Areru 135:1-21
135 Karaoiroa Iah!*
Karaoiroa aran Iehova,Aanga te karaoiroi, ngkami aika ana toro Iehova,+
2 Ngkami aika kam tei n ana auti Iehova,Ni katawanangin ana auti Atuara.+
3 Karaoiroa Iah bwa e raoiroi Iehova.+
Anene n neboa* arana bwa e tamaroa.
4 Bwa e a tia Iah n rinea Iakoba ibukina,Ao Iteraera bwa ana aomata ae okoro.*+
5 Bwa I ataia raoi ae e kakannato Iehova,E kakannato riki ara Uea nakoia atua ni kabane.+
6 E karaoi bwaai nako Iehova aika e kukurei ni karaoi+I karawa, n te aonnaba, i taari, ao n taabo ni kabane aika nano.
7 E karaoi taian nang* bwa a na waerake mai tabon nako aonnaba,
E karaoa te iti ibukin te karau,Ao e kaotinakoa te ang man ana auti ni kaikobwai.+
8 E kamateia karimoan Aikubita,Ae te aomata ma te man.+
9 E kanakoi kanikina ma kakai nako Aikubita,+N ekaanako Barao ma ana toro ni kabane.+
10 E oreiia natannaomata aika bati,+Ao e kamateia ueea aika korakora,+
11 Ae Taion are aia uea taian Amoraite,+Ma Oka are ueani Batian+Ao tautaeka n uea ni kabane i Kanaan.
12 E anga abaia bwa te tibwanga,Ae te tibwanga nakoia tibun Iteraera ake ana aomata.+
13 E teimatoa n aki toki aram, ngkoe ae Iehova.
E teimatoa kakannatom* i nanon rooro ni kabane, ngkoe ae Iehova.+
14 Bwa e na kamanoia* ana aomata Iehova,+Ao e na nanoangaiia* ana toro.+
15 Bon taian tirewa ma koora aia bouannanti natannaomata,Bon aia mwakuri baia aomata.+
16 Iai wia ma a aki kona n taetae,+Ao mataia ma a aki kona n noraaba.
17 Iai taningaia ma a aki kona n ongo,Ao akea te ikeike i nanoni wia.+
18 A na riki bwa ai aroni baikai, aomata ake a karaoi baikai,+Ao ai aroia naba te koraki ni kabane ake a onimakini baikai.+
19 Karaoiroa Iehova ngkami aika tibun Iteraera.
Karaoiroa Iehova ngkami aika tibun Aaron.
20 Karaoiroa Iehova ngkami aika tibun Rewi.+
Karaoiroa Iehova ngkami aika kam maaka Iehova.
21 Ke e karaoiroaki Iehova mai Tion,+Are teuare maeka i Ierutarem.+
Karaoiroa Iah!+
Taiani Kabwarabwara Mai Nano
^ Ke, “Areruia!” “Iah” boni kauarerekean te ara ae Iehova.
^ Ke, “Katangitang nakon.”
^ Ke, “ana bwai ae kakawaki.”
^ Ke, “taiani buane.”
^ Ke, “aram.” Ebera, “kanuringam.”
^ Ke, “tei ibukia.”
^ Ke, “uringaaba.”
