Iobi 21:1-34
21 E kaeka Iobi ni kangai:
2 “Ongora raoi n te bwai ae I taekinna,Ao ke e riki aei bwa te kabebeteaki ae kam anganai.
3 Taotaona nanomi irou ngkana I taetae,Ao ngkana I tia n taetae, kam a kona ngkanne ni kakanikoai.+
4 I ngurengure nakon te aomata?
Ngkana ngaia anne ao tiaki bwa N na aki kona n taotaona nanou?
5 Taraai ao kareke matami ma te miroaroa,Ao katokaa baimi i aoni wimi.
6 Ngkana I iangoia ao I aki rau iai,Ao e ruru rabwatau ni kabane.
7 E aera ngkai a teimatoa maiuia aomata aika buakaka,+A rikirake ni kara, ao a kaubwai?*+
8 A memena natiia i mataia n taai nako,Ao a noriia naba kanoaia.
9 A mano raoi aia auti, ao akea te maaku iai,+Ao e aki katuuaaeia te Atua n ana oko.
10 A kariki aia kao mwaane n akea te kangaanga,Ao a bung aia kao aine ao a aki bwaka natiia.
11 A biribiri i tinaniku aia ataei aika mwaane n ai aron te nanai,Ao a kikibakiba natiia.
12 A anene ma te tamboriin* ao te abi,Ao a kimwareirei n tangitangin te kaibwabwaa.+
13 A kabanei aia bong ni maiu ma te raunnano,Ao a ruo rikaaki ma te rau* nakon te Ruanimate.*
14 Ma a taku nakon te Atua ae koaua, ‘Katikuira ma arora!
Ti aki kan atai arom nako.+
15 Antai Teuare Moan te Mwaaka ngkai ti riai ni beku ibukina?+
Ao tera ae ti na karekea ngkana ti reitaki ma ngaia?’+
16 Ma I ataia bwa a aki taua aron toronibwaia.+
E raroa mairou aia iango* aomata aika buakaka.+
17 Mwaitira te tai ae a kamateaki iai aia taura aomata aika buakaka?+
Ao mwaitira te tai ae a rotaki iai n te kabuanibwai?
Ao mwaitira ana tai te Atua ni karokoa te kamaunaaki i aoia n unna?
18 A a tia n riki n aron te uteute ae mwau ae mena n unin te ang,Ao n aroni kunin te uita ae ubaranako n te angibuaka?
19 E na kaikoa te Atua tuuaan te aomata, imwaia natina.
Ke e kabwakaa nakoina te Atua bwa e aonga n ataia.+
20 Ke a nora kabwakaana oini matana,Ao ke e boni moi ngaia n unin Teuare Moan te Mwaaka.+
21 E na tabe ma te bwai ae riki nakoia natina ake imwina,Ngkana e a kakimototoaki* mwaitin ana namwakaina?+
22 E kona temanna n reireina te Atua te atatai,+Ngkai boni Ngaia teuare motiki naba taekaia aomata aika taiani kabanea n rietata?+
23 E mate te aomata temanna i buakoni korakorana ae bati,+Ngke e mweraoi ao e rau,+
24 Ngke a bubura boton rangana,Ao a matoatoa* riina.
25 Ma e mate are temanna ao e korakora rawawatana,Ao e tuai mani katoongi baika raraoi.
26 A na kaai ni wene n te tano,+Ao a na uaia n onrake n taian ino.+
27 Noria! I ataa raoi te bwai ae kam iangoia,Ao ami babaire ake kam karioi ibukin tiribureau.*+
28 Bwa kam taku, ‘E nga ana auti te aomata ae kakannato,Ao e nga te umwanrianna are e maeka ngkoa iai te aomata ae buakaka?’+
29 Kam tuai n titirakinia taani mwamwananga?
Kam aki kamatebwaia raoi mwin aia kukune,*
30 Ae e kamanoaki te aomata ae buakaka ni bongin te kabuanibwai,Ao e kamaiuaki ni bongin te un ae korakora?
31 Antai ae e na boaia ibukin arona,Ao antai ae e na kabwakaa nakoina mwin te baere e a tia ni karaoia?
32 Ngkana e uotaki nakon te ruanimate,Ao e na tantaniaki ruanimatena.
33 E na karewe irouna te tano ae nibuabua man te mwarua,+Ao a na bane n rimwina botannaomata ni kabane,*+N aroni mwaitiia ake imwaina, aika aki kona ni warekaki.
34 Mangaia ae e aera ngkai kam anganai te kabebetenano ae akea manenana?+
Bon akea riki, ma tii te mwamwanaa te aba n ami kaeka!”
Taiani Kabwarabwara Mai Nano
^ Ke, “korakora.”
^ Nora Nanon Taeka.
^ Ke, “n tii teuana te teekan,” ae taekan te mate ae baitii ao e aki kammaraki.
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke, “taeka n reirei; babaire.”
^ Ke, “korouaaki nakon uoua.”
^ Ebera, “a kanamwaimwai kanoan riina.”
^ Ke tao “karaoan ae iowawa nakoiu.”
^ Ebera, “kanikina.”
^ Ebera, “Ao e na katikitikia botannaomata ni kabane bwa a na rimwina.”
