Itaia 64:1-12
64 Ko bia raeuaa karawa ao ko ruo,Bwa a aonga ni mwaeiei maunga ibukim,
2 Ao n aron te ai ngkana e kaurai mwakorokoro ni kai,Ao te ai ngkana e kaburoa te ran,Ao e na ataaki aram irouia taani kakaaitarako,Ao a na rurubenebene natannaomata i matam!
3 Ngke ko karaoi baika kamimi ma ni kakamaaku aika ti aki kona ni kantaningai,+Ao ko ruo ao a mwaeiei maunga i matam.+
4 Man taai ake ngkoa ao akea ae e a tia n ongo ke n anga taningana nakon te Atua temanna,Ao akea te mata ae e a tia n noria, ma tii ngkoe,Ae ko karaoa te mwakuri ibukia te koraki ake a teimatoa ni kantaningaia.*+
5 Ko a tia ni kaitiboo ma te koraki aika kimwareirei ni karaoa ae eti,+Ake te koraki ake a uringko ao ni kakairi n arom nako.
Noria! Ko un ibukina bwa ti teimatoa ni bure,+Ao ti karaoa anne i nanon te tai ae maan.
Ti riai ngkanne ni kamaiuaki ngkai?
6 Ao ti bane n riki bwa kaanga te aomata ae kamwara,Ao ara mwakuri ni kabane aika raraoi kaanga te moti ae mwin te aoraki n aine.+
Ti na bane n rai n aron te baanikai,Ao a na uotiranako ara bure n aron te ang.
7 Akea temanna ae taboa aram,Ao akea temanna ae kaungaa i bon irouna bwa e na tauko ni kamatoako,Bwa ko karabaa matam mairoura,+Ao ko kamamaaraira* ibukin* ara bure.
8 Ma ngkai Iehova, bon Tamara ngkoe,+Boni bokaboka ngaira, ao ara tia Karaomwangko* ngkoe.+
Bon ana mwakuri baim ngaira ni kabane.
9 Iehova, tai rangi n un,+Ao tai uringa ara bure n aki toki.
Taiaoka taraira, bwa bon am aomata ngaira ni kabane.
10 A a riki am kaawa aika tabu bwa te rereua.
E a riki Tion bwa te rereua,Ao Ierutarem bwa te aba ae aki kona ni maekanaki.+
11 E kabuekaki n te ai+Ara auti* are nnen te tabu ao te mimitong,*Are a karaoiroiko iai ara bakatibu,Ao a a bane ni wene n uruaki bwaai ni kabane ake a kakawaki iroura.
12 Ni kaineti ma aei Iehova, ko na bon teimatoa naba n rawa ni buokira?
Ko na bon teimatoa naba ni kainabwabu ao ni kariaia bwa ti na karawawataaki n te aro ae riao?+
Taiani Kabwarabwara Mai Nano
^ Ke, “tataningaia ma te taotaonakinnano.”
^ Ebera, “ni bain.”
^ Ebera, “karaoira bwa ti na ran.”
^ Ke, “Teuare karaoira.”
^ Ke, “tembora.”
^ Ke, “tamaroa.”
