke sara tënë na bê ti e kue na ngoi so e yeke fa tâ tënë na azo.

9. Tuka bɛ hio wi mɔ Israel songsi, mɛng ga ɔ lɛma kpa hio dedemɔ ka ɔ zea hio dan-ɔ ha dea bungbi? Ku ma exemple mɔ osi mɛng ga hio bungbi a haa kɔ ha ɔ.

⁹ E yeke voro Jéhovah tongana e ga na abungbi. A tene lani na azo ti Israël, atene: “Fani ota na yâ ti ngu oko oko, akoli kue ti kodro ti mo ayeke si na gbele Jéhovah Nzapa ti mo na ndo so lo soro.” (Deut. 16:16). Ala doit lani ti zia da ti ala nga na ayaka ti ala sân mbeni zo ti bata ni. Me Jéhovah atene na ala, atene: “Na ngoi so mo yeke monté na gbele Jéhovah Nzapa ti mo fani ota na yâ ti ngu oko, zo ayeke mû kodro ti mo pëpe.” (Ex. 34:24). So azo ti Israël asara confiance kue na Jéhovah, ala yeke gue lani na amatanga so a sara ni ngu oko oko. So ala sara ni ala wara aye ti nzoni mingi na pekoni; ala mä yâ ti andia ti Nzapa nzoni mingi, ala gbu li ti ala na ndö ti anzoni ye nga a nzere na ala ti bungbi legeoko na amba ti ala (Deut. 16:15). E yeke wara mara ti aye ti nzoni so tongana e sara ye kue so e peut ti sara ti ga na abungbi. Gbu nga li ti bâ tongana nyen la a nzere na Jéhovah mingi tongana e leke terê ti e nzoni ti mû mbeni pendere nduru commentaire.

10. Hazu ge ga bea gima nɛ ma gasa bhalkɔ gɔamɔ bɔ?

¹⁰ E yeke voro Jéhovah tongana e he bia legeoko na aita (Ps. 28:7). Azo ti Israël abâ lani hengo bia tongana mbeni kota mbage ti vorongo Nzapa. Gbia David amû lani azo ti mara ti Lévi 288 ti he bia na temple (1 Chron. 25:1, 6-8). Laso, e peut ti fa ndoye ti e na mbage ti Nzapa tongana e he abia ti gonda lo. E bezoin pëpe ti duti anzoni zo ti hengo bia si e he bia. Gbu li na ndö ti ye so: Na ngoi so e yeke sara tënë “fani mingi e kue e yeke pika gere ti e”, me ye so akanga lege na e ape ti sara lisoro na aita nga na fango tënë (Jacq. 3:2). Legeoko nga, e peut ti he bia ti gonda Jéhovah même tongana e pensé so e he bia nzoni ape.

11. Tuka ka ɛ osa ha Psaume 48:​13, hazu ge ga yo nɛ dedea mɔ tɔ nde ɔ bhɔngiri programme mɔ sombili Sɔ ha zang fami?

¹¹ E yeke voro Jéhovah tongana e manda Bible nga e fa ye na ndö ti lo na amolenge ti e. Na lango ti Sabbat, azo ti Israël ayeke sara lani kua ape nga ala yeke mû ngoi ni so ti kpengba songo ti ala na Jéhovah (Ex. 31:16, 17). Azo so ayeke be-ta-zo ayeke fa lani ye na amolenge ti ala na ndö ti Jéhovah nga na anzoni ye so lo sara. Laso nga kue, e doit ti mû ngoi ti diko Bible nga ti manda ni. A yeke mbage ti vorongo Jéhovah la nga a yeke aidé e ti ga nduru mingi na lo (Ps. 73:28). Tongana e manda ye na sewa, a peut ti aidé amolenge ti e ti duti na kpengba songo na Babâ ti e ti yayu.—Diko Psaume 48:13.

