Itaia 5:1-30
5 N na anene taiaoka nakon teuare tangiraki irou,N te kuna ae taekan teuare au tangira ma ana nne ni kureebe.+
Iai ana nne ni kureebe teuare tangiraki irou i aon rabeen te tabuki ae karikiuaa.
2 E kenna ao e kanakoi atibu mai iai.
E unika iai te kai ae te kureebe ae rangi n raoiroi ae uraura,Ao e katea te taua i nukanaMa n ekea te nne ni kamanti kureebe iai.+
Ao e kakantaningaia bwa e na karikii kureebe aika raraoi,Ma e tii karikii kureebe aika bubuaka.+
3 “Ao taiaoka ngkai ma karaoa te motikitaeka i marenau ma au nne ni kureebe,Ngkami aika kaain Ierutarem ao mwaane aika tibun Iuta.+
4 Tera ae I kona ni karaoia riki ibukin au nne ni kureebeAe I tuai ni karaoia?+
E aera ngkai I kantaningai kureebe aika raraoiAo e tii karikii kureebe aika bubuaka?
5 Taiaoka ngkai ma kariaia bwa N na tuangingkamiTe bwai ae N na karaoia nakon au nne ni kureebe:
N na kanakoa oonaAo e na kabuekaki.+
N na kabwakaa oona ae te atibu,Ao e na toutouaki.
6 N na karikia bwa te aba ae e na aki karikiuaa.+
E na aki koromwangaaki ke n ribanaaki.
E na onrake n aroka aika kateketeke ao uteute,+Ao N na tua nakon taian nang bwa a na aki kabwakaa te karau teutana i aona.+
7 Bwa ana nne ni kureebe Iehova ae Atuaia taanga ni buaka* bon tibun Iteraera,+Ao mwaane aika tibun Iuta bon aroka* aika e tatangiri.
E kakantaningaa te kaetitaeka ae riai,+Ma noria! bon te ribuaka.
E kakantaningaa te raoiroi,Ma noria! bon te tang n rawawata.”+
8 A na reke kaia te koraki aika katomaa te auti teuana ma te auti riki teuana,+Ao ane e reita te tawaana teuana ma te tawaana riki teuana,+Ni karokoa ae ai akea riki te tabo ae mwaawa,Ao kam a maeka n tii ngkami n te aba!
9 E a tia Iehova ae Atuaia taanga ni buaka n taetae n tuea i tanigau,Bwa a na riki auti aika batiBwa te bwai ni kakamaaku ao a na akea kaaia,E ngae ngke a bubura ao a tamaroa.+
10 Bwa te nne ni kureebe ae tebwina te eka e na tii karekea te wain ae teuana te bwai ni baire ae te bwate,*Ao te koraa ae teuana te bwai ni baire ae te oma* e na tii karekea teuana te eba.*+
11 A na reke kaia te koraki ake a utimwaaka n te moaningabong bwa a na moi n te kamanging,+Aika teimatoa ni moi ni karokoa ae e a rotongitong n te tairiki, ni karokoa ae a a koro ni manging n te wain!
12 Iai aia abi ao aia bwai ni katangitang ae iai karaina,Te tamboriin,* te kaibwabwaa, ao te wain n aia baka n amwarake.
Ma a aki iangoa ana mwakuri Iehova,Ao a aki nora ana mwakuri baina.
13 Mangaia ae a na taenikai au aomataIbukin akean te atatai,+Ao a na baki aia rorobuaka aika karineaki,+Ao a na bane ni bora n taka aia aomata.
14 Ai ngaia ae e kabuburaa i bon irouna te Ruanimate,*Ao e kauremangangaea wina n akea tianakina.+
Ao a na bon ruo rikaaki nako nanona te kaawa anneMa tamaroana,* ao kaaina aika mwaitikurikuri aika karongoa, ao aika bukamaru n akea aia taubaang.
