PARTI 3
Kouman lavi-a té fika o koumansman ?
Jéova té bay Adan é Èv roun lo bon kichoz (Genèse 1:28).
Jéova fè prémyé fanm-an, Èv, é i maryé l’ ké Adan (Genèse 2:21, 22).
Jéova té bay yé roun entélijans ké roun kò ki té parfè, kivédi san défo.
Adan é Èv té ka viv annan jarden Édèn-an. A té roun trè bèl ti koté ki té gen roun larivyè, zannimo ké pyébwa ka bay frwi.
Jéova té ka palé ké Adan é Èv; i té ka anprann yé kouman pou yé té viv. Si yé té kouté, yé té ké viv asou latè-a pou tout-tan.
Bondjé té défann manjé annan frwi roun di sé pyébwa-ya (Genèse 2:16, 17).
Jéova di Adan é Èv pa manjé annan frwi roun sèrten pyébwa. Si yé té ka manjé l’, yé té ké mouri.
Roun di sé zanj-ya, révòlté kont Bondjé. Sa mové zanj-a, yé ka aplè l’ Satan Djab-a.
Satan pa té lé Adan é Èv té obéyi Jéova. I sèrvi di roun sèrpan pou di Èv ki si i té ka manjé annan frwi sa pyébwa-a, i pa té ké mouri, i té ké divini kou Bondjé. Asiré pa pétèt, a té roun manti (Genèse 3:1-5).
Gadé osi...
ANSÈYMAN ASOU LABIB-A KI ENPÒRTAN
Poukisa Bondjé kréyé Latè-a ?
Nou planèt bèl toubonnman. I ni tro lwen ni tro pròch ké Soléy-a, i panché byen kou i fo é i ka tounen asou so òrbit ké vitès i fo. Poukisa Bondjé fè tousa éfòr pou fè Latè-a ?
