Iobi 3:1-26
3 Imwin aei ao e a taetae Iobi ni karereantia te bong are e bungiaki iai.*+
2 E taku Iobi:
3 “Ke e mauna te bong are I bungiaki iai,+Ao te tairiki are e kangai iai temanna: ‘E a bikoukouaki te mwaane!’
4 Ke e rotongitong te bong anne.
Ke e tai mutiakinna te Atua mai eta,Ke e tai oota te oota i aona.
5 Ke e taonakinako n te rotongitong ae korakora.*
Ke e tiku i aona te nangi ni karau.
Ke e kakamaakua te bwai ae karooa te ngaina.
6 Ke e taonaanako te tairiki anne te rotongitong,+Ke e tai kimwareirei i buakoni bongin nako te ririki,Ao ke e tai warekaki i buakon taian namwakaina.
7 Ke e kanoabo te tairiki anne,Ke e tai ongoraeaki iai te tang ni kimwareirei.
8 Ke a karereantia taani karereantia te bong,Akana a kona ni kauta te Ribaietan.*+
9 Ke a rikirake n roo itoina ake n te aioota,Ke e tataningaa ootan te ngaina ma e na matebuaka,Ao ke e tai nora moan ootan tabwenani mainiku.
10 Bwa e aki kaini mataroani biroton tinau,+Ao e aki naba karabaa te kangaanga mai matau.
11 E aera ngke I a aki naba mate ngke I bungiaki?
E aera ngke I a aki naba mate ngke I otinako man te biroto?+
12 E aera ngke iai toaniwae aika tobwaai,Ao mamma aika kammammaai?
13 Bwa ngke ngkai ao I a wene n rau,+I a matu ao ni motirawa+
14 I rarikia uean aonnaba ma aia taan rabakau,Ake a katei aia tabo ngkoa aika a a wene n urubekebeke ngkai,*
15 Ke i rarikia natinuea mwaane aika iai aia koora,Ake a onrake aia auti n te tirewa.
16 Ke e aera ngke I aki riki n aron te teei ae tuai ni bungiaki ao e kabwakaaki,Ke n aroia ataei aika aki roko n te nora te oota?
17 Bwa e toki naba iai kiriweia akana buakaka,A motirawa iai aika a kua.+
18 A bane n rau iai aomata aika taiani bure,Ao a aki ongo bwanaan te tia tautoronia ni kammwakuriia.
19 Tii te arona iai aika a mangori ma aika a kakannato,+Ao e kainaomataaki te toro mairoun ana toka.
20 E aera ngke e anga te oota nakon te aomata ae rawawata,Ao te maiu nakoia ake a korakora rawawataia?+
21 E aera ngkai a kariaa mateia ma a aki mate?+
A ukoukoria riki nakoni kaubwai aika karabaaki,
22 Te koraki ake e korakora kimwareireia,Ake a kukurei ngkana a kunea te ruanimate.
23 E aera ngke e anga te oota nakon te aomata ae bua kawaina,Ae e ooaki ni katobibiaki iroun te Atua?+
24 Bwa e oneaki mwini kanau n ikenrawau,+Ao e taonako ngirangirau+ n ai aron te ran.
25 Bwa e a roko irou te baere I maakunrang iai,Ao e a bwakarai te baere I maakua.
26 I tuai man rau ke n aoaorai, ke ni motirawa,Ma e teimatoa n roko te kangaanga.”
Taiani Kabwarabwara Mai Nano
^ Ebera, “karereantia ana bong.”
^ Ke, “te rotongitong ao nuun te mate.”
^ E iangoaki aei bwa e kaineti nakon te korokorotaire ke manin te ran temanna ae totoa ao ni korakora.
^ Ke tao, “ake a katei taabo aika uruaki i bon ibukia.”
