Ieremia 45:1-5
-
Ana taeka Iehova nakoni Baruka (1-5)
45 Aio te taeka are e taekinna Ieremia are te burabeti nakoni Baruka+ are natin Neria, ngke e korei teuaei n te boki taeka aikai aika taekinaki iroun Ieremia+ n ana kaaua n ririki n tautaeka Ieoiakim+ are natin Iotia are uean Iuta:
2 “E kangai ana taeka Iehova ae Atuan Iteraera ni kaineti ma ngkoe ae Baruka,
3 ‘Ko taku: “Ai kananoangara ngai, bwa e a raona marakiu Iehova n te nanokawaki! I a nimamate ibukini ngirangirau, ao e aki reke irou te tabo ni motirawa.”’
4 “Ko riai ni kangai nakoina, ‘E kangai ana taeka Iehova: “Noria! I a urua te bwai ae I a tia ni kateia, ao I a taewakaa te bwai ae I a tia n unikia, ae taekan te aba ni kabutaa.+
5 Ma ko ukoukori* baika kakannato ibukim. Katoka ukoukorani baikanne.”’
“‘Bwa ae N nang karokoa te kabuanibwai i aoia iriko* ni kabane,’+ bon ana taeka Iehova, ‘ao n taabo ake ko nako iai ao N na karekea maium* bwa konam.”’*+
Taiani Kabwarabwara Mai Nano
^ Ke, “kantaningai.”
^ Ke, “aomata.”
^ Ebera, ne’phesh, nora Nanon Taeka.
^ Ke, “N na kariaia bwa ko na rabanako ma maium.”
