Iobi 17:1-16
17 “E a uruaki korakorau, ao a a kamaunaaki au bong,Ao e a mena imwaiu te ruanimate.+
2 A otabwaniniai taani kakaniko,+Ao matau e karekea taraan aroaroia ae te karitei.
3 Taiaoka berita nakoiu bwa ko na boutokaai.
Antai riki ae e na iobai ma ngai ao n tuea n tei ibukiu?+
4 Bwa ko karabaa te ataibwai mai nanoia.+
Anne bukina ae ko aki karietataia iai.
5 Ane e na anganano bwa e na tibwaa ana bwai nakoia raoraona,N te tai are a a kainnano iai mataia natina.
6 E a tia ni karikai bwa te bwai ni kakanikoaki* i buakoia botannaomata,+N te aro are I a riki bwa temanna ae a bawarea ubuna.+
7 A a rikirake ni maabubu matau mani korakoran nanokawakiu,+Ao kaanga ai aron te nuu bwain nako rabwatau.
8 A karekea taraan te baei ma te mimi aomata aika raoiroi,E aki karauaki te aomata ae aki bure iroun te aomata ae aki maaka te Atua.*
9 E teimatoa te aomata ae raoiroi n taua raoi kawaina,+Ao e rikirake ni korakora te aomata ae a itiaki baina.+
10 Ma kam kona ni bane n roko ni manga reita ami kauntaeka,Bwa I tuai ni kunea te aomata ae wanawana i buakomi.+
11 A a bane au bong,+A a uruanaki au babaire, ake baike e tangiri nanou.+
12 A teimatoa ni kaibitaraea te bong bwa te ngaina,Ni kangai, ‘E a kaan te oota bwa e a roo.’
13 Ngkana I tataninga, ao e na riki te Ruanimate* bwa mwengau,+Ao N na arora nneu ni wene n te rotongitong.+
14 N na takarua ni kangai nakon te mwarua,*+ ‘Bon tamau ngkoe!’
Ao nakoia iino, ‘Tinau ao mwaaneu!’
15 E nga ngkanne au kantaninga?+
Antai ae kona n nora te kantaninga ibukiu?
16 E* na ruo rikaaki nakoni mataroan oon te Ruanimate* aika kainaki,Ngkana ti a bane n ruo nakon te tano.”+
Taiani Kabwarabwara Mai Nano
^ Ebera, “te taeka n rabakau; te bwai n tataekinaki.”
^ Ke, “te tia tannako man te koaua.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke, “te ruanimate.”
^ Ae taekan au kantaninga.
^ Ke, “Tiore,” ae taekan ruanimaten te botannaomata. Nora Nanon Taeka.
