Iobi 28:1-28
28 “Bon iai nnen te tirewa ni kenaki
Ao nnen te koora ae e na kaitiakaki,+
2 E anaaki te biti mai aantanoAo e kanakoaki* te buraati man taiani bwaa.+
3 E kataenikaia te rotongitong te aomata,E kabanea ana konaa n ukeaaba n te airoo ao n te rotongitong
Ni kakaaei atibu aika kakawaki.*
4 E kena te bwangabwanga ae nano n te tabo ae raroa ma aia maeka aomata,N taabo aika mwanuokinaki, ae raroa ma te tabo ae a totoua aomata,Ao a ruo rikaaki n te roobu tabeman mwaane ao a tinetine.
5 E rikirake te amwarake mai etan te tano,Ma e tei mangaon naano, kaanga ai mwin te ai.*
6 E mena te tabeiro* n taian atibu,Ao e mena te koora ni bubun te tano.
7 Akea te mannikiba ae kaakang ae ataa te kawai nako iai,Ao e aki naba noria matan te kaite ae roroo.*
8 Akea maan aika tiritiri aika a a tia n toutoua aona,Ao e tuai ni kakaaea iai konana te raian ae korakora.
9 E orea te bwaa ae matoatoa te aomata ni baina,E rairi maunga mai aaia.
10 E ekea kawain te ran+ n te bwaa,Ao matana, a nori bwaai nako aika rangi ni kakawaki.
11 E bonotii taabo ake a raanga mai iai taiani karaanga,Ao e uota te bwai ae karabaaki, nakon te oota.
12 Ma e na kuneaki ia te wanawana,+Ao e nga nibwan te ataibwai?+
13 Akea te aomata ae ataa kakawakina,+Ao e aki kona ni kuneaki i abaia akana maiu.
14 E taku te ran ae makuakua, ‘E aki mena i nanou!’
Ao e taku naba marawa, ‘Akea irou!’+
15 E aki kona ni kabooaki n te koora ni koaua,Ao e aki naba kona n tau mwaitin te tirewa ni kaaibibitaki ma ngaia.+
16 E aki kona ni kabooaki ni kooran Obira,+Ke n te oniki* naba ae moan te raoiroi ao te tabeiro.
17 E aki kona te koora ao te kiraati ni kabotauaki ma ngaia,Ao e aki naba kona ni kaaibibitaki ma te mwangko ae karaoaki man te koora ae raoiroi.*+
18 E aki manena taekinan te ane ao te kirutitaro,*+Bwa e manena riki te baeki ae on n te wanawana, nakon teaina te baeki ae on ni moomin te bwaeao.
19 E aki kona te tobati*+ mai Kuti* ni kabotauaki ma ngaia,Ao e aki naba kona ni kabooaki n te koora ni koaua.
20 Ma e roko mai ia te wanawana,Ao e nga nibwan te ataibwai?+
21 E karabaaki mai mataia aomata ma maan aika maiu ni kabane,+Ao e rabunaki mairouia mannikiba ake i annang.
22 E taku te kamaunaaki ao te mate,‘A a tia taningara n ongo tii taekana.’
23 E ataa te kawai te Atua ae e na reke iai,Bon tii ngaia ae e ataa te tabo ae mena iai,+
24 Bwa e taratarai tabon aonnaba,Ao e nori bwaai ni kabane aika i aani karawa.+
25 Ngke e taua korakoran* te ang,+Ma ni bairea mwaitin te ran,+
26 Ngke e katea tuan te karau+Ma kawain te nang ni karau ao te baa,+
27 E a nora iai ngkanne te wanawana ma ni kabwarabwaraa,E kateia ao e tuoa.
28 Ao e taku nakon te aomata:
‘Noria! Maakakin Iehova, bon te wanawana,+Ao te tannako man te bwai ae buakaka, bon te ataibwai.’”+
Taiani Kabwarabwara Mai Nano
^ Ebera, “kabwaroaki.”
^ Ebera, “atibu.”
^ E taraa ni kaineti ma mwin taiani keniken ibukin atibu aika kakawaki.
^ Nora Nanon Taeka, “Atibu aika rangi ni kakawaki.”
^ Nora Nanon Taeka, “Maan.”
^ Nora Nanon Taeka, “Atibu aika rangi ni kakawaki.”
^ Ke, “ae e a tia ni kaitiakaki.”
^ Nora Nanon Taeka, “Atibu aika rangi ni kakawaki.”
^ Nora Nanon Taeka, “Atibu aika rangi ni kakawaki.”
^ Ke, “Itiobia.”
^ Ebera, “rawawatan.”
