Itaia 51:1-23
51 “Ongora irou ngkami aika kam kaea te raoiroi,Ngkami aika kam ukoukora Iehova.
Mutiakina te bwaa are kam ekeaki mai iai,Ao te bwangabwanga are kam kenaki mai iai.
2 Taraa Aberaam are tamami,Ao Nei Tara+ are bungingkami.*
Bwa bon tii teuaei ngke I weteia+Ao I kakabwaiaa ao I kamwaitia.+
3 Bwa Iehova e na kabebetea Tion.+
E na manga karaoi* uruakina ni kabane,+Ao e na karaoa rereuan neiei bwa kaanga Eten,+Ao rereuana ae aoraoi bwa kaanga ana onnaroka Iehova.+
E na reke te kakatonga ma te kimwareirei i nanon neiei,Ao te katituaraoi ma te anene ae tangiraoi.+
4 Kakauongo irou ngkami aika au aomata,Ao katanimai taningami ngkami aika au natannaomata.+
Bwa e na otinako te tua mairou,+Ao N na katea au kaetitaeka ae riai bwa kaanga te oota nakoia botannaomata.+
5 E a kaan au raoiroi.+
E na otinako au kakamaiu,+Ao a na motiki taekaia botannaomata anganibaiu.+
A na kabotoi aia kantaninga i aou taian abamwakoro,+Ao a na kakantaningaa anganibaiu.*
6 Euti matami nako karawaAo taraa te aonnaba ae i nano.
Bwa e na maeinikun karawa n ai aron te bubu,E na mane te aonnaba n ai aron te kunnikai,Ao a na mate kaaina n ai aroia maninnara.
Ma e na teimatoa n aki toki au kakamaiu,+Ao e na aki bwaka* au raoiroi.+
7 Ongora irou ngkami aika kam ataa te raoiroi,Aika aomata aika e mena i nanoia au tua.*+
Tai maakui aia kakaniko aomata aika mamate,Ao tai maakunrang n aia bwainingare.
8 Bwa e na kaniia te koa n ai aron te kunnikai.
E na kabwautiia koan* te kunnikai n ai aroni buraen te tiibu.+
Ma e na teimatoa n aki toki au raoiroi,Ao au kakamaiu i nanon rooro ni kabane.”+
9 Uti! Uti! Kunnikaiko n te korakoraNgkoe ae anganibain Iehova!+
Uti n ai aron are ni boong ake ngkoangkoa, n aron are n rooro ake a a tia n nako.
Tiaki boni ngkoe are ko ototea Raaba,*+Are ko ewara manin taari ae totoa?+
10 Tiaki boni ngkoe are ko kabwatakatakaa taari, ae te ran ae abwabwaki ma n nano?+
Are ko karaoa kabini marawa bwa te kawai ibukia te koraki ake a a manga kabooaki bwa a na toua nakon iterana are teuana?+
11 A na manga oki ana aomata Iehova ake a a manga kabooaki.+
A na roko i Tion ma te tang ni kimwareirei,+Ao e na baunia* te kimwareirei ae akea tokina.+
E na riki te kakatonga ma te kimwareirei bwa aia bwai,Ao e na birinako te rawawata ma te ikenrawa.+
12 “Boni ngai Teuare kabebeteingkami.+
E aera ngkai ko na maaka te aomata ae mamate ae e na boni mate,+Ao natin te aomata ae e na rai n aron te uteute ae kiriin?
13 E aera ngkai ko mwanuokina Iehova ae te tia Karaoiko,+Are Teuare taakina karawa+ ma ni kawenea aan te aonnaba?
Ao ko kabongnga ni maaka korakoran unin te tia karawawataa te aba,Bwa ai aron ae e na kona ni kamaunako.
E a nga ngkai korakoran unin te tia karawawataa te aba?
14 E na waekoa ni kainaomataaki teuare bobaraaki ni kabaeaki n te taurekereke,+E na aki mate ao n nako nanon te mwarua,Ao e na aki naba tare kanana.
15 Ma bon Iehova ngai ae Atuam,Ae kamarebua taari ao ni karurungaea naona,+Arau bon Iehova ae Atuaia taanga ni buaka.*+
16 N na kaaki au taeka i nanoni wim,Ao N na rabuniko n nuuni baiu,+Bwa I aonga ni kaaki karawa ni nnena ao ni kawenea aan te aonnaba,+Ao N na kangai nakon Tion, ‘Bon au aomata ngkami.’+
17 Uti! Uti! Teirake ngkoe ae Ierutarem,+Ngkoe ae ko moi ni mwangkon unin Iehova are i baina.
Ko moi man te mwangko ni wain.
Ko kabanea kanoan te mwangko ae karika te rangaranga.+
18 Akea mai buakoia natin neiei ni kabane aika mwaane ake e bungia ae e kairira neiei,Ao akea mai buakoia natina ni kabane aika mwaane ake e kaikawaiia ae e tautaua bain neiei.
19 A a bwakariko baika uoua aikai.
Antai ae e na kaota nanoangaam?
Te kamaunanakoaki ao te kamaroaeaki, te bora ni baki ao te kabaang!+
Antai ae e na kabebeteko?+
20 A a tong natim mwaane.+
A a wene i tutani kawai nako*N aroia tiibu aika moaanti i nanon te karaun.
A a onrake n unin Iehova, ae boaakia iroun Atuam.”
21 Ngaia ae ongora n aei taiaoka,Ngkoe ae te aine ae karawawataaki ma ni koro ni manging, ma tiaki n te wain.
22 E kangai ana taeka am Uea ae Iehova ae Atuam are tei ibukia ana aomata:
“Noria! N na anaa te mwangko are karika te rangaranga mai baim.+
Ko na aki manga moiMan te mwangko ni wain ae mwangkon uniu.+
23 N na kaaki i nanoni baia taani kammarakiko,+Ake te koraki ake a kangai nakoim, ‘Bobaraaki bwa ti aonga n nakonako i aom!’
Bwa ko aonga ni karika nukam bwa kaanga aontano,N ai aron te kawai bwa a na nakonako i aona.”
Taiani Kabwarabwara Mai Nano
^ Ke, “kaotinakoingkami ma te ariri ni maraki.”
^ Ebera, “kabebetei.”
^ Ke, “korakorau.”
^ Ke, “e na aki maeinikun.”
^ Ke, “kaetieti.”
^ Ke tao, “mwatan.” Nora Nanon Taeka.
^ Nora Nanon Taeka.
^ Ebera, “e na toka i aon atuia.”
^ Ke, “Tabaota.” Nora Nanon Taeka.
^ Ebera, “i taboni kawai ni kabane.”
