Areru 121:1-8
Te Anene n Ararake.
121 I euti matau nakoni maunga.+
E na roko mai ia buokau?
2 E roko buokau mairoun Iehova,+Are te tia Karaoa karawa ma aonnaba.
3 E na aki kona ni kariaia bwa e na marannako* waem.+
E na aki kona n nimatutu Teuare kawakiniko.
4 Noria! E na aki kona n nimatutu ke ni matu,Teuare kawakinia Iteraera.+
5 E kawakiniko Iehova.
Bon te nuu Iehova+ i angaataim.+
6 E na aki oreiko taai n te ngaina,+Ke namwakaina n te bong.+
7 E na kawakiniko Iehova mani baika karuanikai ni kabane.+
E na kawakina maium.*+
8 E na kawakiniko Iehova ni baika ko karaoi* ni kabaneMangkai ao n aki toki.
Taiani Kabwarabwara Mai Nano
^ Ke, “tatanako.”
^ Ebera, ne’phesh, nora Nanon Taeka.
^ Ebera, “n otinakom ao n rinim.”
