Areru 16:1-11
Ana mikitam* Tawita.
16 Kawakinai ngkoe ae te Atua, bwa I kamanoai iroum.+
2 I taku nakon Iehova: “Bon Iehova ngkoe, ae Nibwan raoiroiu.
3 Ao te koraki aika itiaki* n te aonnaba,Ae te koraki aika kakannato, a anganai te kimwareirei ae rangi ni bati.”+
4 Te koraki ake a kakairi irouia atua riki tabeman a kabatiai rawawataia.+
N na aki kona ni kabwaroa aia karea ae te moi ae te raraa,Ke ni mwanewei araia n riau.+
5 Bon tibwau Iehova, au bwai ae I anganaki,+ ao e kaona au mwangko.+
Ko kawakina tibwangau.
6 A baireaki ibukiu taabo aika kakamaiu.
Eng, I rauaki n tibwangau.+
7 N na karaoiroa Iehova are anganai taeka n reirei.+
Ao a kaetietai naba n te bong au iango aika raba.*+
8 I kaaki Iehova i matau n taai nako.+
N na bon aki kona ni kaingingaki* kioina ngkai e mena i angaataiu.+
9 Mangaia ae e kakatonga nanou, ao I* kimwareirei naba.
Ao I* maeka ma te mweraoi.
10 Bwa ane ko na aki katukai n te Ruanimate.*+
Ao ko na aki kariaia am aomata ae kakaonimaki ni koaua bwa e na nora te mwarua.*+
11 Ko kaota nakoiu kawain te maiu.+
E mena te kimwareirei ae bati iroum,*+E mena te kukukurei* i angaataim n aki toki.
Taiani Kabwarabwara Mai Nano
^ Nora Nanon Taeka.
^ Ke, “tabu.”
^ Ke, “au namakin aika rangi n raba.” Ebera, “au kirine.”
^ Ke, “N na bon aki kona n turatura (tatanako).”
^ Ebera, “karineau e.”
^ Ke, “e maeka irikou.”
^ Ke, “Tiore,” ae taekan ruanimaten te botannaomata. Nora Nanon Taeka.
^ Ke tao, “bwa e na mka rabwatana.”
^ Ebera, “n ubum.”
^ Ke, “tamaroa.”
