Itaia 17:1-14
17 E kangai te taeka n ekaanako Tamateko:+
“Noria! E na aki manga riki Tamateko bwa te kaawa,Ao e nang riki bwa te kaawa ae urubekebeke.+
2 A nang kitanaki kaawan Aroera,+A na riki bwa aia tabo ni wene taian nanai,Ao akea temanna ae e na kakamaakuia.
3 A na mauna kaawa aika nonoaki mai Eberaim,+Ao te tautaeka n uea mai Tamateko.+
E na mauna karineaia te koraki ake nikiraia kaain Turia,N aroni karineaia tibun Iteraera,” bon ana taeka Iehova ae Atuaia taanga ni buaka.*
4 “N te bong anne ao e na kerikaaki karinean Iakoba,Ao e na rikirake ni bakitaia rabwatana* are marurung raoi.
5 Ngkana e a ikotii aroka aika uita* ake n te tawaana te tia tai,Ao baina e taia te amwi ni uita,N aron temanna ae karemremwa te uita n te Mwarua* ae Rebaim.+
6 A na katukaki tii ake a karemremwakiN aron te kai ae te oriwa ngkana e ororeaki:
Ao tii uoua ke tenua oriwa aika tawaa aika tiku i aon te mwaanga are te kabanea mai eta,Ao tii aua ke nimaua i aoni mwaangana ake a karikiuaa,”+ bon ana taeka Iehova ae Atuan Iteraera.
7 N te bong anne ao te aomata e na taraa te tia Karaoia, ao matana a na karekea taraan Teuare Tabu iroun Iteraera.
8 E na aki tarai baonikarea+ aika ana mwakuri baina,+ ao e na aki karekea taraan te bwai ae a karaoia tabonibaina, ae tao kaai aika tabu* ke baonikareani baika boiarara.
9 N te bong anne ao a na riki ana kaawa aika nonoaki bwa ai aron te aono n te buakonikai ae kitanaki,+N ai aron te mwaanga ae kitanaki imwaia kaain Iteraera.
E na riki bwa te aba ae aki kona ni maekanaki.
10 Bwa ko a tia ni mwaninga taekan te Atua+ ae te tia kamaiuko,Ko a tia ni kabwaka n uringa te Bwaa+ ae am tabo ni kamaiu.
Anne bukina ae ko uniki iai aroka aika tamaroa,*Ao ko unika i buakoia te bwebwe ae ianena.*
11 N te bong anne ao ko karaua raoi n ooa arokam,Ko kabwebwerakei am koraa n te moaningabong,Ma e na maunanako uaan te mwakuri n tai ni bongin te aoraki ma te maraki ae akea katokana.+
12 Ongora! A a kiriwe botannaomata aika batiAika ai aroni buakan taari!
A karongoa natannaomata,Aika ai aron rurungaan raan aika bati karongoaaia!
13 A na karongoa natannaomata n ai aron rurungaan raan aika bati.
E na boaiia ao a na birinako nako kiraroa,Ao a na kakioaki n ai aroni kunin te uita ake n taiani maunga ae mena n unin te ang,N ai aron te uteute ae rai ae ubaranako n te angibuaka.
14 E roko te maakunrang n te tairiki.
Ai akea ngaiia imwain te moaningabong.
Aio bon tibwaia te koraki ake a kataenikaira,Ao tibwangaia te koraki ake a kuribwaira.
Taiani Kabwarabwara Mai Nano
^ Ke, “Tabaota.” Nora Nanon Taeka.
^ Ebera, “marikarikan irikona.”
^ Ke, “te Tabo ae Aoraoi ae Mena n te Mwarua.”
^ Ke, e kona n nanona “te baare.”
^ Nora Nanon Taeka.
^ Ke, “tatangiraki.”
^ Ke, “te atua ae ianena.”
