Taeka N Rabakau 9:1-18
9 E katea ana auti te wanawana ni koaua,Ao e kaari* bouana aika itiai.
2 E katauraoa raoi ana irikomaiu,E rengana ana wain,Ao e bairea naba ana taibora.
3 E kanakoia ana toro aika aine,Bwa a na wewete man te tabo ae rietata i etan te kaawa,+ ni kangai:
4 “Ane e roo nanona, ao ke e rin ikai.”
Ao e taku nakon ane e aki ataa ae riai:*
5 “Nakomai ao amwarake n au kariki.
Kam na kaai ni moi n te wain ae I a tia n renganna.
6 Kitan roon nanomi* ao kam na maiu,+Ao waaki mwananga ni kawain te ataibwai.”+
7 Ane e kaeta te tia bwainingare ao e wewetea te kamaamaeaki,+Ao ane e boaa te aomata ae buakaka ao e na ikoaki.
8 Tai boaa te tia bwainingare bwa e kaawa n ribaiko.+
Boaa te aomata ae wanawana ao ane e na tangiriko.+
9 Ibuokanibwai ma te aomata ae wanawana ao e na wanawana riki.+
Reireina te aomata ae raoiroi ao e na raka riki ana atatai.
10 Maakakin Iehova boni moan rikin te wanawana,+Ao ataakin Teuare Moan te Tabu+ bon te ataibwai.
11 Bwa a na bati am bong mairou,+Ao e na abwabwaki maium.
12 Ngkana ko a wanawana, ao ko boni wanawana ibukini kabwaiam,Ma ngkana ngkoe te tia bwainingare ao ko na bon anaa uaana n tii ngkoe.
13 E mautakarara te aine ae nanobaba.+
E bangabwai ao bon akea te bwai ae e ataia.
14 E tekateka ni kawaini mataroan ana auti,I aon te kaintekateka n taabo aika rietata n te kaawa,+
15 Ao e wewete nakoia te koraki ake a rikekei,Nakoia te koraki ake a waaki ni mwananga ni kawaia, ni kangai:
16 “Ane e roo nanona, ao ke e rin ikai.”
Ao e taku nakoia te koraki ake a aki ataa ae riai:*+
17 “A karewe raan aika iraeaki,Ao e kakukurei te amwarake ae karabaaki ni kanaki.”+
18 Ma e aki ataia ae a mena ikanne te koraki aika akea korakoraia bwa a mate,Ao a mena ana iruwa neienne i kabin nako te Ruanimate.*+
Taiani Kabwarabwara Mai Nano
^ Ke, “korei.”
^ Ebera, “aki tau nanona.”
^ Ke, “Kitania akana roo nanoia.”
^ Ebera, “aki tau nanoia.”
^ Ke, “Tiore,” ae taekan ruanimaten te botannaomata. Nora Nanon Taeka.
