Itaia 29:1-24
29 “Ke e reke kain Ariera,* ae Ariera are te kaawa are e katei ngkoa iai ana umwanrianna Tawita!+
Ke e waakinako te ririki teuana ma teuana,Ke a waakinako taian toa+ aika okioki.
2 Ma N na karokoa te rawawata i aon Ariera,+Ao e na tanginiwenei te aba ma ni bwaebwaeti,+Ao e na riki neiei irou bwa ai aroni nnen te ai n ana baonikarea te Atua.+
3 N na katei umwanrianna ni katobibi n ekikonako,Ao N na otabwaniniko n te oo ae te nono
Ao ni katea te tano ae katabukaki n ekikonako.+
4 Ko na karinanoaki,Ko na taetae mai aontano,Ao e na taonakinako ni bubun te tano te bwai ane ko taekinna.
E na roko bwanaam mai aontano+N aroni bwanaan te tia rorokoia taimonio,Ao e na wirikiriki bwanaam man te tano.
5 A na riki te koraki aika bati aika taani kairiribai nakoim,* bwa ai aroni bubun te tano ae mte,+Ao te koraki aika bati aika taani karawawataa te aba, bwa ai aroni kunin te uita ae ukakinako.+
Ao e na rina n riki aei, n te tai ae waekoa.+
6 E na mutiakiniko Iehova ae Atuaia taanga ni buaka,* ao ni kamaiukoN rebwen te baa ao n te mwaeiei ao n te karongoa ae korakora,N te angibuaka ma te ukeukennanti ao n uran te ai ae kaakang.”+
7 Ao a na riki bwa kaanga ai aron te mii, ae te miitara n te bong,Te koraki aika bati mai buakoia natannaomata ni kabane, aika buakana Ariera,+Ake te koraki ni kabane ake a buakana neiei,Taua aika nonoaki ake a ekaanako neiei,Ao te koraki ake a karokoa te rawawata i aon neiei.
8 Eng, e na riki n ai aron te aomata ae bora ni baki ae e mii bwa e amwarake,Ma e uti ni bora ni baki,Ao ai aron te aomata ae bora n taka ae e mii bwa e moi,Ma e uti ni kua ao ni bora n taka.
Ao ai arona naba bwa e na riki anne nakoia te koraki aika bati mai buakoia natannaomata ni kabaneAke a buakana te Maunga ae Tion.+
9 Kam na kubanrou ma ni mimi,+Kamatakingkami ao kam na mataki.+
A koro ni manging ma tiaki n te wain,A rangaranga ma tiaki n te moi ae kamanging.
10 Bwa e kabwaroa Iehova i aomi te nano ni kani matunako.+
E kamaki matami ngkami aika burabeti,+Ao e rabuni atumi ngkami aika taani matairiki.+
11 A na riki iroumi miitara ni kabane bwa kaanga ai aron taeka ake n te boki ae kabaeaki ni kanikinaeaki.+ Ngkana a angan temanna ae kona ni wareware, ao a kangai: “Taiaoka ma wareka te baei ni kabaibati,” ao e na kangai teuarei: “I aki kona, bwa e kabaeaki ni kanikinaeaki.”
12 Ao ngkana a anga te boki nakon temanna ae babanga ni wareware ao a kangai: “Taiaoka ma wareka te baei,” ao e na kangai teuarei: “I babanga ni wareware naba teutana.”
13 E taku Iehova: “A kaaniai aomata aikai ni wiaAo a karineai n riaia,+Ma e rangi n raroa nanoia mairou,Ao e boto maakakiu irouia i aon aia tua aomata ake a reiakinaki iai.+
14 Mangaia ae boni Ngai ae N na manga karaoi baika kamimi nakoia aomata aikai,+Ae te bwai ae kamimi i aon te kamimi.
Ao e na mauna wanawanaia aia rorobuaka aika wanawana,Ao e na karabaaki aia ataibwai aia rorobuaka aika rabakau.”+
15 Ke e reke kaia te koraki ake a kakorakoraia ni karabai aia babaire* mairoun Iehova.+
A karaoi aia mwakuri n te tabo ae roo,Ao a kangai: “Antai ae norira?
Antai ae ataa te bwai ae ti karaoia?”+
16 Ai korakorara arom ni kabwaouai bwaai!
E na atongaki te tia karaomwangko bwa titeboo ma te bokaboka?+
E kona ni kangai te bwai ae karaoaki ibukin te tia karaoia:
“E aki karaoai”?+
Ao e kona ni kangai te bwai ae kateiraoaki ibukin te tia kateiraoia:
“Akea ana ataibwai”?+
17 Ai tii teutana riki te tai ao e nang oneaki Rebanon nakon te tabo ae a unikaki iai kainnamwarake,+Ao e na atongaki te tabo ae a unikaki iai kainnamwarake bwa te buakonikai.+
18 N te bong anne ao akana bonotaninga a na ongo taeka ake n te boki,Ao a na noraaba mataia akana mataki man te roo ao te rotongitong.+
19 A na rangi ni kakatonga iroun Iehova akana nimamannei,Ao akana maiu ni kainnano i buakoia aomata a na kimwareirei iroun Teuare Tabu iroun Iteraera.+
20 Bwa e nang akea te tia karawawataa te aba,Ao e nang roko n tokina te tia kamoamoa,Ao a na bane ni kamaunaaki te koraki ake a teimatoa n tantani ibukini kaikoakan te aba,+
21 Ao te koraki ake a karekeia temwangina n te bure n te taeka ae kewe,Ake a kawenei bwaai ni kamwane ibukin te tia kamanomano* ni mataroan oon te kaawa,+Ao ake a aki anga te kaetitaeka ae riai nakon te aomata ae raoiroi, ni kauntaeka aika akea uaaia.+
22 Ao Iehova are e a manga kabooa ngkoa Aberaam,+ e kangai ana taeka nakoia tibun Iakoba:
“E na aki manga maamaa Iakoba,Ao e nang aki manga mainarake.*+
23 Bwa ngkana e noriia natinaI rarikina, ake ana mwakuri baiu,+Ao a na katabua arau.
Eng, a na katabua Teuare Tabu iroun Iakoba,Ao a na tei ni karinea Atuan Iteraera.+
24 A na karekea te ataibwai te koraki ake a bubure n aia iango,Ao a na butimwaea te kaetieti te koraki ake a ngurengure.”
Taiani Kabwarabwara Mai Nano
^ Tao nanona, “Nnen te Ai n ana Baonikarea te Atua,” ae n taraana e kaineti nakon Ierutarem.
^ Ebera, “ianena.”
^ Ke, “Tabaota.” Nora Nanon Taeka.
^ Ke, “reirei ni kairiri.”
^ Ebera, “te aomata ae boaa te aba.”
^ Ae taekan ae ibukin te maamaa ao te bwarannano.
