Itaia 47:1-15
47 Ruuo ao tekateka i buakon te tanoNgkoe ae natini Baburon te aine ae tuai ni boo ma te mwaane.+
Tekateka i aontano ike akea iai te kaintokanuea,+Ngkoe ae natiia I-Kareria te aine.
Bwa a na aki manga araniko aomata bwa ko kakateke ao ko maiuraoi.
2 Anaa te atibu ni kamantinti ao kamantinta te burawa.
Kanakoa rabunani matam.
Buuta ririm ao kaaki rabunan rangam.
Rinanon taiani karaanga nakon iteraia.
3 E na buutaki karabaam.
Ao e na kaotaraeaki kamaamaeam.
N na karekekai+ ao akea te aomata ae e na tei imwaini kawaiu.*
4 “Aran Teuare e a manga kabooiraBon Iehova ae Atuaia taanga ni buaka.*
Boni ngaia Teuare Tabu iroun Iteraera.”+
5 Tekateka ikanne ni kainabwabu ao nakon te rotongitongNgkoe ae natiia I-Kareria te aine.+
A nang aki manga araniko bwa te Aine ae aia Toka* taian Tautaeka n Uea.+
6 I a un irouia au aomata.+
I kamwaraea tibwangau,+Ao I anga ngaiia nako nanoni baim.+
Ma ko aki nanoangaiia.+
Ko katokaa naba te uota ae rawawata i aoia kaara.+
7 Ko kangai: “N na teimatoa n riki bwa te Aine ae te Toka* n aki toki.”+
Ko aki kaaki baikai i nanom.
Ko aki iaiangoia bwa tera tokin te baei.
8 Ongora ngkai n te baei ngkoe ae te tia taatangira te kakukurei,+Ae tekateka ma te mweraoi ao e kangai i nanona:
“Boni ngai ao akea riki temanna.+
N na aki riki bwa te aine ae e a tia ni mate buuna.
Ao N na bon aki ataa aroni buaia naati.”+
9 Ma a na rina n roko i aom baika uoua aikai n tii tebongina:+
Buaia natim ao mateni buum.
A na roko i aom n te aro ae korakora,+Ibukin* am tabunea aika bati ma am kakaraoi ni kabane aika mwaaka.+
10 Ko onimakina buakakam.
Ko taku: “Akea ae e norai.”
Ko tiotionako ibukini wanawanam ma am atataiAo ko kangai i nanom: “Boni ngai ao akea riki temanna.”
11 Ma e na roko i aom te kabuanibwai,Ao akea mai buakon am mwakuri n tabunea ae e na katokia.*
E na bwakariko te karawawata ao ko na aki kona n tukia.
E na roko i aom te uruaki ae karina ae ai aron ae ko tuai man ataia.+
12 Waakinaanako ngkanne am kakaraoi ma am tabunea aika bati,+Ake ko korakai iai mangke ko roro n rikirake.
Tao ane ko na kabwaia iai.
Tao ane ko na kakubaia iai aomata.
13 Ko a rikirake ni kua ibukini mwaitikurikuria am tia anga te taeka n reirei.
Ke a teirake ma ni kamaiuko ngkai,Te koraki akana taromauria karawa,* akana taratarai itoi,+Te koraki akana anganga te atatai ni bongin nako otin namwakaina,Ni kaineti ma baika a na roko i aom.
14 Noria! Titeboo ngaiia ma uteute aika mwau.
E na kabuekiia te ai.
A aki kona ni kamaiuia i bon irouia mani korakoran te ura.
Tiaki aikai mwaakaro ibukini karekean te abue,Ao tiaki aei te ai ae e na tekateka te aba i matana.
15 Bon aei aroia am tia kabaea te nano nakoim,Ake te koraki ake ko korakai irouia mangke te roro n rikirake ngkoe.
A na tiotionako, temanna ma temanna n oini kawaina.*
E na akea temanna ae e na kamaiuko.+
Taiani Kabwarabwara Mai Nano
^ Ke tao, “ao N na aki kaitiboo ma temanna ma te akoi.”
^ Ke, “Tabaota.” Nora Nanon Taeka.
^ Ke “Ueannaine.”
^ Ke “Ueannaine.”
^ Ke tao, “N aki ongei.”
^ Ke, “Ao ko na aki ataa aroni katokana ni kaineti ma arom ni kabaea te nano.”
^ Ke tao, “Te koraki aika bwenaua karawa; Taani kaiwan itoi.”
^ Ebera, “nakon oin ana aono.”