12. Getemɔ ɔ yamba nɛ wal fason ka Jéhovah zɔka soeki nɛ tom bɛ hio wi ka bhɔngara hio bolo-tom mɔ tabernacle?

¹² E yeke voro Jéhovah tongana e leke ando so a yeke voro lo dä nga e bata ni propre. Bible atene so kua ti lekengo tabernacle nga na akungba ni ayeke lani ‘kua so ayeke nzoni-kue’. (Ex. 36:1, 4). Laso, Jéhovah abâ nga kua ti lekengo aDa ti Royaume nga na ada so a yeke sara akua ti Jéhovah dä tongana kua so ayeke nzoni-kue. Ambeni ita amû ngoi mingi ti sara akua so. E bâ na nene ni mingi kota kua so ala yeke sara ndali ti Royaume. Ala yeke mû nga mbage na kua ti fango tënë. Peut-être ambeni na popo ti ala aye même ti ga apionnier. A-ancien apeut ti fa so ala mû maboko na kua ti construction  na lege so ala mû lege na aita so ayeke sara kua ngangu so ti ga apionnier tongana ala lingbi na ni. Atâa e yeke na kode ti sara kua na construction wala pëpe, e kue e peut ti bata ada ti bungbi ti e si angbâ propre nga angbâ nzoni.

13. Yo nɛ dedea nde ɔ zɔk hio offrande ka ɔ kuɔ mɔ haa nɛ kɔ ha tom mɔ Royaume mɛng nde?

¹³ E yeke voro Jéhovah tongana e mû a-offrande ti mû maboko na kua ti Royaume. Azo ti Israël adoit lani pëpe ti si na gbele Jéhovah maboko senge (Deut. 16:16). Ala doit lani ti mû amatabisi alingbi na dutingo ti ala. Tongana ala sara tongaso, ala fa so ala kiri singila ndali ti aye kue so Jéhovah asara ndali ti ala. Tongana nyen la e peut ti fa so e ye Jéhovah nga e kiri singila na lo ndali ti aye kue so lo yeke sara ndali ti e? Mbeni lege ni ayeke ti mû offrande ti mû maboko na congrégation ti e nga na kua ti fango tënë na yâ ti dunia kue tongana lege ni ayeke dä. Bazengele Paul afa ni na lege so lo tene: “Tongana bê ti zo aye biani ti mû ye, a yeke yamba ye ni alingbi na ye so lo yeke na ni, me a yeke yamba ni pëpe alingbi na ye so lo yeke na ni pëpe.” (2 aCor. 8:4, 12). Jéhovah ayeke na ngia mingi na ye kue so e mû atâa akono ape.—Marc 12:42-44; 2 aCor. 9:7.

14. Mɔ nɛ ndang nɛ aProverbe 19:​17, ka ɔ haa kɔ ha hio gdia ka mbua nɛ bezoin Jéhovah zɔk yo mɛng nde?

¹⁴ E yeke voro Jéhovah tongana e mû maboko na aita so ayeke na yâ ti bezoin. Jéhovah amû zendo ti futa azo ti Israël so asara nzoni bê na awayere (Deut. 15:7, 10). Biani, ngoi oko oko kue so e mû maboko na mbeni ita so ayeke na yâ ti bezoin, Jéhovah abâ ni tongana mbeni cadeau la e mû na Lo. (Diko aProverbe 19:17.) Na tapande, na ngoi so aChrétien so ayeke na Philippes atokua mbeni cadeau na Paul so ayeke na kanga, lo iri ni “sandaga so a yeda na ni nga so anzere na lê ti Nzapa.” (aPhil. 4:18). Gbu li na ndö ti azo so ayeke na yâ ti congrégation ti mo na hunda terê ti mo: ‘Eskê mbeni zo ayeke dä so mbi peut ti aidé lo?’ Jéhovah ayeke na ngia tongana lo bâ so e mû ngoi ti e, ngangu ti e, akode ti e nga na aye ti e ti mû maboko na azo so ayeke na yâ ti bezoin. Lo bâ ni tongana mbage ti vorongo ti e.—Jacq. 1:27.

