Areru 19:1-14
Te kaetieti nakon te mataniwi n te anene. Ana anene Tawita.
19 E tataekina mimitongin te Atua karawa,+Ao a kaotiota ana mwakuri baina bwaini karawa.+
2 A kaotinakoi aia taeka n te ngaina teuana ma teuana,Ao a kaotiota te atatai n te tairiki teuana ma teuana.
3 Akea te taetaenikawai ao akea taian taeka,E aki ongo te aba bwanaaia.
4 Ma e otinako aia kaotioti* nakon te aonnaba ni kabutaa,Ao aia rongorongo nako tabon aonnaba ni kabutaa.*+
E a tia ni katea te umwanrianna i karawa ibukin taai,
5 Kaanga ai aron te tia mare te mwaane ae otinako mani nnena ni wene,E kimwareirei n aron te mwaane ae korakora ae biri n te kabobirimwaaka.
6 E otinako mai taboni karawa teuana,Ao e katobibi nakon iterana are teuana.+
Ao akea te bwai teuana ae karabaaki mani kabuebuena.
7 E kororaoi ana tua Iehova+ bwa e kaoka te korakora.+
E kona n onimakinaki ana kauring Iehova,+ bwa e kawanawana ane e roo nanona.+
8 A raoiroi babaire ake mairoun Iehova bwa a kakimwareireia te nano,+E itiaki ana kaetieti Iehova, bwa e kaotai maata.+
9 E itiaki maakakin Iehova,+ ao e teimatoa n aki toki.
Akoaua ana motikitaeka Iehova ao a eti n taai nako.+
10 A tangiraki riki nakon te koora,Nakon te koora ae raoiroi* ae rangi ni bati,+Ao a karewerewe riki nakon ana karewe te manibeeru,+ ae ana karewe te manibeeru ae timtim mani ngaona.
11 A anga te kauring nakon am toro,+Ao iai te kaniwanga ae bubura ngkana a kawakinaki.+
12 Antai ae kona n atai kairua?+
Taekinai bwa akea au bure ni kaineti ma buure aika I aki atai.
13 Ao taua am toro mani mwakuri ni kan rarabakau,+Ao tai kariaia bwa a na taua arou.+
Ao e na akea ngkanne kabuakakaau,+Ao e na akea naba au bure n te bure n akiako.*
14 A bia riki ana taeka wiu ao ana iango nanou,Bwa baika kakukurei nakoim+ ngkoe ae Iehova, ae au Bwaa+ ao te tia Manga Kabooai.+
Taiani Kabwarabwara Mai Nano
^ Ke tao, “te kora ni baire.”
^ Ke, “te aba ae maiureirei.”
^ Ke, “itiaki.”
^ Ke, “te bure ae bati.”
