Areru 125:1-5
Te Anene n Ararake.
125 Te koraki ake a onimakina Iehova+Kaanga ai aron te Maunga ae Tion, ae aki kona ni kaingingaki,Ma e teimatoa n aki toki.+
2 N aroni maunga aika otabwaninia Ierutarem,+Ao ai aron naba Iehova n otabwaninia ana aomata+Mangkai ao n aki toki.
3 E na aki teimatoa te oko n uea ae buakaka ni mena i aon te aba ae tibwangaia akana raoiroi,+Bwa a aonga n aki rairaki akana raoiroi nakoni karaoan* ae kairua.+
4 Karaoa ae raoiroi, ngkoe ae Iehova, nakoia te koraki aika raoiroi,+Ao nakoia te koraki aika eti nanoia.+
5 Ni kaineti ngkanne ma te koraki aika rairaki nakon aroia aika bubuaka,E na kamaunaia Iehova n ikotaki ma taani kakaraoa ae bure.+
Ke e mena te raoi i aon Iteraera.
Taiani Kabwarabwara Mai Nano
^ Ke, “raira baia nakon.”