15. Mɔ gɔ Jéhovah yo ana ngimɔ fin nɛ éffort, ma hazu ge ga yo bɔ nɛ ma zio toy na nde?

¹⁵ Ti voro Jéhovah ahunda ngoi nga na effort. Me, a yeke mbeni nengo kungba ape (1 Jean 5:3). Ngbanga ti nyen? Ngbanga ti so e yeke voro Jéhovah ndali ti so e ye lo. Imaginé so mbeni molenge aye ti mû mbeni ye na babâ ti lo. Lo gue lo fâ yaka ti wara pata ti vo na ye ni. Tongana lo vo ye ni, lo yeke regretté pëpe ngoi nga na effort so lo sara ti fâ yaka ni. Lo ye babâ ti lo na a nzere na lo ti mû na lo cadeau ni so. Legeoko nga, so e ye Jéhovah e yeke na ngia ti mû ngoi ti e nga na ngangu ti e ti voro lo.

16. Mɔ nɛ ndang nɛ aHébreu 6:10, Jéhovah takiri nɛ ge hazu éffort ka wi ndang ndang ha dea mɔ gde tɔrtɛ ha sila wa nde?

¹⁶ Ababâ na amama so asara ye na ndoye ayeke ku pëpe ti tene amolenge ti ala oko oko kue amû na ala amême cadeau. Ala hinga so amolenge ayeke nde nde nga ala peut ti sara ye kue oko ape. Legeoko nga, Babâ ti e ti yayu ahinga dutingo ti e oko oko kue. Peut-être mo peut ti sara ye mingi ahon azo mingi so mo hinga ala nga mo ye ala. Wala peut-être mo peut ti sara aye mingi tongana ti so amba ti mo ayeke sara ape ndali ti so  ngu ti mo ague na li ni, mo yeke na kpale ti seni wala ndali ti akua ti sewa so mo yeke na ni. Découragé ape (aGal. 6:4). Jéhovah ayeke girisa kua so mo sara ape. Tongana nzoni bibe apusu mo ti sara ye kue so mo peut ti sara, mo yeke zia ngia na bê ti lo. (Diko aHébreu 6:10.) Jéhovah ahinga même aye so mo ye ti sara. Lo ye ti tene mo voro lo na ngia.

17. a) Ka yo nɛ ngaya nɛ ɔ mɔ de hio mamɔ ka ɔa dea mɔ gɔ nɛ Jéhovah, getemɔ ɔ peut mɔ de? b) Mɛng ga mamɔ ka e osa ha zang encadré ti sara aye so asara si mo duti na ngia a-aidé mo?

¹⁷ Nyen la e peut ti sara tongana a yeke ngangu na e ti sara ambeni ye so e londo ti sara tënë na ndö ni, na tapande mandango Bible wala fango tënë? Peut-être e yeke bâ so tongana e yeke sara aye ni so mingi ayeke nzere na e nga e yeke bâ nzoni dä. E peut ti haka vorongo ti e na ambeni ye so e yeke sara, na tapande sarango mbeni sport wala pikango mbeni ye ti mozoko. Tongana e yeke sara ni lakue lakue ape, e peut ti sara ni nzoni ape. Me nyen la ayeke passé tongana e mû desizion ti sara ni lâ na lâ? Na tongo nda ni e peut ti sara ni gï teti kete ngoi me yeke yeke e peut ti mû ngoi mingi ti sara ni. Tongana e bâ anzoni ye ti peko ti a-effort ti e, peut-être e yeke ye mingi angoi so e yeke sara na ni nga ayeke nzere na e mingi. Vorongo so e yeke voro na Nzapa ayeke nga tongaso.

18. Getemɔa dung nɛ gasa pentɛ ka ɔ lɛma dea yo? Mɔ gdonga nɛ ge nde?

¹⁸ Ti sara ye kue so e peut ti sara ti voro Jéhovah ayeke ye so ayeke kota mingi so e peut ti sara. Ye ti peko ni ayeke so e yeke duti na ngia nga e yeke duti na beku ti voro Jéhovah teti lakue lakue (aProv. 10:22). E yeke na siriri ti bê ndali ti so e hinga so Jéhovah ayeke aidé e na ngoi so e wara akpale (És. 41:9, 10). E yeke biani na anzoni raison ti voro Babâ ti e ti ndoye, so alingbi ti ‘ti wara gloire na nengo’ so alondo na aye so lo créé.—Apoc. 4:11.