Ieremia 3:1-25
3 A titiraki aomata ni kangai: “Ngkana e kanakoa buuna te mwaane temanna ao e a kitanna neiei ao n riki bwa buun temanna, e riai teuaei ni manga okira neiei?”
Tiaki te koaua bwa e a tia ni kabarekaaki te aba anne?+
“Ko a tia ni kakabooaki ibukin te wene ni bure ma raom aika bati,+Ao te koaua bwa ko riai ngkai n okirai?” bon ana taeka Iehova.
2 “Euti matam nakon tabuki aika akea aroka iai ao noria.
E nga te tabo ae ko tuai n tauaki iai?
Ko tekateka i rarikini kawai n taningaiia,N aron te tia tiotionako* n te rereua.
Ko teimatoa ni kabarekaa te abaN am mwakuri ni kakabooaki ao ni buakakam.+
3 Mangaia ae e a tauaki bwakan te karau,+Ao akea te karau n tain te abue.
Taraakim bon taraan* te buu te aine ae aki bwerengaki ae kakabooaki,Ko aki kani maamaa.+
4 Ma ko a wewete ngkai nakoiu ni kangai,‘Tamau, bon raoraou ngkoe ngke I roro n rikirake!+
5 E riai te aomata n un n aki toki,Ke ni kaikoa unna n taai nako?’
Anne te bwai ae ko taekinna,Ma ko teimatoa ni karaoi baika bubuaka ni kabane aika ko kona ni karaoi.”+
6 N ana bong te Uea are Iotia,+ ao e taku Iehova nakoiu: “‘Ko a tia n nora te baere e karaoia Iteraera are aki kakaonimaki? E waerake neiei nako aoni maunga nako aika rietata, ao nako aani kaai nako aika manguroro, bwa e na kakabooaki iai ibukin te wene ni bure.+
7 Imwin naba ae e karaoi baikai ni kabane, ao I teimatoa n tuangnga bwa e na okirai,+ ma e aki oki. Ao e teimatoa Iuta ni matakuakina aron tarina aei ni mwamwanaa te aba.+
8 Ngke I nora anne, ao I a kanakoa Iteraera are aki kakaonimaki ma te beeba ni buuraure+ ibukin ana wene ni kimoa.+ Ma e aki maaku tarin neiei are Iuta are mwamwanaa te aba, e otinako naba ao e kakabooaki ibukin te wene ni bure.+
9 E iangoa arona ni kakabooaki bwa te bwai ae bebete, ao e teimatoa ni kabarekaa te aba ao ni wewene ni kimoa ma atibu ao aroka.+
10 N aki ongei baikai ni kabane, ao tarina are mwamwanaa te aba are Iuta e bakaaea te okirai ma tiaki ma nanona ni kabane,’ bon ana taeka Iehova.”
11 E taku ngkanne Iehova nakoiu: “E a kaotia i bon irouna Iteraera are aki kakaonimaki bwa e raoiroi riki nakon Iuta are mwamwanaa te aba.+
12 Naako ao tataekin taeka aikai nakoni meang:+
“‘“Ko na oki ngkoe ae Iteraera ae ko karitei,” bon ana taeka Iehova.’+ ‘“N na aki baraaki n taraiko ma te un,*+ bwa I kakaonimaki ni koaua,” bon ana taeka Iehova.’ ‘“N na aki teimatoa n un n aki toki.
13 Ma tii kaotia bwa ko ataia ae ko bure, bwa ko karitei nakon Iehova ae Atuam. Ko teimatoa n tibwatibwaanako am akoi* nakoia ianena,* i aan nako kaai aika manguroro, ma ko aki ongo ni bwanaau,” bon ana taeka Iehova.’”
14 “Kam na oki ngkami naati mwaane aika kam karitei,” bon ana taeka Iehova. “Bwa I a riki bwa ami toka ni koaua,* ao N na kairingkami temanna man te kaawa teuana, ao uoman man te utu teuana, ao N na kairingkami nako Tion.+
15 Ao N na anganingkami taani kawakintiibu aika boraoi ma nanou,+ ao ane a na kaamwarakeingkami n te atatai ao n te ataibwai.
16 Ane kam na mwaiti ao kam na kakariki n te aba ni boong akanne,” bon ana taeka Iehova.+ “A na aki manga kangai, ‘Ana ati ni berita Iehova!’ E na aki manga rin n te nano, ao a na aki naba uringnga ke ni bora ni kan noria, ao e na aki manga karaoaki.
17 Ane a na arana Ierutarem n te tai anne bwa kaintokanuean Iehova,+ ao a na bane natannaomata ni kairaki n ikotaki i Ierutarem bwa a na karaoiroa iai aran Iehova,+ ao a na aki manga imanono n iririi oin nanoia aika buakaka.”
18 “Ni boong akanne ao a na uaia n nakonako tibun Iuta i rarikia tibun Iteraera,+ ao a na uaia n roko man te aba are i meang nakon te aba are I angania ami bakatibu bwa tibwangaia.+
19 Ao I iango ni kangai, ‘Ai kukureira ngai ngke I kaakingkami i buakoia naati mwaane, ao n anganingkami te aba ae tatangiraki, ae te tibwanga ae te kabanea n tamaroa i buakoia natannaomata!’*+ I iangoia naba bwa kam na weteai ni kangai, ‘Tamau!’ ao kam na aki rairakinako man irirakiu.
20 ‘Ni koauana n aron te buu te aine ae aki kakaonimaki ao e kitana buuna,* ao ai aromi naba ngkami aika tibun Iteraera, bwa kam mwamwanaai,’+ bon ana taeka Iehova.”
21 E ongo te aba te karongoa i aon tabuki aika akea aroka iai,Ae aia tanginiwenei ma aia bubutii tibun Iteraera.
Bwa a kabwaouai kawaia,A mwaninga taekan Iehova ae Atuaia.+
22 “Kam na oki, ngkami naati mwaane aika kam karitei.
N na kamarurungingkami man aromi ni karitei.”+
“Aikai ngaira! Ti a roko iroum,Bwa boni ngkoe Atuara Iehova.+
23 Ni koauana, boni baika kewe taian tabuki ao te kiriwe are i aon taiani maunga.+
Ni koauana, e mena iroun Iehova ae Atuara kamaiuaia tibun Iteraera.+
24 Mangke ti roro n rikirake ao e a tia te bwai are kanuka* n anai bwaai nako ake a rangi ni mwakuri korakora iai ara bakatibu.+
E kang aia nanai n tiibu ma aia kao,Ao natiia mwaane ma natiia aine.
25 Ti bia wene i buakoni kamaamaeara,Ao ke e rabunira bwaibwainrangira,Bwa ti a tia ni bure nakon Iehova ae Atuara,+Ngaira ma tamara mangke rooro n rikirake ngaira ni karokoa te bong aei,+Ao ti aki ongo ni bwanaan Iehova ae Atuara.”
Taiani Kabwarabwara Mai Nano
^ Ebera, “te I-Arabia.”
^ Ebera, “ramwan.”
^ Ebera, “kabwakaa ubuu.”
^ Ebera, “arom.”
^ Ke, “atua aika ianena.”
^ Ke tao, “te mwaane ae buumi.”
^ Ebera, “aia taanga ni buaka natannaomata.”
^ Ebera, “raona.”
^ Ke, “te atua ae kanuka.”