15 A na bobaraaki aomata,Ao a na karinanoaki aomata,Ao a na karinanoaki mataia aomata aika kainikatonga.
16 E na karietataaki Iehova ae Atuaia taanga ni buaka n ana motikitaeka.*
E na katabua i bon irouna rinanon te raoiroi+ te Atua ae koaua, are Teuare Tabu.+
17 Ao a na amwamwarake tiibutetei n aron ae kaanga a mena n aia tawaana,Ao aomata aika maeka n iruwa a na amwamwarake n taabo aika kamaroaeaki ake a maeka ngkoa iai maan aika nuai raoi.
18 A na reke kaia te koraki aika kewe ma ni katikitika iai aia kairuaAo aia bure n aron te man ae katikitika te kaa n te roobu,
19 Ake te koraki ake a kangai: “Ke E kabaitiia ana mwakuri
Ao ke e waekoa n roko ana mwakuri bwa ti aonga n noria.
Ke e karaoaki ana kantaninga* Teuare Tabu iroun Iteraera,Bwa ti aonga n ataia!”+
20 A na reke kaia te koraki aika taekina te raoiroi bwa te buakaka ao te buakaka bwa te raoiroi,+Te koraki aika kaibitaraea te rotongitong bwa te oota ao te oota bwa te rotongitong,Te koraki aika kaibitaraea te mao bwa te karewerewe, ao te karewerewe bwa te mao!
21 A na reke kaia te koraki aika wanawana n oini mataia,Ao n ataibwai n oin aia taratara!+
22 A na reke kaia te koraki aika korakora n te moi wain,Ao mwaane aika mwaatai n rengarengani moi aika kamanging,+
23 Ake te koraki ake a kainaomataa te aomata ae buakaka ibukin te bwai ni kamaraato,+Ao a aki anga te kaetitaeka ae riai nakon te aomata ae raoiroi!+
24 Mangaia ae n aron newen te ai ae kabueka te uteute ae mwau,Ao te uteute ae mwautakataka ae bue n uran te ai,Ao ai arona naba bwa e na mka wakaaia,Ao a na maenako bwebweia n aron te tano ae mte,Ibukina bwa a rawa nakon ana tua* Iehova ae Atuaia taanga ni buaka,Ao a aki karinea ana taeka Teuare Tabu iroun Iteraera.+
25 Anne bukina ae e a urarake unin Iehova n ekiianako ana aomata,
Ao e na arora baina n ekiianako ao n oreiia.+
A na ruru maunga,
Ao a na riki rabwataia ngkai a a mate bwa ai aroni maange n taiani kawai.+
E bon aki rairakinako unna ibukini baikai ni kabane,Ma e teimatoa n aroraki baina bwa e na oro.
26 E katea ana kanikina* nakon te natannaomata ae raroanako,+E kakatang nakoia bwa a na roko mai tabon nako aonnaba.+
Ao noria! A rangi ni waekoa n roko.+
27 Akea i buakoia ae e kua ke ae e bwaka.
Akea ae e nimatutu ke ae e matu.
E aki bwara te kabaea n nuka are i nukaia,Ao a aki naba uruaki kabaean aia kau.
28 A bane ni kakang kanoan aia kainikatebe,Ao a bane ni bwaoua* aia kainikatebe.
A matoatoa waeia aia aoti n aron te atibu ae matoatoa,Ao wiran aia kaa ni buaka kaanga ai aron te angibuaka.+
29 Bekoraraia ai aroni bekoraran te raian.
A bekorara n aroia raian aika ataei.+
A na kakarongoa ao n rawea konaia ma n uotianako,Ao akea temanna ae e na kamaiua.
30 N te bong anne ao a na kakarongoa i aonaN aroni karongoaan taari.+
Ane e karekea taraan te aba ao e na nora te rotongitong ae karawawata.
E a rikirake naba n roo te oota ibukin taian nang.+
Taiani Kabwarabwara Mai Nano
^ Ke, “te tabo n ununiki.”
^ Ke, “Tabaota.” Nora Nanon Taeka.
^ Nora Nanon Taeka.
^ Ke, “ana bwaanuea.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke, “kaetitaeka ae riai.”
^ Ke, “babaire; reirei ni kairiri.”
^ Ke, “kaetieti.”
^ Ke, “te kai ae te kanikina.”
^ Ke, “tauraoi ni katebe.”
