Itaia 50:1-11
50 E kangai ana taeka Iehova:
“E nga ana beeba ni buuraure+ tinami are I kanakoa?
Ke antai i buakoia ake I taarau irouia ae I kaboonakoingkami nakoina?
Noria! Kam kaboonakoaki bon ibukin ami bure,+Ao e kanakoaki tinami bon ibukin ami kairua.+
2 E aera ngkai akea temanna ikai ngke I roko?
E aera ngkai akea temanna ae kaeka ngke I wewete?+
E a rangi ni kororo baiu n te aro ae e a aki kona ni manga kabooa te aba,Ke akea te korakora irou ni kakamaiu?+
Noria! I kabwatakatakaa taari ni boaakina irou,+Ao I karikii karaanga bwa te rereua.+
A a mwaung iika ake iai ibukin akean te ran,Ao a a mate ibukin te bora n taka.
3 I kunnikaia karawa n te rotongitong+Ao I karaoa te raerobwa* bwa rabunana.”
4 E anganai te Uea ae Moan te Rietata ae Iehova neweia te koraki ake a a tia n reiakinaki,*+Bwa I aonga n ataa aroni kaekaan* ane e kua, n te taeka ae riai.*+
E kautai n te ingabong ae korakiAo e kauta taningau bwa e na ongora n ai aroia te koraki ake a a tia n reiakinaki.+
5 E kauka taningau te Uea ae Moan te Rietata ae Iehova,Ao I aki karitei.+
I aki rairakinako mairouna.+
6 I anga akuu nakoia akana oreai,Ao tabau nakoia akana routi buaiu.
I aki karabaa ubuu mani baika kamaamaea te aba ao man te bawareaki.+
7 Ma e na buokai te Uea ae Moan te Rietata ae Iehova.+
Anne bukina ae N na aki bwaibwainrang iai.
Anne bukina ae I karaoa iai ubuu bwa kaanga te atibu ae matoatoa,+Ao I ataia bwa N na bon aki kamaamaeaki.
8 E a kaan Teuare atongai bwa I raoiroi.
Antai ae kona ni bukinai?*+
Ti na uaia n teirake.*
Antai ae iai ana tangitang ni kaitaraai?
Ke e kawarai.
9 Noria! E na buokai te Uea ae Moan te Rietata ae Iehova.
Antai ae e na atongai bwa I reke n te bure?
Noria! A na bane ni mane n ai aron te kunnikai.
E na kaniia te koa.*
10 Antai i buakomi ae e maaka Iehova,Ao n ongo ni bwanaan ana toro?+
Antai ae e a tia n nakonako n te rotongitong ae korakora ae akea iai te oota teutana?
Ke e onimakina aran Iehova ao ni mwiokoia iroun* Atuana.
11 “Noria! Ngkami ni kabane aika kam kauraa te ai,Aika kam kakibakibai mwaakaro,Kam na nakonako n ootan ami ai,I buakoni mwaakaro ake kam kaurai.
Aio te bwai ae kam na karekea mai nanoni baiu:
Kam na wene ma te maraki ae korakora.
Taiani Kabwarabwara Mai Nano
^ Nora Nanon Taeka.
^ Ke, “te newe ae kataneiaaki raoi.”
^ Ebera, “ma te taeka teuana.”
^ Ke tao, “kakorakoraan.”
^ Ke, “kauntaeka ma ngai.”
^ Ke, “itaramata.”
^ Nora Nanon Taeka.
^ Ke, “onimakina.”
