Iobi 18:1-21
18 E kaeka ni kangai Biretata+ are tibun Tuua:
2 “Ai tii maanra riki ao e a toki ami taetaenikawai ae aron anne?
Kaota te ataibwai teutana, bwa ti aonga ngkanne ni kona n taetae.
3 E aera ngkai ti riai n taraaki bwa kaanga maan,+Ao n iangoaki bwa ti baba* i matami?
4 E ngae naba ngkana ko raebitiko i bon iroum ibukin unim.
E na kitanaki te aonnaba ibukim,Ke e na mwaing te bwaa mani nnena?
5 Eng, e na kamateaki ana oota te aomata ae buakaka,Ao e na aki ootanako uran ana ai.+
6 E na bon rikirake n roo ootan ana umwanrianna,Ao e na kamateaki te taura are i etan teuaei.
7 E kakimototoaki korakoran rangatani waena.
Ao e na bwaka n oin ana reirei ni kairiri.+
8 Bwa a na kairia waena nakon te karaun,Ao e na tiotionako nako aoni warawarana.
9 E na tauaki bukini waena n te bwai ni kamwane,Ao e na mwane n te kai ni kabwaru.+
10 E karabaaki te roobu imwaina i aontano,Ao e wene te bwai ni kamwane ni kawaina.
11 E maakunrang ni bwaai ni kakamaaku aika otabwaninia,+Ao a kaea ao e a kaan reke.
12 E a kerikaaki korakorana,Ao e na turatura n te kabuanibwai.+
13 E a kanakinako kunna,Ao e a kana bwain rabwatana te aoraki* ae moan te kamamate.
14 E kanakoaki man ana umwanrianna ae e mano iai,+Ao e kairaki nakon aia uea baika kakamaaku.*
15 A na maeka ianena* n ana umwanrianna,Ao e na kamraraaki te burimton* i aoni mwengana.+
16 A na mwautakataka wakaan teuaei i aana,Ao a na rai mwaangana i etana.
17 E na maunanako uringana man te aonnaba,Ao e na aki ataaki arana* n te kawai.
18 E na kanakoaki man te oota nakon te rotongitong,Ao e na kakioakinako man te aba ae maiureirei.
19 E na akea natina ao kanoana i buakoia ana koraki,Ao e na akea ae e na maiu imwina n te tabo are e maeka iai.*
20 Ngkana e a roko ana bong, ao a na kubanrou aomata ake i Maeao,Ao a na taonaki n te maakunrang aomata ake i Mainiku.
21 Anne te bwai ae riki nakon ana umwanrianna te tia kakaraoa ae bure,Ao nakon ana tabo ane e aki ataa te Atua.”
Taiani Kabwarabwara Mai Nano
^ Ke tao, “kamwara.”
^ Ebera, “ana karimoa te mate.”
^ Ke, “te mate taerere.”
^ Ebera, “te bwai ae tiaki ana bwai.”
^ Nora Nanon Taeka.
^ Ebera, “e na akea arana.”
^ Ke, “ana tabo ni maeka ae e aki teimaan iai.”
